لغـــــــز التحـــــدي وأتحدى تحلونه
مهنا الدلبحي19-Mar-2005, 12:56 AM
مسيتوا بالخير يالهيلا
واللغز هذا أتحدى فيه واللي يحله جايزته مني جهاز محمول
والمجال مفتوح للمنتدى وغيره ولاهو قصور فيكم بس التحدي غير
أفقعوا عينه يا عتيبه
اللـــــي سؤال معقد أطراف مبهم= عن باب دولاب حكيم محكومي
حلال عند الله وعندي محرم= ولافسروه مفسرين الحلومي
والناس تلبس ثوب أجبع بلا كم=وانا مداني ثوب ماله كمومي
للناس تيار جبرها تقدم= والجدي جنب عن طريق النجومي
وسلامة الجميع
أخوكم/ المــــــــــوج
مهنا الدلبحـــــــــــــــــــــي
ولد عوجان الجذع19-Mar-2005, 01:05 AM
السلام عليكم
نبي نشارك ونفتح المجال لغيرنا
يشارك
ونجرب أول رمعه
مثلث برمودا
مهنا الدلبحي19-Mar-2005, 01:11 AM
يا مرحبا يالجذع الله يحييك =ترحيبة تاصلك منا ومنا
ترحيبة اغلا من النقد والشيك=من شاعر جاب القوافي وغنا
مرورك شرف ومالك لوا يالقرم
أخوك/ المــــــــوج
مهنا العتيبي
ولد عوجان الجذع19-Mar-2005, 01:21 AM
يبقيك رب(ن) من الجزلات معطيك ....... اعلوم (ن) اتفوح بالمسمار والبنا
واهديك وردة معاها كرتون كيك ......... اقبلوها يا الربع عساكم للجنا
عاشق الصيد19-Mar-2005, 01:29 AM
السلام عليكم ورحمة الله وبركاته
عندي رمعه انشالله تكون صحيحه
الكفن او القبر
مهنا الدلبحي19-Mar-2005, 05:14 PM
مرحبا تراحيب المطر يا عاشق الصيد
ومرورك شرف
واما عن الرمعه (( مالك لوايالقرم))
مهنا الدلبحي
صـويب الرمـــش*20-Mar-2005, 04:17 AM
مهنا الدلبحي
لاعدمنااااك ,, ولغزك اكثر الوقت الكثير للتفكير ,, والله يخارجنا من هاللغز
ورمعتي اتمنى تكون على الاقل جنب القده ههههههه
(( العبيد )) لأان العبيد انتهى تملكهم عند النااس
حلم العمر20-Mar-2005, 02:08 PM
المسلسل20-Mar-2005, 02:13 PM
اخويمهنا الدلبحي
السلام عليكم
وش رايك في الحرام
وتقبل تحياتي
مظيع بلنتي29-Mar-2005, 03:02 PM
أرحب أرحب ارحـــــــــــــــــــــــــــــــــــــــــــــــ ــــــــــب
يامرحبا والله ياأبو صالح
ياسعــــــد عيني بشوفك
:eek:<<<<<<<< مافي راسه تحدي ولا يبي جهاز
تدري وش ابي
انزل
بعد
بعد
ودي اقولك شي
تدري اني نويت اتطوع
وسبه انت ومرير الله يطول في اعمااااااركم
مهنا الدلبحي27-Apr-2005, 12:20 PM
مرحبا تراحيب المطر باللي حضر وشرفني بمروره
واسف كل الاسف على الغياب وهي خارجه هن الاراده
واما عن الرمعات التي قرأتها للاخواني مالكم لوا للي رمعوا
واما عن مظيع بلنتي واطراءه ( الهادي الله يامظيع ماهو مهنا ومرير ههههههه)
لكم مني التقدير والاحترام الوافي
اخوكم
مهنا الدلبحي
الموج
((الدلبحي))27-Apr-2005, 02:46 PM
مهنا الدلبحي
حياك الله اخوي ارسل الجهاز المحمول لي وبعدين مانا متخالفين على الحل
ملاحظه
وين الغيبه الايام اللي فاتت
تحياااااااااااااااتي
مهنا الدلبحي27-Apr-2005, 03:03 PM
مرحبا يالدلبحي الله يحييك
مرورك بحد ذاته تسوى كثير ماهو قصور في اخواني
واللي تبيه يحصل امر تدلل بس
تقديري واحترامي لك
مهنا الدلبحي
ماجد الهذلي28-Apr-2005, 02:39 AM
حبيت اقول حل يمكن يكون قريب او هو الله وأعلم (( يعني جيب الجهاز )) الحل ((العبايه )) والمشلح
وتقبل تحياتي
مهنا الدلبحي29-Apr-2005, 08:06 PM
مرحبابك يا ماجــــــــــــــــــــــــــــــــــــد
واما عن الرمعه مااااااااااالك لوا يا غالي
واما عن الجهاز تستاهله يا بعدي
اخوك
مهنا العتيبي
ماجد الهذلي02-May-2005, 12:32 AM
مهنا الحل (( القبر ))
وتقبل تحيااااااتي
الفراهيدي07-May-2005, 02:51 AM
مهنا الدلبحي..
وش رايك في ( علم الغيب )..
والله أعلم...
راع الشلفا07-May-2005, 11:47 AM
ارسلي الجهاز وعطيك شريحة
ويش رايك
التكلنوجيا
ماجد الهذلي09-May-2005, 06:59 PM
أنا أسحب حلي اللي هو القبر وعندي حل غيره
لأن اللغز هذا أعجبني وجنني !!!!!!!!!!
إذا كان اللي مسوي اللغز رجال
يعني الأبيات هذي لرجال ماهي مسويتها حرمه
فأعتقد والله أعلم أنه (( الخمر )) حرام في الدنيا وحلام عند الله في الآخر
وثياب الحرير التي هي ثياب أهل الجنه في الآخر وهي حلال في الجنه
والله تعالى أعلم
عاشق الشاص11-May-2005, 12:29 AM
السلام عليكم ورحمة الله وبركاته
اخوي مهنا الدلبحي نبغي منك اكمال القصيده
...................... يقول من حرف كلامه وقاله
....................شاعر يصخر عوج الامثال تصخير
...........................ياتل قلبي تل حبل المحاله
.....................اللي رشلها فوق عوج النواعير
تحياتي
عاشق الشاص
وشكرأ
عاشق الشاص11-May-2005, 12:42 AM
مهنا الدلبحي اضن ان اللحل
هو اللحلم
تحياتي
عاشق الشاص
فهد العصيمي21-Jun-2005, 01:18 AM
أخوي مهنا مساك الله بالخير
أعتقد والله أعلم أن لغزك يتكون من عدة أجزاء وهي :-
1- باب دولاب حكيم محكومي : القبر .
2- حلال عند الله وعندي محرم : الخمر .
3- ولا فسروه مفسرين الحلومي : علم الغيب .
4- والناس تلبس ثوب أجبع بلا كم : الإحرام .
5- وأنا مداني ثوب ماله كمومي : الكفن .
6- للناس تيار جبرها تقدم : الزمن .
7- والجدي جنب عن طريق النجومي : الجيل الجديد وإختلافه عن الجيل القديم .
قناص الروقي14-Jul-2005, 01:54 AM
بسم الله الرحمن الرحيم
هذي اول مشاركة لي واتمنى انها ماتخيب
اتوقع ياخوي والعلم عند الله ان الجواب هو
الكعبة والطواف
تحياتي لكم
صقرالهيلا14-Jul-2005, 02:37 AM
رمعتي يالدلبحي الكرة الارضيه وقل تم
مهنا الدلبحي21-Jul-2005, 10:27 PM
مرحبا بالجميع واسف على الانقطاع الغير مقصود
وراجعت جميع الرمعات وللاسف مافيه الرمعه الصايبه
والشكر للي شرفني بمروره
اخوكم
مهنا الدلبحي
الموج
فهد العاطفي21-Jul-2005, 11:37 PM
مهنا ارحب
عندي رمعه وانشالله انها ماتخيب
المرض
راعي الـــذود22-Jul-2005, 06:21 AM
الحمدلله والصلاة والسلام على رسول الله وعلى آله وصحبه أجمعين
المـــــــوج يسعـــــدلي صباحك بالخيـــــــــر....وجبتـــهـا
الأشــهـــــــــر الحــــــرم
نـ الشيباني جـد17-Aug-2005, 10:38 PM
|34| بسم الله الرحمن الرحيم
السلام عليكم ورحمة الله وبركاته : وبعد
الاخ مهنــــــا :
اعتقد انه علــــــــــم الغــــيــــــب
والله اعلــــــــم ............ وشكراً لك اخي الكريم على هذا المقال
ماجد الهذلي02-Sep-2005, 09:58 PM
أتوقع يكون تنورة أو لبس من ملابس الحريم
بلوزه مدري وش اساميها المهم تراي قريب أتوقع
والله يعيننا على هذا اللغز
شلاش العتيبي03-Sep-2005, 11:43 AM
اخوي مهنا
يعطيك العافيه يابن العم
وعندي رمعه
مدري
هي
تفضخ عينه والا لا
اخوي
ماهو
(الكبر)
تقبل
تحياتي
