13-Dec-2006, 09:28 PM
السلام عليكم ورحمة الله وبركاته
مساء / صباح .... الخير
اسعد الله اوقاتكم بكل خير
اول مشاركه لي في هذا القسم .. وان شاء الله تلاقي القبول
عباره عن قصيدة متواضعه مهداه الى قبيلتي وعزوتي الغاليه العاليه عتيبه
والى افرادها الغالين على قلبي فرداً فرداً
فأتمنى ان تعبر عن ما اكنه في داخلي
وان تكون كحل لعيونكم وخلال لعيون الحسّاد واصحاب الزيف والتحريف
ياللي تحاول بالحِيل والاقاويل = اتعبت راسك بين هذي وذيّه
حنا ترى في عصر ياهو وهتميل = روّح زمان منازع الجاهليه
ولاهمنا ماقلت يابارد الحيل = اهرج مدام لسانك لسان حيه
مانت بمنقص في مقام الرياجيل =واللي غوا عساه يبطي بغيه
لاصار هرجك راح كله طهابيل = دوك الهروج الوافيه والنقيه
الشمس مايحجب سناها غرابيل = والطيبه ماهي سواة الرديه
للطيبين نوفّي الوزن والكيل =ولا الردي نقلعه مقلع طميه
اقولها وادخل واحصل مداخيل = واذكر من التاريخ لو هو بليه
انا من اهل الرمح والسيف والخيل = اهل الكرم واهل الشرف والحميه
ربعي عتيبه شاربين الفناجيل = قوم ٍ لهم فالعز منزل وفيّه
لطامة العايل وذبّاحة الحيل = للضيف مانبخل على الشاذليه
برقا وروق اشهر من الجدي وسهيل = اهل الفعول الكايدات القويه
اليا اجتمعنا مثل مزن المخاييل = ننزل على الاعدا نزول برديه
وان جات للميقاف جينا كما السيل = انورّد اكبر جيش حوض المنيّه
ونسوقهم سوق البكار المباهيل = هذا جزا اللي يرتكب له خطيّه
بدميّهم نروي السيوف المصاقيل = ونشبع وحوش العبله الجرهديه
تشهد لنا العربان جيل ٍ ورا جيل = فأرض الحجاز وفأرض نجد العذيه
هذا ترى الموجز بدون التفاصيل = ماقلّ تفهمه العقول الذكيه
وختاماها خلّك من القال والقيل = ترى البنادم بين حسنه وسيه
وسلامتكم ...
.
مساء / صباح .... الخير
اسعد الله اوقاتكم بكل خير
اول مشاركه لي في هذا القسم .. وان شاء الله تلاقي القبول
عباره عن قصيدة متواضعه مهداه الى قبيلتي وعزوتي الغاليه العاليه عتيبه
والى افرادها الغالين على قلبي فرداً فرداً
فأتمنى ان تعبر عن ما اكنه في داخلي
وان تكون كحل لعيونكم وخلال لعيون الحسّاد واصحاب الزيف والتحريف
ياللي تحاول بالحِيل والاقاويل = اتعبت راسك بين هذي وذيّه
حنا ترى في عصر ياهو وهتميل = روّح زمان منازع الجاهليه
ولاهمنا ماقلت يابارد الحيل = اهرج مدام لسانك لسان حيه
مانت بمنقص في مقام الرياجيل =واللي غوا عساه يبطي بغيه
لاصار هرجك راح كله طهابيل = دوك الهروج الوافيه والنقيه
الشمس مايحجب سناها غرابيل = والطيبه ماهي سواة الرديه
للطيبين نوفّي الوزن والكيل =ولا الردي نقلعه مقلع طميه
اقولها وادخل واحصل مداخيل = واذكر من التاريخ لو هو بليه
انا من اهل الرمح والسيف والخيل = اهل الكرم واهل الشرف والحميه
ربعي عتيبه شاربين الفناجيل = قوم ٍ لهم فالعز منزل وفيّه
لطامة العايل وذبّاحة الحيل = للضيف مانبخل على الشاذليه
برقا وروق اشهر من الجدي وسهيل = اهل الفعول الكايدات القويه
اليا اجتمعنا مثل مزن المخاييل = ننزل على الاعدا نزول برديه
وان جات للميقاف جينا كما السيل = انورّد اكبر جيش حوض المنيّه
ونسوقهم سوق البكار المباهيل = هذا جزا اللي يرتكب له خطيّه
بدميّهم نروي السيوف المصاقيل = ونشبع وحوش العبله الجرهديه
تشهد لنا العربان جيل ٍ ورا جيل = فأرض الحجاز وفأرض نجد العذيه
هذا ترى الموجز بدون التفاصيل = ماقلّ تفهمه العقول الذكيه
وختاماها خلّك من القال والقيل = ترى البنادم بين حسنه وسيه
وسلامتكم ...
.
