السلام عليكم
مـنـصــور31-Jan-2008, 12:54 PM
ياسلامي بردة خير والراس طايل = للشعر لو ماعينت منهو يضمه
مير يا عنك مالتالين مثل الأوايل = والمعاني بغب البير والبير جمه
مرزوق حمدان العتيبي31-Jan-2008, 01:01 PM
..
.
مير يا عنك مالتالين مثـل الأوايـل
والمعاني بغب البير والبيـر جمـه
..
.
الله الله يامنصور
صح لسان وننتظر الشاعر المقابل
...
د/غسان31-Jan-2008, 01:23 PM
وعليكم السلام
مرحبا في محل مطوعة كل عايل=والشعر من سمعك يقول منصور عمه
أول الناس راحو متعبين الاصايل=لاتعيش بزمن غيرك وعصرك تذمه
معجب العتيبي31-Jan-2008, 01:45 PM
صح لسانك يامنصور
وصح لسان غسان
ومتابعين
مرزوق حمدان العتيبي31-Jan-2008, 01:45 PM
..
.
أول الناس راحو متعبيـن الاصايـل
لاتعيش بزمن غيرك وعصرك تذمـه
رد من اجمل الردود وافواها ... ايه يا د\غسان
..
مـنـصــور31-Jan-2008, 04:57 PM
البقا يا مداغيشٍ تفك القبايل = وأنت نبراس ياغسان في راس قمه
( اقدحي يازنود ولعي يافتايل ) = وانت يمتك ياغسان والله يمه
مـنـصــور31-Jan-2008, 05:01 PM
..
.
مير يا عنك مالتالين مثـل الأوايـل
والمعاني بغب البير والبيـر جمـه
..
.
الله الله يامنصور
صح لسان وننتظر الشاعر المقابل
...
صح بدنك يا مرزوق ولاهنت على مرورك والتشجيع
مـنـصــور31-Jan-2008, 05:03 PM
صح لسانك يامنصور
وصح لسان غسان
ومتابعين
ســارح البـال
صح بدنك ونتشرف بمتابعـتـك يالقرم
زحزيح31-Jan-2008, 05:04 PM
مرحبا في محل مطوعة كـل عايـل
والشعر من سمعك يقول منصور عمه
أول الناس راحو متعبيـن الاصايـل
لاتعيش بزمن غيرك وعصرك تذمـه
البـقـا يــا مداغـيـشٍ تـفـك القـبـايـل..وأنت نبراس ياغسان في راس قمه
( اقدحـي يازنـود ولعـي يافتـايـل )..وانــت يمـتـك ياغـسـان والله يـمــه
عساكـم علـى القـوه :)
ابو بندر31-Jan-2008, 06:17 PM
الله الله
الله الله
صحت السنكم
وقواكم الله
واصلوا حتى يستمتع الجمهور حرام هذا القاف ينام يا شعار
نقا شباب31-Jan-2008, 06:25 PM
الله الله
صحت السنتكم
واصلووووووو متابعين
مـنـصــور31-Jan-2008, 06:50 PM
زحزيح × أبو بندر × نقا شباب
صحت أبدانكم ولاهنتوا على مروركم المشجع
د/غسان31-Jan-2008, 08:30 PM
أبو محمد / حياك ربي عزيز وغالي وجودك تشريف
سارح البال /حياك ربي عزيز وغالي وجودك تشريف
زحزيح /حياك ربي عزيز وغالي وجودك تشريف
أبوبندر /حياك ربي عزيز وغالي وجودك تشريف
نقا شباب/حياك ربي عزيز وغالي وجودك تشريف
د/غسان31-Jan-2008, 08:34 PM
اسف لتأخير
بارك الله بهرجك ياصدوق المثايل=وانت مثل العلم روس السواري تزمه
ولع النار لين النار تغدي شعايل=ويمتي يم بيت الله وفرضي متمه
عبدالرحمن الهيلوم31-Jan-2008, 08:38 PM
د/غسان31-Jan-2008, 08:44 PM
عبد الرحمن الهيلوم/حياك ربي عزيز وغالي وجودك تشريف
مـنـصــور31-Jan-2008, 09:53 PM
صاحبك يتكن القاله لا جا الشد مايل = ألطم الشره لامني تثاقلت دمه
مانت معذور ياغسان وأقرا الرسايل = لاتجي مثل حاطب ليل كلش يخمه
مـنـصــور31-Jan-2008, 10:08 PM
عبد الرحمن لاهنت على مرورك
د/غسان31-Jan-2008, 10:11 PM
ماسمعنا لمنصور الموقر فعايل=وداب يقرص بسن وداب ميت بسمه
تونا مابدينا لاتضيع القوايل=وانت ظيف عزيز واجب انا نعزمه
مـنـصــور31-Jan-2008, 10:46 PM
الله انه يجيرك منه والشك زايل = وانت يامكرم الخطار قد المهمه
والمواقف تحكم الرجل لو فالدبايل = وانت وافي وابو طاروقنا وانت سمه
مـنـصــور31-Jan-2008, 10:48 PM
د.غسان صح لسانك ولاهنت وتصبح على خيــر
تحياتي للجميع
د/غسان31-Jan-2008, 10:55 PM
والله انك جزيل ومصدر للجزايل=تحسن النقض والطاروق برضه تحكمه
مير قلي من أي الناس واي العوايل=وكلنا مسلمين وكل ادرى بوسمه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
