07-Jun-2006, 12:52 AM
السلام عليكم ورحمة الله وبركاته
هذه قصيدة وهي عبارة عن رسالة أرسلتها لأخوي
يوم إشترا له جيب لكزز
وأقول فيها:
مبروك يا سعود موتر جتني أخباره=يحفظه ربي ويحفظ من يسوقونه
اللكزز اللي على الإنتاج جباره=يازين موتر بديرتهم يصبونه
لاركبوا شمعته ثم شد مسماره=من شوفته كل واحد طارت عيونه
لاجيت تختار تلقى النفس محتاره=هذا غرابي وذا زباد صابونه
ما لف حوله بزيك(ن) كنه سواره=ماهوب جكسار بخطوط(ن) يلفونه
صاف(ن) تقل غيمة بالمزن مبداره=وإلا بخد(ن) لبنت رجال مزيونه
أبيض تقل من وضح فنجال وبكاره=يطرح طيور السماء حزة يشوفونه
ليا نهضته ويمناكم على الطارة=يجاوبك بالولع K.M طبلونه
ومن داخله فاره(ن) تقول طياره=ماباقي إلا على المدرج يهدونه
يازين ممشاه إليا دجت في حاره=وإلا بقفر(ن) يعجز الناس يأتونه
ماجبت وصفه ولو فالوصف لي شاره=شروا مرير الحبيل اللي يجيبونه
وسلامتكم......
ولا يزعلون منا راعين الجكسارات
وأتمنا أن تحوز القصيدة على رضاكم وإعجابكم
وتقبلوا تحيات
بن برقا المحياني
هذه قصيدة وهي عبارة عن رسالة أرسلتها لأخوي
يوم إشترا له جيب لكزز
وأقول فيها:
مبروك يا سعود موتر جتني أخباره=يحفظه ربي ويحفظ من يسوقونه
اللكزز اللي على الإنتاج جباره=يازين موتر بديرتهم يصبونه
لاركبوا شمعته ثم شد مسماره=من شوفته كل واحد طارت عيونه
لاجيت تختار تلقى النفس محتاره=هذا غرابي وذا زباد صابونه
ما لف حوله بزيك(ن) كنه سواره=ماهوب جكسار بخطوط(ن) يلفونه
صاف(ن) تقل غيمة بالمزن مبداره=وإلا بخد(ن) لبنت رجال مزيونه
أبيض تقل من وضح فنجال وبكاره=يطرح طيور السماء حزة يشوفونه
ليا نهضته ويمناكم على الطارة=يجاوبك بالولع K.M طبلونه
ومن داخله فاره(ن) تقول طياره=ماباقي إلا على المدرج يهدونه
يازين ممشاه إليا دجت في حاره=وإلا بقفر(ن) يعجز الناس يأتونه
ماجبت وصفه ولو فالوصف لي شاره=شروا مرير الحبيل اللي يجيبونه
وسلامتكم......
ولا يزعلون منا راعين الجكسارات
وأتمنا أن تحوز القصيدة على رضاكم وإعجابكم
وتقبلوا تحيات
بن برقا المحياني
