الحــــــــــــــــــــــــــب!!؟

السلام عليكم ورحمة الله وبركاته

بعد الانقطاع الخارج عن ارادتي اعود بهذه الكلمات وآمل ان تحوز على شئ من رضاكم::)



1- يا هوا(ن) خلى قليبي يصهرا = الهوى غدار والقلب محزون

2- من وليف(ن) كل ما يطري برا = كل جسمي والخلايق يشمتون

3- احسب انه ما حد(ن) عني درا = واثر كل الناس في همي يحكون

4- اثر شر الحب ما منه ذرا = ابعدوا يالعاقلين عن الجنون

5- ومن يبي ينجن يمشيله ورا = واحد(ن) يهواه وبقلبه يكون

6- ويتعنى كل عمره لاطرى = ان خله ظالم ودايم يخون

7- وان كل اللي يقال وينقرا = ما تعدى غلطه ولحظة جنون !!

8- نادرا تلقى حبيب(ن) ينشرا = وان رجعنا للبقيه يلعبون

9- همهم ضحك وتسالي في حرى = واحد مسكين هو اللي يبون

10- ثم يبدا نصبهم واللي جرا = ينطقون الحب وهم ما يشعرون

11- الهوى ياهل الهوى ماله ذرا = ونص من قالوا نحبك يكذبون

12- ان بغيت تعز نفسك في الورا = اترك الحب وكلام يكتبون





وسلامتكم

:p

صح لسانك...
قصيدة جميلة...





تحياااااااتي.

صح بدنك

وبالنسبه للبيت اللي حذف اعتقد انه عادي وفي اغلب القصائد حتى في المجلات الشعبيه

وانا حذفت الكلمه التي لا يجب ان تكتب ومع هذا حذف البيت

لك مني جزيل الشكر على حضورك

وسو اللي تبي يالعطياني وانا راضي

تحياتي لك