شيب عيني يوم امر ويوم اشوف ....مابدالي خلف سور المقبره

شيب .. عيني يوم أمر ويوم .. أشوف=ما .. بدالي خلـف سـور .. المقبـره
مرّ بي .. دربي على درب .. معروف=ماحـدٍ .. بـيـن الاوادم .. ينـكـره
ما قصدته .. بالمجي مير .. الظـروف=ساقت .. اقدامي لـه و قالـت .. زره
لين .. جيت و زرت عنوان .. الحتوف=المكـان .. اللـي فجعنـي .. منظـره
اعتبر .. و اشوف كم حنّا .. ضعـوف=وانظر .. بحالـي لحالـي .. واستـره
وارجع .. وكنّي من الوقت .. محفوف=مثل .. من ساقـوا فأبـوه .. المعـذره
الجسد .. مهدود و الوجه .. مخطـوف=داخلـي .. ونّـه و فالعيـن .. عبـره
مصرع .. اهل اللي نصايبها .. وقوف=يقف .. جلد الرجل منهـا .. وشعـره
مشهدٍ .. مفزع و يملا العين .. خـوف=فيه .. لاصحاب البصايـر .. تذكـره
عالمٍ .. في عالم البـرزخ .. ضيـوف=شـدّوا .. وشالـوا لـدار .. الآخـره
جيتهم .. طرقي و لي نيّـة .. نكـوف=ادعي .. الهم و احمد الله .. واشكـره
قبل .. ازاورهم و انا فوق .. الكتـوف=ما معـي .. قـوّه ولا لـي .. مقـدره
ناس .. تحت ظلال دانية .. القطـوف=و نـاس .. يالله العفـو .. و المغفـره
احد .. مشوار التعب معه .. مخلـوف=و احد .. في مالله كتب له .. واومـره
يلحق .. ابن آدم على الدنيا .. حسوف=في .. ضحى يومٍ يجيب الك .. خبـره
ساعةٍ .. فيهـا يضيعـن .. الحـروف=وما عمل .. من خيرٍ و شـرٍّ .. يـره



للشاعر / رحيـــــــــــــــم الغنامي

ابيات جزاله فيها من الحكم والعبر الشيء الكثير ...

صح لسان الشاعر الجزل/ رحيّم الغنامي ..

ولاهنت يالاد غنّام على النقل الموفق..

........

الله أكبر الله أكبر

قصيده تفووووق الوصف ..فيها العبر والواقعيه في محتواها

تعبر عن زيارة الأنسان للمقابر وتفكره بمن سبقوه

وهذا ما أوصانا به النبي صلى الله عليه وسلم .. ودعانا له


صح لسان وفكر الشاعر / رحيم الغنامي

آلاد غنام

لله درك على الأختيار الشامخ ..
...