بعد غيبه طويله جيت اسلم واقول
ابن عيد المطرفي26-Jul-2006, 06:53 PM
بعد غيبه طويله بسبب ظروف خاصه اطللت عليكم بهذين البيتين تعبيرا عن حبي
لكم وتواجدكم الدائم في سويداء قلبي
بعد غيبه طويله جيت اسلم واقـــــــــــول**** يا عسى منتدانا في مساره يسيــــــــــــر
منتدى الهيلا عندي مثل غيث(ن) هطول****كل الاعضاء وحتى الضيف وايضا المدير
خالد اوصاهب27-Jul-2006, 12:57 AM
مرحبا باسمي وباسم الرجال الزحول
.........................عـــزوة عتيبة الهيــلا كعـــام المغيــر
منتدانا يشــــرفـــنــا بعــرض وطــول
.........................بين الاقطـــاع له شانه وشـــانه كبير
ابن عيد المطرفي27-Jul-2006, 01:36 AM
البقا يا اوصاهب وارتكز للحمـــول **** الفلك يا عميلي دايم(ن) يستديـــر
شوف لبنان روح في يدين العجول **** وانت نايم تبطح فوق هاك السرير
الوليد العتيبي27-Jul-2006, 01:49 AM
الله الله يعطيكم الف عافيه
واصلوووووووو متابعين لكم
تحياتي
الفراهيدي27-Jul-2006, 04:04 AM
ياسلام ياسلام
واصلوووووووو متابعين لكم
تحياااااااااااتي
خالد اوصاهب27-Jul-2006, 06:34 PM
الحرار الشجيعة في سماها تجـــول ******* وانت يالمطرفي تلعب مع اكبر وزير
انفض البيرق الاخضر وسو الفعول ******* كانك انت الشجيع اللي تسمى خبير
خالد اوصاهب27-Jul-2006, 06:36 PM
الوليد
الفراهيدي
مشكورين
وشد حيلك يابن عيد
ابن عيد المطرفي28-Jul-2006, 12:42 AM
فالسماء لو تحلق مالك الله تطول **** خوفي تنزل خميعه تنرمي وسط بير
المشـــاكل كثــيره مير عنـــدي حلـول **** وانت عندي وزير(ن) في بلاط الامير
ابن عيد المطرفي28-Jul-2006, 12:43 AM
الوليــــــــــد + الفراهيـــــــدي مشكورين على المتابعه يا النشامى متابعتكم
لنا شرف
الايداء128-Jul-2006, 02:16 AM
,
,,,
صحت السنتكم يالشعار
على هذه المحاوره السياسيه
دمتم بخير ,,,
خالد اوصاهب28-Jul-2006, 05:47 PM
كاسبين العــلا وافعــالنا ماتـــزول
................ ياهذيل ان وردتوا فابشروا بالصدير
لاتهــايط وانا خابــرك دايم جفــول
................ الامــاره لنا والا انت جنــدي خفيـــر
خالد اوصاهب28-Jul-2006, 05:51 PM
,
,,,
صحت السنتكم يالشعار
على هذه المحاوره السياسيه
دمتم بخير ,,,
مشكور يا الايدا على المرور
ابن عيد المطرفي28-Jul-2006, 10:53 PM
يا اوصاهب تركد ما انت رجل(ن) صمول**** عارف إنك شرود(ن) في نهار النفير
فالعلالي نزلنا وانت بطن السهـــــــــــــول**** في لحاف الحليله مقتوي بالشخيـــر
-------------------------------------------------------------------------------------
اخوي خالد تراني ما وصلت قبيلة عتابه وانا اخوك بشي وانت وصلت لهذيل وانا
اخوك والمحاوره بيني وبينك تعرف لو وصلت انا لعتيبه بشي وجمعت مثلك وكاد
بيزعلون الربع هنيا خل راسك براسي وانا مستعد ان بغيت نجمع وناصل للقبايل
ونوش بعض العلوم والامر متروك لك وانا مستعد في كل الاحوال
خالد اوصاهب28-Jul-2006, 11:13 PM
من قربني يجيه الخوف والا الذهول
..................... ومن تحــدا العتيبي جــاه يــوم عسيــر
فالفيافي عتيبه كل يوم(ن) تصــــول
.................... هم هل الخيل والسيف الصقيل الشطير
((((((اخوي)))))) ابن عيد ونعم فيكم وانا ما غلطت علاكم
والمقصود بهذيل (( انت )) لانك احد ابنا القبيله وتمثلها
وارجو التعليق من الاعضا ان كنت غلطت بحق قبيلتك ابشر بالحق
مرزوق حمدان العتيبي29-Jul-2006, 12:56 PM
...
.
كلكم وافين وشعراء مبدعين
وكلام عيد يدل على رجاحة عقله وسمو ادبه
فهو يقصد الشاعر قدمه خصمه يفعل به مايشاء في حدود الادب
والذوق العام .. ولايحب المساس بالقبايل ... وكلامه هو عين العقل ..
اما انت ياخالد اوصااهب فيعداك اللوم يابن العم وبيض الله وجهك على
حسن اخلاقك ... وجمال ردك ...
...
واصلوا يامبدعين وترانا متعطشين للمعاني الساميه الجزله ..
...
اخوكم ...
....
خالد اوصاهب29-Jul-2006, 06:03 PM
...
.
كلكم وافين وشعراء مبدعين
وكلام عيد يدل على رجاحة عقله وسمو ادبه
فهو يقصد الشاعر قدمه خصمه يفعل به مايشاء في حدود الادب
والذوق العام .. ولايحب المساس بالقبايل ... وكلامه هو عين العقل ..
اما انت ياخالد اوصااهب فيعداك اللوم يابن العم وبيض الله وجهك على
حسن اخلاقك ... وجمال ردك ...
...
واصلوا يامبدعين وترانا متعطشين للمعاني الساميه الجزله ..
...
اخوكم ...
....
اشكرك اخوي مرزوق على التعليق ولا يهون ابن عيد
((((حقا انت استاذنا وقدوتنا في هذا المنتدى وبيض الله وجهك))))
ويعلم الله اني اعد جميع الاعضا مثل اخواني
ابن عيد المطرفي29-Jul-2006, 07:53 PM
الهذيلي لك الله ما نظر للخــــــــــــــــبول **** يسبك القاف كنه سبك راع الحريــــــر
وسيفك الالمعي يا هيه سيف(ن) خجول **** لو لمح زول قدمه من يدينك يطير
خالد اوصاهب30-Jul-2006, 02:05 AM
والعتيبي مايسبر كل ثور امهبول
..................... يذبح الصيد ماياكــل حتـات الشعير
سيفنا للمعادي يالهــذيــلي وكـول
..................... وانت مالك سيوف تسلها من جفير
ابن عيد المطرفي30-Jul-2006, 06:23 PM
يا العتيبي تركد انت بنت(ن) بـــــــتول **** لو يطول الزمن لازم تدور سمير
والهذيلي بوقت الحرب ليث(ن) قتول **** سيرته فالحرايب والمغازي شهير
ابن عيد المطرفي30-Jul-2006, 06:29 PM
اخوي خالد اوصاهب صح لسانك ملااااااااااااايين ابدعت وامتعت
وان شاء الله يكون لنا لقاءات قادمه مع كل حبي وتقديري لك
خالد اوصاهب30-Jul-2006, 06:36 PM
وانت جنس جديد ولالك اية قبول
....................... اما انا رجل والله يالهذيلي يجير
لو تبيع الخبوز ولو تنادي بفـول
....................... عارفين القديم وعارفين الاخير
خالد اوصاهب30-Jul-2006, 06:39 PM
صح بدنك يا اخي العزيز
واستر ما واجهت
وحنا نعطي مثل ما يجينا
