فهد صقر .. أقرب يبوصقر
زبن الدخيل04-Jul-2008, 01:55 PM
،،
،
يافهد ابن غنام قرّب ياعسى حظك يقوم = انا بصراحة شدنيّ لعبك ومعناك الغزير ..!!
وشهي جديد اعفيف يارجال من حيث العلوم = ابطيت عنها والبطا عن ديرة احزامي عسير ..!!
مرزوق حمدان العتيبي04-Jul-2008, 02:01 PM
..
.
الله الله صح لسانك ... يالقثامي ..
ولسان فهد الغنامي ...
ازهلوا الصف ياعتابه .....
زبن الدخيل04-Jul-2008, 02:10 PM
مرحباااااا يبوحمداان صح قلبك وبيض الله وجهك على الحظور
/عبد العزيز الجذع/04-Jul-2008, 02:15 PM
صح لسانك يالقثامي...
وصح لسان فهد مقدما...
تحياتي...
فهد صقر الغنامي04-Jul-2008, 03:03 PM
هلا وغلا زبن اعذرني على التاخير الاتصال انقطع من عندي يالغالي
توه يزين اللعب مع قوم(ن) يعرفون السلوم = قوم(ن) ليا قاموا يسدون الصغير والكبير
عفيف ينعم في براده مادرى بّحر الجموم = واللي يزوره مرحبا باسم القبيلة والامير
فهد صقر الغنامي04-Jul-2008, 03:04 PM
صح بدنك يامرزوق ياشيخ المنتدى:)
هلا بك وغلا
والصف عامر بك ياتاج راسي
فهد صقر الغنامي04-Jul-2008, 03:05 PM
عبدالعزيز
صح بدنك
ومرورك يزيدني فخر
زبن الدخيل04-Jul-2008, 03:14 PM
ياهلا يبوصقر .. ومعذور
،،
،
يامرحبا بك ياهلا واعداد مطلاع النجوم = واللعب لاقامو عتابة غير منقطع النظير ..!!
اسلومكم ياطيبها يالله عسى عمرك يدوم = لكن انا في شرقها وانته بمغربها تسير ..!!
زبن الدخيل04-Jul-2008, 03:16 PM
أررررحب ياعبدالله الجذع صح بدنك
ولاهنت على التواجد :)
فهد صقر الغنامي04-Jul-2008, 03:25 PM
يازبن لوتجمع مطير وحرب وشيوخ البقوم = تبقى عتيبه وحدها بالشعر مامعها خشير
الحر حومه فالسما وبالبط في البركه يعوم = والبط لاشاف النوادر غاص مايقدر يطير
زبن الدخيل04-Jul-2008, 03:33 PM
الله الله
وان جيت في زهران والا هذيل والا فالفهوم = إيبصمون انّا هله قبل الفرزدق مع جرير ..!!
صحيح ماقلته عن اللي من على البيداء يحوم = لكن مدري منهو المقصود فالقول المحير ..!!
فهد صقر الغنامي04-Jul-2008, 03:52 PM
الله الله
بعض العرب يرمي بشره وادّرق خلف الرجوم =اثر الاوادم للخطاء مسحوبه بسلك الحرير
اللحيه اللي ماترد المعتدي وقت الهجوم =ودك يّسرح راس راعيها على ظهر الحمير
زبن الدخيل04-Jul-2008, 03:55 PM
أبو صقر .. صح لسانك وسعدت باللعب مع شاعر بحجمك
الوقت لايسمح لي ان اكمل
ياغالي
في امان الله
السبيــــعي04-Jul-2008, 03:58 PM
يازبن لوتجمع مطير وحرب وشيوخ البقوم
تبقى عتيبه وحدها بالشعر مامعها خشيـر
الحر حومه فالسما وبالبط في البركه يعوم
والبط لاشاف النوادر غاص مايقدر يطير
اعجبنـــــــــــــــــي هالرد يالغنامي ودخل مزاجي..
ماشااء الله عليك ماشاء الله عليك
الحمدلله اني ما نيب شاعر <<< غير كلامه ههه
وصح السان اخونا زبن الدخيل لاهان
\
فهد صقر الغنامي04-Jul-2008, 04:00 PM
الله يستر عليك ياولد عمي وياعصابة راسي
حنا اللي تشرفنا بك واستفدنا من شاعريتك يالذيب
تحــــــــــــــــــيتي
فهد صقر الغنامي04-Jul-2008, 04:17 PM
السبيــــــــــــــــــــــعي
والله انك تسعدني بتعليقاتك يالغالي
بالنسبه للبيت خذه هديه تراه الك
يازبن لو تجمع مطير وحرب وشيوخ البقوم = تبقى سبيع الحالها يازبن حب سبيع غير
مرزوق حمدان العتيبي04-Jul-2008, 04:20 PM
الحر حومه فالسما والبط في البركه يعوم
والبط لاشاف النوادر غاص مايقدر يطير
...
الحر حومه فالسما والبط في البركه يعوم
والبط لاشاف النوادر غاص مايقدر يطير
..
الله يبلا شيطانك ... ابك انت من وين تجيب هالجواهر يافهد ...
ابداع نخبوي درجه اولى لاعدمتك ....
السبيــــعي04-Jul-2008, 04:23 PM
يازبن لو تجمع مطير وحرب وشيوخ البقوم = تبقى سبيع الحالها يازبن حب سبيع غير
بيــــــــــض اللـــــــه وجهـــــــــك
وشقول؟.. الله يعز شانك يافهــــــــد ..
والبيت هذا غالي علي
فهد صقر الغنامي04-Jul-2008, 04:25 PM
:)
مرزوق نبقى تلامــــــــــــــــــــــــــيــذك ياستاذنا
فهد صقر الغنامي04-Jul-2008, 04:28 PM
والله ياتركي انك تستاهل
ويستاهلون الغلبا ابنا عمومتنا (((( هوازن )))
السبيــــعي04-Jul-2008, 04:35 PM
لو اني شاعر رديت لك البيت ..
لكن منت اطيب مني يا فهــد ..
ابهديك وسام وطالبك لاتردني ..
[صورة غير متوفرة]
\
متـعـب المهيدلي04-Jul-2008, 09:14 PM
عفيف ينعم في برادة مادرى بحر الجموم
واللي يزوره مرحبا باسم القبيلة والامير
الله عليك يافهد مبدع
وهذي ترى دعايه للسياحة في عفيف:)
