13-Jan-2004, 12:16 AM
هذه القصيده لشاعر من شعراء الربيعية.
وهو الشاعر الكبير: محمد العبدالله العوني
التوبة للعوني
ياالله ياوالي عـلـى كـل والـي
ياخيـر من يدعى لكشف الجـليله
المالك المعبود محصـي الرمـالي
الكـون والدنيـا ومـابـه فهي له
ما كان أول لـه وماكـان تـالـي
ملكـه يدَبـر بـه علـى مايـبي
يقضي ويمضـي قـادر ٍ مايبالـي
يفعـل على ماراد محـد كفيلــه
يرفع وياضـع قـادر مـا يسـالِ
والخلـق ما تفعـل بلا أمره فعيله
ماله شـريـك جـل فـوق متعالي
علمـه أحـاط بدقـها والجـليـله
ياواحـد ٍفـوق السمـوات عالـي
من سطوته كل الخلايـق ذلـيلـه
يافارج الشدة بضيـق المـجالـي
إفرج لعبـدك يامنجـي خليلــه
وإنظر بعينك يابا الأفـراج حالـي
فـرد ٍغريـب والمصاغي قليلـه
وحيد مالي غيـر ظلـك ظلالـي
ذليـل مالي غير عـزك وسيلـه
ياراحم إرحـم شيبتي وانخـذالـي
ياجابر أجبـر عثرتـي والفشيلـه
وألطف وناظر يالولي فـي سؤالي
دنيـا تـداعـى بي بعدله وميلـه
لاأخوان لاعمـان لامن خــوالي
ولا صـديق ٍبالـوزا ينشكـي له
لو كان مايجلى سـواء الله جالـي
ما شفـت مبـديٍ هرجةٍ لي جميله
تقطعـت وذم العـرى والمـدالي
من جملـة الخـلان والمستخيلـه
قضيت مـن المخلـوق محدٍ ٍبدا لي
إلا أنت ياللـي مـا يخلي عميله
عادون كل الخـلـق شرق وشمالي
ولا بقا غيـرك ذراً نلتجـي لـه
شافون مـذلـول ٍ وحيـد ٍ وخالي
مالي من الفزعات مومي شليلـه
وأنا بعـون الله متـانٍ حـبــالي
متجـود ٍ بعـراه وامشـي بحيله
لو كان كلٍّ لـه صديـق موالـي
لااقـراب لااعـوان ولا احدٍ قبيله
انا دخيل اللي على الخلـق عالـي
جزل العطا مبري الجسوم العليلـه
الى دعــوا حيـانهـم فـز بالي
رفعت طرفي له وقمت اشتكي له
والى ترجـوهـم رجيتـه لحـالي
بقلبـي وعينـي والعروق النحيله
والى تنادوا بينـهـم للـنـوالـي
ناديـت باسمـك يامنشي المخيله
من لاذ بك ماصار بالضيـق تالي
يصير الاول لـو عظامه هزيلـه
وانا دخيـلك ياعـزيز الجـلالي
حاشا كرم جـودك يضيع عميلـه
بريت من غيرك بحـالي ومـالي
وزيت انا بحمـاك عن كل عيلـه
يارب مالي غـير جـدواك والي
وان كان خليتـن فـلا لي عقيلـه
يا عالم ٍ بالمخطيـة والعـدالـي
تشوف مالـي غيـر منّك وسيلـه
فـلا تواخذني بماضـي افعالـي
ياساتر العـورات مضفـي جميله
لو كـان ذنبي راجح ٍ بالجبالـي
عفوك عظيم ليس ذنبـي عـديلـه
أطلبك تقبل توبتي عن خـمالـي
وأطلبك عني كل كـرب ٍ تـزيلـه
وأطلبك تغفرلي وتصلح اعمـالي
يامزبن الخايـف إلـى باد حيلـه
مـولاي لاملجـا ولا ملتجـا لي
إلا انـت يـاللـي مايذيـّر نزيله
يافزعة المظـلوم منشي الخيالـي
يا فارج الشدات لـو هـي ثقيـله
أفرج لمـن بالحبـس دونه رجالي
وابواب وأقفـالٍ ٍوحصنٍ ٍ طويلـه
فـي وسط دباب ٍ وحيدٍ ٍلحــالي
أظلـم ولا ادري وش نهاره وليله
متـروك مالـي من يرد المقالـي
لااحـدٍ ٍيبـي قولي ولا أحدٍ ٍيشيله
ولا خبـر شـيٍ عليـه اتـكـالي
إلا انـت يامنجـي دريـك الدبيله
مـادام تنظرلي وتسمـع سـؤالي
ماضـاق عبـدٍ ٍيدري انك وكيلـه
ياسـامع ٍ بالليل حـس النـمـالي
اوصوت يونـس بالبحور الطويله
دعا وضرب الموج مثـل الجبالي
فوقه واجبت لدعوتــه وتهليـله
يامصرف الأيـام هـي واليـالي
في قول كن يجـري القدر بتعديله
ادعوك بـاسماك العظـام الجلالي
وبحق ما خصيت لك من فضيلـه
وبحـق قدرة عظمتك والجـلالي
وبحق نورك والخصال الجميلـه
وبحـق مانـزلـت اول وتـالي
تجـيرني من فعل خلقك طويلـه
وتزيـل كربـات ٍ علينـا ثقالـي
تغطلست مـاله سوى الله دليلـه
آمرٍ علـى قلبـي ٍ يجأول اجتوالي
يا مسكن الروعات سكن جفيلـه
أسـرع علينا يا قـريـب النوالـي
لا تجعـل الشـده علينا طويلـه
يافارج الكربة بضيـق الحـوالـي
أومر لعبـدك بالفرج وتعجيلـه
وإجـل الأمور المعضلات الجلالي
عن كل عبـدٍ مسلمٍ ٍ يندعي لـه
تمّـت وفرجها عزيـز الجـلالي
وفرحت بالطـارش لروحي يزيله
وصـلاة ربي عـد رمل السهـالي
عـلى نبـيٍ ٍ وضّـح الله دليلـه
صـفوة قريش اللي مشى بالعدالي
نبينـا المعـصـوم عن كل ميله
وهو الشاعر الكبير: محمد العبدالله العوني
التوبة للعوني
ياالله ياوالي عـلـى كـل والـي
ياخيـر من يدعى لكشف الجـليله
المالك المعبود محصـي الرمـالي
الكـون والدنيـا ومـابـه فهي له
ما كان أول لـه وماكـان تـالـي
ملكـه يدَبـر بـه علـى مايـبي
يقضي ويمضـي قـادر ٍ مايبالـي
يفعـل على ماراد محـد كفيلــه
يرفع وياضـع قـادر مـا يسـالِ
والخلـق ما تفعـل بلا أمره فعيله
ماله شـريـك جـل فـوق متعالي
علمـه أحـاط بدقـها والجـليـله
ياواحـد ٍفـوق السمـوات عالـي
من سطوته كل الخلايـق ذلـيلـه
يافارج الشدة بضيـق المـجالـي
إفرج لعبـدك يامنجـي خليلــه
وإنظر بعينك يابا الأفـراج حالـي
فـرد ٍغريـب والمصاغي قليلـه
وحيد مالي غيـر ظلـك ظلالـي
ذليـل مالي غير عـزك وسيلـه
ياراحم إرحـم شيبتي وانخـذالـي
ياجابر أجبـر عثرتـي والفشيلـه
وألطف وناظر يالولي فـي سؤالي
دنيـا تـداعـى بي بعدله وميلـه
لاأخوان لاعمـان لامن خــوالي
ولا صـديق ٍبالـوزا ينشكـي له
لو كان مايجلى سـواء الله جالـي
ما شفـت مبـديٍ هرجةٍ لي جميله
تقطعـت وذم العـرى والمـدالي
من جملـة الخـلان والمستخيلـه
قضيت مـن المخلـوق محدٍ ٍبدا لي
إلا أنت ياللـي مـا يخلي عميله
عادون كل الخـلـق شرق وشمالي
ولا بقا غيـرك ذراً نلتجـي لـه
شافون مـذلـول ٍ وحيـد ٍ وخالي
مالي من الفزعات مومي شليلـه
وأنا بعـون الله متـانٍ حـبــالي
متجـود ٍ بعـراه وامشـي بحيله
لو كان كلٍّ لـه صديـق موالـي
لااقـراب لااعـوان ولا احدٍ قبيله
انا دخيل اللي على الخلـق عالـي
جزل العطا مبري الجسوم العليلـه
الى دعــوا حيـانهـم فـز بالي
رفعت طرفي له وقمت اشتكي له
والى ترجـوهـم رجيتـه لحـالي
بقلبـي وعينـي والعروق النحيله
والى تنادوا بينـهـم للـنـوالـي
ناديـت باسمـك يامنشي المخيله
من لاذ بك ماصار بالضيـق تالي
يصير الاول لـو عظامه هزيلـه
وانا دخيـلك ياعـزيز الجـلالي
حاشا كرم جـودك يضيع عميلـه
بريت من غيرك بحـالي ومـالي
وزيت انا بحمـاك عن كل عيلـه
يارب مالي غـير جـدواك والي
وان كان خليتـن فـلا لي عقيلـه
يا عالم ٍ بالمخطيـة والعـدالـي
تشوف مالـي غيـر منّك وسيلـه
فـلا تواخذني بماضـي افعالـي
ياساتر العـورات مضفـي جميله
لو كـان ذنبي راجح ٍ بالجبالـي
عفوك عظيم ليس ذنبـي عـديلـه
أطلبك تقبل توبتي عن خـمالـي
وأطلبك عني كل كـرب ٍ تـزيلـه
وأطلبك تغفرلي وتصلح اعمـالي
يامزبن الخايـف إلـى باد حيلـه
مـولاي لاملجـا ولا ملتجـا لي
إلا انـت يـاللـي مايذيـّر نزيله
يافزعة المظـلوم منشي الخيالـي
يا فارج الشدات لـو هـي ثقيـله
أفرج لمـن بالحبـس دونه رجالي
وابواب وأقفـالٍ ٍوحصنٍ ٍ طويلـه
فـي وسط دباب ٍ وحيدٍ ٍلحــالي
أظلـم ولا ادري وش نهاره وليله
متـروك مالـي من يرد المقالـي
لااحـدٍ ٍيبـي قولي ولا أحدٍ ٍيشيله
ولا خبـر شـيٍ عليـه اتـكـالي
إلا انـت يامنجـي دريـك الدبيله
مـادام تنظرلي وتسمـع سـؤالي
ماضـاق عبـدٍ ٍيدري انك وكيلـه
ياسـامع ٍ بالليل حـس النـمـالي
اوصوت يونـس بالبحور الطويله
دعا وضرب الموج مثـل الجبالي
فوقه واجبت لدعوتــه وتهليـله
يامصرف الأيـام هـي واليـالي
في قول كن يجـري القدر بتعديله
ادعوك بـاسماك العظـام الجلالي
وبحق ما خصيت لك من فضيلـه
وبحـق قدرة عظمتك والجـلالي
وبحق نورك والخصال الجميلـه
وبحـق مانـزلـت اول وتـالي
تجـيرني من فعل خلقك طويلـه
وتزيـل كربـات ٍ علينـا ثقالـي
تغطلست مـاله سوى الله دليلـه
آمرٍ علـى قلبـي ٍ يجأول اجتوالي
يا مسكن الروعات سكن جفيلـه
أسـرع علينا يا قـريـب النوالـي
لا تجعـل الشـده علينا طويلـه
يافارج الكربة بضيـق الحـوالـي
أومر لعبـدك بالفرج وتعجيلـه
وإجـل الأمور المعضلات الجلالي
عن كل عبـدٍ مسلمٍ ٍ يندعي لـه
تمّـت وفرجها عزيـز الجـلالي
وفرحت بالطـارش لروحي يزيله
وصـلاة ربي عـد رمل السهـالي
عـلى نبـيٍ ٍ وضّـح الله دليلـه
صـفوة قريش اللي مشى بالعدالي
نبينـا المعـصـوم عن كل ميله
