محاورة الشاعر محمد بن فالح { بتار } وعبيدالله القارحي

اسعد الله جميع واقاتكم بكل خير

محمد
ياسلام الله عليكم عد برق في مخيله
لابرق نوره يشع الارض ويزيح الضلامي
ياهذيل اهل المراجل والمواقيف الاصيله
منهو الي عارضت له رمية ن من غير رامي
عبيدالله
مرحبا ترحيب زاد ومايكفي له قبيله
يشبع الجيعان منه ويرتوي به كل ضامي
المشاكل يامحمد كل يوم وكل ليله
وش عليه من عضام الناس لو سلمت عضامي
محمد
البقا لك ولسوالف مالها عد وحصيله
والشريعه يالهذيلي تقطع يدين الحرامي
الجمل عليان واقف كل حمل ن يرتكيله
والحقيقه من سواته يوم وقف مايلامي
عبيدالله
قلة الحيله ضياع وحيلة المحتال حيله
وعرف ان اللي يبيع البندقه باع الحزامي
الجمال امعقله وعقيل ما فيها عقيله
ونت لا تسمع كلام اعقيل وتجاهل كلامي
محمد
ذيبكم ياهل الحجاز اليا عوا شوفو بديله
دام فرسان الذيابه تنعرف حسب الاسامي
ياعبيدلله نصيحه لاتبيعون الكحيله
الكحيله من غلاها لاتباع ولاتسامي
عبيدالله
انت من وكلك تدعي من دعاك وتدعيله
ونت فاقد نص من دينك ونص امن النظامي
يا محمد لا تحمل حمل ما تقدر تشيله
انا لا سمعك وسمع منك ضيعت الدوامي