مرثية حدجان العقيلي بالشيخ عبد العزيز بن جامع رحمه الله

هذه مرثيه في حاتم عتيبه الشيخ عبد العزيز بن جامع الله يرحمه ويسكنه فسيح جناته
وهوغني عن التعريف ....، لذا اليكم القصيده



يوم الثلوث اللي على الكل مشؤوم=لاعاد فجره ولا نهاره وعصره
صبحه علينا مثل غاره على قوم=واخذ عزيز القوم لاعاد عصره
وعلىالقلوب طعون وجروح وهموم=وخيم علينا الحزن بطلوع فجره
لكل منابداخله جرح مقسوم=من قو حره كن بالنون جمره
على حبيبن داخل القبر ملموم=ماشفت انا مثله بشيوخ عصره
ببكي على عمي ولا ني بمليوم=ومن لامني جعله يوارى بقبره
ويبكي على عمي يتيم ومهموم=ويبكي عليه الغرس واسوار قصره
وتبكي على عمي عشيره الى الدوم=الياكبرت القاله حضنها بصدره
عمي عديم في القرايب وبالقوم=حاش المراجل كلها عهد صغره
مرحوم ياشيخ الكرم دايم الدوم=حاتم عتيبه وسامها فوق صدره
مرحوم ياشيخ خلف له قروم=هم الذرى ليشتد برده وحره
مرحوم ياعمي مرحوم مرحوم=يالله تثبت حجته وسط قبره
ياقبر ياللي بالحصى صرت مردوم=ابرد على عمي وسع مقره
ويالله يامعبود ياللي لك الدوم=حطه بالجنه وبالعفو بره



حدجان بن ماجد العقيلي


وانا لست بشاعر ولكن اتجرأ واكتب الشعر وقد هيضتني ابيات اخوي حدجان واضفت من عندي هالخمسة ابيات في شيخنا ابو خالد الله يغفر له ويجعله في عليين/////غازي البقعاوي




ابن جامع حاز عادات وسلوم=عند القبايل كلها زاد قدره
كفه على مبدا الكرم دوم ملحوم=يوم المكارم اكتماله بندره
واللي لهم حاجه طيور بلا حوم=صار ابو خالد للعصافير سدره
ومع الشجاعه له تواريخ وعلوم=وكم قالة له به زئير وهدره
مرحوم ياشيخ عقب له قروم=وطيب الشجر يطلع على طيب بذره

صح السان حدجان العقيلي

وصح اللسانك اخوي غازي

ما قصرتوا وعبدالعزيز الله يرحمه يستاهل اكثر

صح لسانك يا حدجان ونحن نفخر بمستقبل شاعر كبير لقبيلة عتيبه ...
وصح لسانك يابو حسام على هذي الأبيات المعبره

صح لسانه ولسانك..


والله يرحم الشيخ...

الله الله يرحمك يابو جامع

مشكور طال عمررررك

الله يرحمه

وصح لسان حدجان بن ماجد العقيلي

وصح لسانك اخوي غازي