قصيدتان نمن اجمل القصايد التي تدل في قلب المعنى

مابي يطول الهرج يابنت هالحين
كلن على ماقيل دربه يدله
أمشي بطريقك ونسي الي تخبرين
ولاتزودين الطين ياهيه بله
أصل الخطاء واضح وظنك تشوفين
شي ٍ بالك ماعرفتي محله
ماتقبل القسمه ياخبله على ثنين
ولاعاش حب ٍ فيه راسي تذله
لانتي معاي ولانتي الي تحبين
ولانتي جنوني ولانتي الحب كله
والله خساره فيك يابنت حرفين
والله خساره سيف شعري أسله
في ذمتي ياهيه والله تحلمين
ومثلك ترى يومين قلبي يمله
خوذي أختصار الهرج كله بشطرين
شطرين والي جاك هذا محله
أنا عنزي يابنت كانك تعرفين
أرضى أموت ولا اعيش المذله





جرحتني جرحٍ كبيرٍ وباين
جرحتني جرحٍ يمس الكرامه


هنت الغلا كله وعيني تعاين
بعت الهوى وأقفيت تنعي حطامه


هنت الغلا كله وأنا اليوم هاين
حبّك وقربك دون ايّة ندامه


اصبحت في شرع المحبين خاين
غدرك تفشّى وإنكشف لي ظلامه


ولاتحسبنّي وإن قسى الوقت لاين
لا والذي يحصي بعلمه أنامه


أموت ولاأمشي مسلكٍ حيل شاين
وأموت ماسقت القدم للملامه


أنت إبتعد عنّي وأنا اليوم زاين
حالي وأببشر بالسعد والسلامه


إنسى غرامي ثم فكّر وعاين
شف موقعك وإرسم لحدّك علامه


حدّي ورسمته وأصبح اليوم باين
( يموت حب ولاتموت الكرامه )