على الهيلا العوجا وذباحت الحيل
عبدالله حبيٌب الزراقي18-Jan-2008, 05:03 PM
مساء الخير .. الي يبا يلعب المجال مفتوح
على الهيله العوجا وذباحت الحيل = سلامي سلام مشيدين المباني
عسى الله يجمٌلنا في حلٌ الرياجيل = وعقب السلام يصير رمع المعاني
معجب العتيبي18-Jan-2008, 05:56 PM
هلا مرحبا ترحيبة البن والهيل=ياعبدالله حبيّب عريب المجاني
ياعبدالله الزراقي الليله الليل=مانبغا العشر يالذيب ترجع ثماني
مرزوق حمدان العتيبي18-Jan-2008, 07:37 PM
ياعبدالله الزراقي الليلـه الليـل
مانبغا العشر يالذيب ترجع ثماني
لله الله ..
..
صح لسانك عبد الله ... وصح لسانك يابو سلطان ..
...
السميــــــري18-Jan-2008, 07:39 PM
عسى الله يجمٌلنا في حلٌ الرياجيل
وعقب السلام يصير رمع المعاني
الله الله ...
بداية ..
تنبئ بقدوم .. شاعر .. مبدع ...
صح لسانك ..
السميــــــري18-Jan-2008, 07:40 PM
..
.
ياعبدالله الزراقي الليلـه الليـل
مانبغا العشر يالذيب ترجع ثماني
ترجع ثماني .. الله الله ..
سارح البال .. صح لسانك ..
يابو الأبداع ..
عبدالعزيز البرقاوي18-Jan-2008, 09:23 PM
مساء الخير .. الي يبا يلعب المجال مفتوح
على الهيله العوجا وذباحت الحيل = سلامي سلام مشيدين المباني
عسى الله يجمٌلنا في حلٌ الرياجيل = وعقب السلام يصير رمع المعاني
الزراقي الله يحيك يابن العم
عبدالله حبيٌب الزراقي19-Jan-2008, 03:27 AM
يدوم البقى ياراعي السيف والخيل = وكلن يدٌور للعلوم السماني
ليا خيٌلت جنٌب لايشتالك السيل = ترا ما على الدنيا ياسارح ظماني
عبدالله حبيٌب الزراقي19-Jan-2008, 03:30 AM
مرزوق العتيبي
صح بدنك لاهنت يالغالي
السميري
صح بدنك الابداع وجودك لاهنت يالغالي
عبدالعزيز البرقاوي
البقاااا ياولد العم لاهنت يالغالي
معجب العتيبي19-Jan-2008, 10:01 PM
جب العلم لاتبخل بحلو التماثيل=نبا نطرب الحظار قاصي وداني
ليا خيّّلت حنا زحول الرياجيل=نسد اللوازم والزمن قلباني
عبدالله حبيٌب الزراقي20-Jan-2008, 08:38 AM
ترا شاعر المليون جاب التهاويل = بعد شفت ابو لغلوغ بين الحَصاني
وهذا يحط وذاك ياسارح يشيل = تراث الجدود الي حفظه الزماني
معجب العتيبي20-Jan-2008, 10:22 AM
دع الخلق للخالق وجنب عن القيل=وزين السوالف ماتجي فالطماني
ترا العاقل اللي مايتابع هل الميل=ولا شلةٍ تضحك عليها الغواني
محمد العتيبي20-Jan-2008, 10:43 AM
الله الله
عبدالله الزرّاقي و سارح البال
صح لسانكم جميع ..
..
ولاهنتوا..
عبدالله حبيٌب الزراقي20-Jan-2008, 01:26 PM
ليا صارت الدله بدون الفناجيل = على راعي الدله ترا الحق حاني
ولا ياعميلي لو ربطنا الصواميل = نقفل على شرهة فلان وفلاني
عبدالله حبيٌب الزراقي20-Jan-2008, 01:27 PM
معجب العتيبي20-Jan-2008, 01:51 PM
محد حطله دله بليا معاميل=وماتطلع المويه بليا سواني
تجيب الك عده لجل تضبط مواويل=واضنك تزيد الحرف يافلان عاني
عبدالله حبيٌب الزراقي20-Jan-2008, 02:17 PM
ولا ياقوي الحيل لايبرد الحيل = وساعه على العجلان مثل الثواني
على الناس وش طلعت يالنجم ابو ذيل = من الشرق نورك ياسهيل اليماني
عبدالله حبيٌب الزراقي20-Jan-2008, 09:45 PM
سارح البال
انت تلعب في اكثر من محاوره ماودي اشغلك الي لعبناه في الخير والبركه .. صح لسانك ولاهنت واعذرنا على القصور
معجب العتيبي20-Jan-2008, 09:51 PM
صح لسانك ياغالي
وانا العب في محاورتين وحده ذي ووحده مع رفيع المنزل بس كلهم مو مباشرات
شكرا على اتاحة الفرصه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
