}{! لاضاع فكري !}{

هذي القصيده ماخلصت منها الا امس

اوردها لكم وانشالله تحوز على اعجابكم


اقول:

لاضاع فكري وانقلب خاطري شين ** وقمت اتشوف في دواه وعلاجه

ثم صار راسي ملعب(ن) للشياطين ** وكلن يدور قبل الآخر خراجه

ماقام يطري غير سيد المزايين ** الي على بالي مروق مزاجه

جبرت فكري واوصفه بيت بيتين ** لو الوصف بيني وبينه عواجه

العين لو تنظره عين الشواهين ** يضربك برق(ن) لو نظرك بغناجه

والخد صبح(ن) شع درب المحبين ** لو شفت خده خل شوفك وهاجه

والعنق عنق(ن) ياصحيبي على الدين ** ياويش اوصف يانديبي لجاجه

والقذله الي واصله حد رمشين ** تعمي عيونه دون شوف المواجه

شعره سواد الليل زين(ن) على زين ** لمعت جديله مثل لمع الزجاجه

وليا زهق منه يحذفه على يمين ** ويلف طوله ثم يربط نهاجه

وليا تعب يتكي بجنبه على اللين ** ثم بان جسم(ن) مايعيب بحاجه

خصر(ن) مقوس تعترف به عناوين ** وانا اشهد انه مايرد الحداجه

والساق سيف(ن) يقسم الحجل قسمين ** مرسوم واتبين عليه انعواجه

افصح طريقه توصفه قول ثنتين ** (حلاه يقطر) ماذكر به هماجه

هو ماخذ(ن) قلبي بعد قرة العين ** والشوق لعيونه يزيد اندراجه

واليا على وصله نهاك المليعين ** قله صحيح وكل علمه سماجه

وانكث كلامك واتجه لاريش العين ** واسمع علومه ثم قلب حجاجه

لامن طلبته قال اهلن وسهلين ** ياعين ابوي ونبض قلبي وتاجه

لاصار خلك مثل هذا ونعمين ** يلطف بقلبك مايكدر مزاجه

وهذاك والله من سوا له ملايين ** وحبه بقلبي عاليات(ن) ابراجه

يفداه راسي والشعر والدواوين ** واسمه على صدري ينور سراجه

وسلامتكم


وودي اسمع نقدكم بكل صراحه وبدون مجاملات


دمتم بود



بدر بن قرفان.. .

افاااا


ولا رد

صح لسانك يابن قرفان

والاعضاء اكثرهم مشغول لايجي في خاطرك شي على عيال عمك

ترى اكثر الزيارات من الزوار وهم لا يستطيعون الرد

تقبل تحياتي

صح لسان يا ذيبان والله القصيده جزله
شعره سواد الليل زين(ن) على زين ......... لمعته جديله مثل لمع الزجاجه
وتقبل تحياتي
...ابن عمك (عزيز الثقفي)

والله كفوووو





لكن طلب نسقها عشااااااان يطلع منظرها احسن




وصح لسااااااااانك

غزليــه رائـــعه أبدعــت يالغالـــي وماقصـــرت وبيض الله وجهكـ...






جزله يالجــزل.

عامر بن جشم الهوازني

الثقفي

ابا الرووس

عبدالله الجذع


صحت ابدانكم

وماقصرتوا وبيض الله وجيهكم على هالمروور العطر

بس ماسمعت نقد للحين

تحياتي لكم.. .