سؤال يالربع؟

أسأل عن قصيدة من يعرفها أو يعرف قائلها أكون له من الشاكرين:




انا والله المقهور ياراعي المقهور=مهوب الحوار اللي يبا ينطلق لامه
قهرتيني الله يقهرك عن بنات الحور=مثل ماقهرتيني عن الصدر لا اضمه


من القائل؟

وتكملت القصيدة



ودمتم

:
:
:
:


حسب ذاكرتي ان البيتين لشاعر قحطاني ما يحضرني اسمه
:
:
:
:
:

حياك يامحمد


ايام مزاين الهيلا في نفود السر

كنا معزومين عند واحد شيابني

وتعرف ايام المزاين شبكة الجوال مشغوله

وكنا نتراسل بالكنود سمعنا واحد يغنيها على الربابه

اللي يقول صاحب القصيده شيباني واللي يقول مري والله وعلم





انا والله المقهور ياراعي المقهور
ماهوب الحوار اللي يبي ينطلق لامّه





قهرتيني الله يقهرك عن بنات الحور
مثل ماقهرتيني عن الصدر لاضمّه





قصيده قديمه حرّكت في الضّمير شعور
وصارت جروح القلب ماهيب ملتمّه




يقولون لي ماجور لا ماني بماجور
بعد راح عقلي يخطي الدرب ويخمّه





وانا اللي منوّل شوري اللي عليه الشّور
وبعد ماعشقته طحت من عالي القمّه




بعد كنت باني له بوسط الضمير قصور
وكنت احسب ان حبّي معه يجري بدمّه





وحلم المحبّه راح من خاطري معذور
عذرته بعد شفت الغرابيل من يمّه





صبرنا وطال الصبر والأعظم المستور
ياكبر القهر عيّا على الصّدر لااضمّه

البيتين الاولى ياعلي لا أعلم لمن وهي سوالي اللي ابحث عنه


أما باقي القصيده فهي للشاعر بندر بن ربيعان يجاري الشاعر هذا لأنه يقول :


قصيده قديمه حركت فالضمير شعور


وانا على اتصال دائم مع بندر بن ربيعان واعلم انه جارا القصيده هذي وهو لا يعلم لمن


حبيت اوضح لك يالنشمي