ياسلام الله سلام= يشتمل برقا وروق
مخلف الهقاوي15-Aug-2007, 12:58 AM
عد وبل(ن)في غمام=عد ماتبرق بروق
ياسلام الله سلام= يشتمل برقا وروق
ابن عصيم15-Aug-2007, 01:18 AM
مرحبا يا ابن الكرام
عد ما سالت عروق
لاتخالف فالنظام
والتزم حفظ الحقوق
مخلف الهقاوي15-Aug-2007, 01:23 AM
البقى لك ياغلام=عد مايشرق شروق
طرقنا فيه احترام=ماتباريه الطروق
ابن عصيم15-Aug-2007, 01:34 AM
سرّها علمك تمام
والطروق ابها فروق
يا خويي ما تظام
دام رايك به وثوق
مخلف الهقاوي15-Aug-2007, 01:40 AM
استلم والمعذره على التأخير
الحقيقه بالكلام=سوقها فالعلم سوق
اترك دروب الملام=تحتها ولانت فوق
ابن عصيم15-Aug-2007, 01:51 AM
بين يافث بين سام
شعبنا أصبح ريوق
الحكم لابن الامام
ليت يا النايم تفوق
مخلف الهقاوي15-Aug-2007, 02:00 AM
بين سام وبين حام=شعبنا شعب الوفوق
والحكم والأحتكام=يقطع يدين السروق
ابن عصيم15-Aug-2007, 02:07 AM
المعاني بافتهام
كنها بالعنق طوق
من تحلم بالمنام
حاقها بالراس حوق
مخلف الهقاوي15-Aug-2007, 02:22 AM
من تحيزم بالحزام=سبب فخصمه حروق
والمعاني ماترام=غير عندي يالخلوق
ابن عصيم15-Aug-2007, 02:31 AM
الحزام إله إلتزام
وأنت للعدوان عوق
السفينة كالحطام
والسبب وسع الخروق
مخلف الهقاوي15-Aug-2007, 02:41 AM
من سنيني بالفطام=اطلب العليا واتوق
واكره عيال الحرام=واقتطف حلو العذوق
ابن عصيم15-Aug-2007, 02:55 AM
الصقر صاد الحمام
والنتيجة فالسبوق
العصيمي له مقام
مار يا صعب اللحوق
مخلف الهقاوي15-Aug-2007, 03:06 AM
ابن عصيم شرفني اللعب معك طال عمرك وهذا ختامها
واعتذر على التأخير الاتصال لك عليه شوي
الحمامه والنعام=صادها صقرٍ شفوق
يالعصيمي لك وسام=مانوسّم به طفوق
ابن عصيم15-Aug-2007, 03:14 AM
السلام ابه إختتام
يا رفيق(ن) به رفوق
جاك ودي والغرام
ودمعة(ن) في وسط موق
تشرفت والله بمجاراة شخص رائع مثلك أتمنى لك كل التوفيق
والجايات أكثر من الفايتات
وتقبل مودتي
ابن عصيم الحلحلي
مخلف الهقاوي15-Aug-2007, 03:19 AM
السلام ابه إختتام
يا رفيق(ن) به رفوق
جاك ودي والغرام
ودمعة(ن) في وسط موق
تشرفت والله بمجاراة شخص رائع مثلك أتمنى لك كل التوفيق
والجايات أكثر من الفايتات
وتقبل مودتي
ابن عصيم الحلحلي
صح لسانك يابن عصيم..ولنا لقاء ياولد العم:)
فيصل المسعودي15-Aug-2007, 03:27 AM
استمتعت بطرقكم الرائع بكل صراحه
دام الابداع وداموا اهله
تقديري
مخلف الهقاوي15-Aug-2007, 03:41 AM
مرحبا يافيصل
نورت المتصفح
دمت بكل خير:)
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
