قصيدة شكر وعرفان في الشيخ مسعد بن سمار نيابةً عن اهالي محافظة الدوادمي*

قالو خبر منقول عبر الرسايل
قلت اخبروني بلخبر يعسى*خير
قالو هديه ضافيه للقبايل
للي سكن داورد حشمه وتقدير
من راس ابن سمار وافي الخصايل *
أليا خسر ماهوب يدرا *المخاسير
عمد قناته في جميع الوسايل
تنقل خبر داورد من دون تقصير
شيخً من عتيبه فعوله دلايل
عساه يسلم من جميع المقادير
عمود من عمدان نجد القلايل
لاجا نهار فيه عج ومعاصير
وركبو على قب المهار الاصايل
جده وابوه يجابهون ألطوابير
عندي على مدحه ثبوت ودلايل
ماني من يمدح على غير تبرير
الفعل طايل وابيض الوجه طايل
كفه كرم حاتم وفعله كما الزير
كفيت ثم وفيت يابا الجمايل
لعل تحت اخطاك كل المعاثير
وصلاه ربي عد وبل الهمايل
على نبيً وضح الشر والخير


الشاعر : خلف محماس العصيمي*

يستأهل ابن سمار المدح


خلف العصيمي صح لسانك


تحيتي

يستاهل المدح ولاهي غريبه عليه من بيت مشيخه واهل واجب

صح لسانك يالعصيمي

صح لسااااانك ياخلف ومن حصل شي يستاهله واللي مدحته كفو كفو قول وفعل

صح لسانك ياخلف

وابن سمار يستاهل

صــح لسانك يامبدع .. على هذه الابيات الطيبة