يامجول كيف حالك يالمقاطي يارفيع الشان
عبدالله جبارالعتيبي07-Dec-2011, 12:11 AM
يامجول كيف حالك يالمقاطي يارفيع الشان=بعدها جهز إسلاحك وطرقتناشماليه
زمان العام يامجول تغير عن زمان الآن=وظنك تعرف الأحوال ماهي بطبيعيه
فهد الشهيب الثبيتي07-Dec-2011, 12:12 AM
صح لسانك يابن جبار وصح لسان مجول مقدما
فهد الشيباني07-Dec-2011, 12:14 AM
صح لسانك يابن جبار
وصح السان مجول ..
متابع "
عبدالله جبارالعتيبي07-Dec-2011, 12:17 AM
صح لسانك يابن جبار وصح لسان مجول مقدما
فهد الشهيب
صح بدنك يبن ثبيت
عبدالله جبارالعتيبي07-Dec-2011, 12:21 AM
صح لسانك يابن جبار
وصح السان مجول ..
متابع "
ابن مشيب
,
.
,
صح بدنك
فهيد الايدا المورقي07-Dec-2011, 12:38 AM
ابن جبار صح لسانك
في انتظار المقاطي
تحيتي
مجول بن جلال المقاطي07-Dec-2011, 12:47 AM
هلا يامرحبا ياعبدالله وناسف على التاخير
انا حالي بخير ولااشتكيت من الزمن نقصان = ولابه داعي نجيب سلاح والديرة عتيبيه
ياعبدالله ترى حنا عمود البيت والاركان = مغيرنا الزمن مابين ميلادي وهجريه
مطني الحافي07-Dec-2011, 01:00 AM
الله الله
<ــــــــ تسجيل متابعه واعجاب
عبدالله جبارالعتيبي07-Dec-2011, 01:02 AM
البقا ومن وصل ماغاب
عساها دوم يامجول بعدها يالله الرحمان=توكلنا مدام أسلاحنا طلقات فكريه
بيوت الناس يارجال راحت في فم البركان=وظنك تعرف البركان ثوراته جنونيه
عبدالله جبارالعتيبي07-Dec-2011, 01:11 AM
ابن جبار صح لسانك
في انتظار المقاطي
تحيتي
صح بدنك
يافهيد
ومرورك ينومسنا
عبدالله جبارالعتيبي07-Dec-2011, 01:12 AM
الله الله
<ــــــــ تسجيل متابعه واعجاب
ارحب ارحب ارحب
,
,
شرفتنا
مجول بن جلال المقاطي07-Dec-2011, 01:12 AM
ليا جبت الفريدة قلت لك بالمنطق المليان = هذا عبدالله الجبار من مثله ومن زيه
عسى البركان يارجال يسحق ديرة العدوان = ولايقرب ياعبدالله من الدار السعوديه
ذعير العالي07-Dec-2011, 01:21 AM
صح السااااااااااااااانك يابوجبار
والساااااااااااااااااااان مجول
ومتااااااااااااااااااااااااابع
عبدالله جبارالعتيبي07-Dec-2011, 01:27 AM
عطايا الرب سبحانه ملكنا اللول والمرجان=وغذينا جميع اللول بالكتب السماويه
قسم بالله يامجول لا الله ثم لبليهان=لتنسفكم لكن بحبه أخمد نارها الحيه
عبدالله جبارالعتيبي07-Dec-2011, 01:31 AM
صح السااااااااااااااانك يابوجبار
والساااااااااااااااااااان مجول
ومتااااااااااااااااااااااااابع
أول شي أنت كفو من قلب ولسان أقولها
وصح بدنك لين ترضى يالعالي
ف@د07-Dec-2011, 01:37 AM
صح لسانك يامجول
وصح الله لسان عبدالله
متااااااااابع للإبدااااع للآخر
محمد ناصر الأكلبي07-Dec-2011, 01:38 AM
عبدالله الجبار
مجول بن جلال
صحت الألسن
ومتابعين للإبداع
.......
مجول بن جلال المقاطي07-Dec-2011, 01:41 AM
عسى ربي يزيد الخير حتى يشبع الجوعان =ولاتتعب قدم ساقه من الروحات والجيه
جملنا ينقل الحمل الثقيل وشامخ النيبان= ومع دربه جمال العرب ترخ الروس طوعيه
عبدالله جبارالعتيبي07-Dec-2011, 01:43 AM
صح لسانك يامجول
وصح الله لسان عبدالله
متااااااااابع للإبدااااع للآخر
صح بدنك
ونتشرف
مجول بن جلال المقاطي07-Dec-2011, 01:45 AM
صح السااااااااااااااانك يابوجبار
والساااااااااااااااااااان مجول
ومتااااااااااااااااااااااااابع
صح بدنك ياذعير
شرفتنا بحضورك يالغالي
مجول بن جلال المقاطي07-Dec-2011, 01:47 AM
عبدالله الجبار
مجول بن جلال
صحت الألسن
ومتابعين للإبداع
.......
الله يحييك يالاكلبي وصح بدنك يالغالي
عبدالله جبارالعتيبي07-Dec-2011, 01:56 AM
طلبتك ياولد عمي طلبتك كاننك خجلان=ترا الرجال لرجال والنيه ترا النيه
بعد بكره بعد بكره يبان الخوج والرمان=مدام الناس ماموره مدام الناس منهيه
عبدالله جبارالعتيبي07-Dec-2011, 01:59 AM
عبدالله الجبار
مجول بن جلال
صحت الألسن
ومتابعين للإبداع
.......
أرحب يذيبان
أنت وين غيب ......عسى ماشر
صح الله بدنك
مجول بن جلال المقاطي07-Dec-2011, 02:12 AM
تراني مانقلت البندق اللي مالها نيشان = ونكار الجميل تجيه مربوعه ومثنيه
مادام الساس ثابت والثمر في شجرتك عنوان= تجنب شجرةٍ ماجوفها ثمره ولافيه
عبدالله جبارالعتيبي07-Dec-2011, 02:23 AM
كفولاكن أنا ماشفتلك خيمه ولابنيان=ليا عدو رجال عتيبه اللي تحتم الهيه
يكفيكم عن الدرس الطويل قرايت البرهان=ومن يعرف طبوع الداب يذكر أمه الحيه
مجول بن جلال المقاطي07-Dec-2011, 02:34 AM
تحصلني ليا شان الزمان اصادم الفرسان = وفي وقت الرخاء خليتها لفلان ووخيه
شوي شوي لاتبلش وتكسر شوكة الميزان = وتطلع ياولد جبار لاهذي ولاذيه
عبدالله جبارالعتيبي07-Dec-2011, 02:55 AM
أضنك والله العالم ولاتزعل ترى سكران=جموع القوم طبت ونت راقد فالبجاديه
ترا سوس الحسد يزداد بين الناس والأخوان=عسى الله يستر الأحوال وتموت الحراميه
محمد الذيابـــي07-Dec-2011, 02:57 AM
صح لسانك يابو جبار
وصح لسان مجول
عبدالله جبارالعتيبي07-Dec-2011, 02:58 AM
مجول بن جلال
صح الله لسانك
وبيض الله وجهك
أستمتعت باللعب معك
عبدالله جبارالعتيبي07-Dec-2011, 02:59 AM
صح لسانك يابو جبار
وصح لسان مجول
أبو عساف
صح بدنك
مجول بن جلال المقاطي07-Dec-2011, 03:08 AM
ياعبدالله هداك الله وراك تصافق الجيلان= وقمت توزع الاهداف شرقيه وغربيه
على راع الحسد نقرا الفلق ونترتل القران = ولايقرب هل القران شخص فيه جنيه
مجول بن جلال المقاطي07-Dec-2011, 03:09 AM
وانا كذلك ياعبدالله
تصبح على خير
مجول بن جلال المقاطي07-Dec-2011, 03:11 AM
صح لسانك يابو جبار
وصح لسان مجول
صح بدنك يامحمد والله لايهينك على الحضور
عبدالاله المقاطي07-Dec-2011, 05:57 PM
الله الله الله
الله الله
الله
الله يووفقكم على العلم الغانم يا عيال العم
محاورة متميزة ومتاااابعيـــن بشغف..
ولا عدمنااكم
جزاع العتيبي08-Dec-2011, 03:29 AM
الله الله الله
صح لسانكم مليون ياشعار ولا يكفون
ونطالب بعقد قمه خليجيه ولا بنسحب السفير ههههههههه
عبدالله جبارالعتيبي08-Dec-2011, 04:24 AM
الله الله الله
الله الله
الله
الله يووفقكم على العلم الغانم يا عيال العم
محاورة متميزة ومتاااابعيـــن بشغف..
ولا عدمنااكم
اللهم امين ويوفقك بعد
ومرورك شرفنا
عبدالله جبارالعتيبي08-Dec-2011, 04:26 AM
الله الله الله
صح لسانكم مليون ياشعار ولا يكفون
ونطالب بعقد قمه خليجيه ولا بنسحب السفير ههههههههه
صح بدنك ياجزاع
لايعقدون ولا يربطون
مالها نتايج
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
