يا بخت

يا بخت كل المرايا لو تناظر فيك ... تسعد بشوفك و تبتسم زواياها

واذا في بعدك تكسر وجنها يبكيك ... ساعه في شوفك تجمع شظاياها

ليل المدينه توسل ليلتك يرجيك ... تشرق بشمسك على دنيا تمناها

دنيا جديده ببسمت ثغرها تطريك ... بالخير وانت ضيى وجهك محياها

ان غبت عنها تمنى بالغرام تجيك ... من كثر ماهي تعبها الشوق و اغناها

وان جيت فزت تردد من الفرح طاريك ... و تقول يالله عسى كلي محماها

يا بعد عمر الغرام و يا بعد غاليك ... حرام عينيك يذوب حزنها ماها

تعال اجمع فرح كل المرايا فيك ... واترك بقربي مرايا حزني و انساها