قصيده الشاعر الكبير /عبد المعين بن عقل العتيبي

يا اهل الونيت اللي جديد (ن) مديلـه

ورد مديله عـام خمـس وثمانيـن

مــاوردوه الا لـمـن يستويـلـه

مامهجـوه مـدوريـن البعـاريـن

شيلوا عليه وخففـوا مـن مشيلـه

من وادي (ن) عله صدوق المقابيـل

وادي (ن) لعل الغيث يسقي مسيلـه

وادي المزارع والنخـل والبساتيـن

سجـوا لاطـراف الفريـع ونجيلـه

يوم اذن المـذن لفـرض المصليـن

ولا إليـا راقـد خليلـن لخلايـلـه

يسري به اللي يسرى من الليل ثلثين

والـخـط والله مايبيـلـه دليـلـه

خط الجنوب اللـي عليـه الشيابيـن

تلقى المجالـس والبيـوت الضليلـه

وهذي عوايدهم مـن اول وهالحيـن

اهل بيـوت (ن) مدوريـن الجميلـه

في واجب الدنيا وفي واجـب الديـن

سلم علـى فيحـان شيـخ القبيلـه

شيـخ القبيلـه والقبيلـه مطيعيـن

وقله يابـو نـواف زبـن الدخيلـه

يا كاسب الجملا اولـوف وملاييـن

مشكور فـي مـد العطايـا الجزيلـه

وألكم على صنـع العطايـا قوانيـن

مهـوب رديـان الوجيـه البخيلـه

هرامة المجلـس كـروه المعاطيـن

ولا انت من ساس الحصان الاصيله

هذال اخو هملا صعـوط المجانيـن

زيـزوم نمـر مثـل نبـو الرفيلـه

لشـد ناصيهـم يشـدون مقفـيـن

وألهم على بوش الضديـد تحويلـه

يــردون الصـادريـن المغبـيـن

مروين مذلـوق الرمـاح الطويلـه

لامثالهـم وامثالـهـم مستعـديـن

وأليا عصوهـم للعصـاة الاصيلـه

للحـق للـذي قـر قـرت موازيـن

الله الله


الله يرحم ابو فهد



و الشيابين يستاهلون اكثر من كذا



و مشكور على النقل

صح لسان عبد المعين

لاهنت

صح بدنك يالذيب

عطرت الصفحه بمرورك

صح لسان الشاعر وتسلم يد الناقل


القصيدة يبدو انها قديمة بعض الشئ


ننتظر الجديد

صح بدنك ياراعي الزلفي

مرورك وسام على الصدر