قصيده إجتماعيه

البدايه عدماهب نسناس البراد
أبتدي وأطلق رسنهاوأفك لها القياد
عقب ذكرك ياجليل العطاء رب العباد
أبدع القيفان وإبليس مدحور ولعين
* * * * * @@@@
كل ماغنيت لي طرق حلو النوم طار
والقريحه صافيه ماعلى فكري غبار
مايجيني في القصايدفشل وألاإنهيار
القصيدالجزل كسبي وبالرب أستعين
* * * * * @@@@
وكل ماهونت وارتحت من نظم القصيد
دق قلبي هاجسٍ قال لي هل من مزيد
قلت صبرك قال لي وش تمنى وش تريد
قلت ريحناترى القلب ماوضعه بزين
* * * * *@@@@
إن نظرت اليوم في الوقت هذا الوقت كيف
الهبايب عاصفه والشتاءمثل الخريف
يالله أكرمنابعفوك ولطفك يالطيف
جل شأنك فوق عرشك على طول السنين
* * * * *@@@@
والفتن في وقتناتنتشرفي كل يوم
والنميمه في البلدتنتقل بين العموم
مابقى غيرالقيامه على العالم تقوم
والزمان يدوروالله على الدنيا*يعين
* * * * @@@@
لن بغيت المدح ابمدح كريم من كرام
معتلي قدره وشانه ومرفوع المقام
له مع العربان قيمه وحشمه وإحترام
وإن نطق يعجبك بالعقل والقول الثمين
* * * *@@@@
وإن بغيت الذم فالذم مكروه وقبيح
مايودي صاحبه كل ماينهض يطيح
كل باب جاك بالريح صكه وأستريح
لاتروح تلف وتدورمثل أباالحصين
* * * *@@@@
وأترك المقفي ولاتتبعه مع كل صوب
لويوجه شرق والأيوجه للجنوب
أتركه خله يروح مراويح الهبوب
السنين تلف وتدور والخافي يبين
* * * *@@@@
وإن مشيت الدرب دايم على روحي بصير
الرجال تقول ماللحمول إلاالبعير
والرجال تقول عيب الرغاء عقب الهدير
قاسي قلبي على الخصم لايمكن يلين
* * * *@@@@
وإن بغيت أصحاب صاحبت رجل فيه خير
محزمي وقت الشدايدوفي اليوم العسير
يوم بعض الناس يرتاع من صوت الصفير
لانخيته يعتذرمثل مكتوف اليدين
* * * *@@@@
كل ماظنيت فيهم بخير الظن خاب
وإن فعلت الطيب فيهم غدامثل السراب
كل جيل مثلهم ياعساهم للذهاب
مابهم نفعات وقلوبهم مثل العجين
* * * *@@@@
وان هويت الحب فالحب ماجاله طبيب
ماله إلاسجة الرجل وفراق الحبيب
وأكثرالعشاق يخطي بحبه مايصيب
كيف لويدري عن الكنز والسر الدفين
* * * @@@@
عن هوى الخلان شديت وأعلنت الرحيل
لي ثلاث سنين طرقي ومطوي الصميل
ماعلي من المجنن ومن هرج الهبيل
الصحيح يصح والخيرلأصحاب اليمين
* * * @@@@
وأكثرالعربان ماهمني مهما يكون
لويقول أنامسوي وأنارجال أمون
أدري إنه في النهايه مع الصاحب يخون
والخيانه ماتسجل صفات المسلمين
* * * @@@@
لن نظرت الناس يارجل في هذاالزمان
قام ينزل قدرهم من طمان في طمان
علمناثابت *ولافيه *ميله *يافلان
اسمع الأبيات وأفطن بقلبك يافطين
* * * @@@@
وإن بغيت الصدق فالناس شبه المستحيل
مالقيت اللي من الناس يعطيك الدليل
وان حسبت أعدادهم مالقيت إلا القليل
إختلاف الناس واضح وفكرياذهين
* * * @@@@
والبلالاجالك الشرمن يم القريب
لن تركته زادشرين مقطوع النصيب
وإن جزيته بالردى قالواالعراف عيب
قام يشذب فيك وألانظرك بنص عين
* * * @@@@
مثل هذالايهمك يقول اللي يقول
لن نصيته صرت مثله وضليت مهبول
وإن سفهته طيبه جعل عمره مايطول
يحسب إنه عارفه والبقيه جاهلين
* * * @@@@
الكرامه غاليه يالنشاماماتداس
لويجورالوقت ويشين ويزيدالعماس
والذهب يشرى ويفرق على كل النحاس
مايبورالزين في كل وقت وكل حين
* * * *@@@@
يازمان اليوم بالشرحطمت الرقوم
عقب ذليت المعززوعزيت الرخوم
والبسواكل المشالح مدورة الختوم
وإن نشدنامابهم واحدعقله رزين
* * * @@@@
والنهايه كل ماقلت نبذه بأختصار
كيف لوأبحث عن المختفي بين الديار
كان حلت كارثه من يمين ومن يسار
الكلام يقل ويدل والخافي يبين
* * *@@@@
الشاعر::ضيف الله بدرالذيابي

صح لسااااااااااااااااااااانك

صح بدنك ولاهنت على مرورك