جديد نامي السلمي وراشد السحيمي

مشاركة جديدة

السلام عليكم ورحمة الله وبركاته


نامي السلمي
سلامي عليكم يالرجال الكريمين= سلام الرجال اللي بمذهب ومله
والا يالسحيمي للدعاوي براهيـن = وانا خابر انك تعرف العلـــم كله

راشد السحيمي
هلا مرحبا ياصاحب المنـــــــطق الزين= تراحيب رجال الوفا في محله
يانامي تبي حاجه على الراس والعين=عيونك براسك وانت دربك تدله

نامي السلمي
قريت الرساله واضحه بالعناوين=وكلن على ماقيل سيفه يسله
علومك علوم(ن) تحف يسار ويمين=وتدريبها حتى النجوم المطله

راشد السحيمي
قريت الرساله واسمع العلم هالحين=تزبن جبل ورقان وارقد بضله
ترا الحذف كله فوق روس الشياطين =ولن كان عندك دمع فالعين هله

نامي السلمي
عرفنا الحقايق واصبر شوي وتبين=تعلم طبيب مداوي(ن) كل عله
ترانا رجال ونعرف الشرع والدين=لكن انت تال الوقت جت فيك خله

راشد السحيمي
موازين نامي من ثقال الموازين =سعودي معه جنسية(ن) مستقله
على وين ياراع المطيه على وين=ترا مايعرف البصمه الا الادله

نامي السلمي
سلاطين ياراشد ماتحكم سلاطين =لكن انتبه للعلم دقه وجله
ترانا سليم منزحين المعادين=وانا اقول صل الفرض يارجل صله

راشد السحيمي
على جنب لاتقطع صلاة المصلين=اظنك صحيح مخلي الوضع فله
تراكم سليم اللي بروس الظلاعين=عسا الله يكافينا حياة المذله

نامي السلمي
عيونك عيون اللي غليب(ن) من الدين= لكن لاتعرضها لروس الاخله

اخوكم الذيب الاشقر

صح السان الشاعرين

ويعطيك العافيه يا الذيب الاشقر

بيض الله وجهك ..
ومشكور وما قصرت ..