قصيدة لضاوي الصفياني لشكوي احد ربعه

هذه ميلادية القصيد للشاعر ضاوي بن ثاعي بن مسراد النفيعي العتيبي وقد قيلت القصيدة في سنة 1973 ومناسبتها ان احد الجماعة اتاه ربما يشتكي من تغير هذا الزمان واهلة وهذا على مانظن واليكم القصيد كما هي مكتوبة :

خط لفاني صبح الأثنين عجلان جابه ذعار وكل هرجه وقاعه =
خط مزرف فيه تمثيل قيفان بقيت ادزه يوم جا للإذاعه=
فيه الكلام الي على كل نيشان ودخل ببحر يصطفق به اشراعه =
وذعار يشكي من سعيد وعمران وشكواك وصلتني وسمع وطاعه=
لكن وش نعمل بغانم وعيفان وصبر على كل المشاكل شجاعه=
خلك كما حر على راس مزبان وساع مخاليبه طويل ذراعه=
صيده من الجزلات غالية الاثمان واعن الطمانه ماكره بالرفاعه=
ومن لايودك لاتزور ولو كان لو كان بيته عنك ممشاه ساعه=
ابعد عنه والرزق في كل الاوطان وتلقا الغوض به من خيار الجماعه=
وارض الندى تنبت شمطري وريحان والا الصبح مانابت به ازراعه=
والناس كل له طبيعه وميزان يفرق عن الثاني بشبره وباعه=
واحد الياجيته دخل قلبك ايمان مع الرجال الطيبين اجتماعه=
واحد يحب الشر وفي الخير كسلان متعلم علم الردى والدلاعه=
وصنعته جمع السوالف ببهتان ويزيد من عنده ردي البضاعه=
واليانصحته قال ماني بغلطان واليا هرج محد يحب استماعه=
يجيبها من غير حق وبرهات ويهدم بها بيت وساع ارباعه=
وانا ترى في هذا الوقت عجزان ماعاد عندي للنشاما سباعه=
وهذا زمان كل مافيه خربان وكل يخاف يصوبه في كراعه

لاتوجد قصيدة اخي الضاوي الصفياني الرجاء كتابتها مرة اخرى وشكرا