قصيده .. للشاعر فهد السواجي في مزاين عتيبه

بسم الله الرحمن الرحيم


قصيده للشاعر المعروف فهد بن مفرح السواجي العضياني بمناسبة مزاين الهيلا :


اذكر الله واعد أمجاد ربعي عتيبه= لو مكفيني التاريخ فاول وثاني
اذكر أمجادهم ماهي عليه غريبه= مايخلي لزومه غير ولد الهداني
مجد ربعي مايدخل فيه شكه وريبه = في هذاه الزمان وفي قديم الزماني
مجدهم مثل نجمم في السناء ينسري به = واضح مجدهم صيفت سهيل اليماني
والكلام المزور والله اني ماجيبه=غير قول الحقيقه مايعده لساني
والكلام الموثق ماش مثل تعريبه=يثبت الفعل قولي في جزيل المعاني
يوم هاك هاك الليالي نوهو بالمغيبه=عن ديار حربها الغيث والوقت شاني
اوجهوا من قرا الحره لنجد العريبه = املكوها بحد السيف والجبخاني
ماخذوها بحب خشوم جتهم غصيبه= يوم رد البرا مرفوع مافيه عاني
تحت راية شيوخ فعلهم ينعي به = داحمين العدا ومشيدين المباني
من قديم الزمان الهم مكانه وهيبه = منزلتهم رفيعه في رفيع المكاني
فعلهم في العدا مخبور كلن دري به= دون سود الحلل والبل والبل كبار المثاني
دون حم الذرا بمصقلات عطيبه = ترتع الخوف ماتحتاج لزمة عواني
لابة من يحاربها بكونه غدي به = كم عقيد ليا منه غزاهم بهاني
من عوايد عتيبه جارهم مايصيبه = حفتن في الزمان ولايشوف الهواني
الخوي من علوم الطيب ياخذ نصيبه = ماتجيه النقوص وغير هاذي باماني
كاملين الخصايل ماعليهم غليبه= دون وقفاتهم دايم اطوال اليماني
هاذي امجاد ربعي فالسنين الصعيبه= لاطمة كل عايل ذابحين السماني
والقبايل ونعم وكل طيب بطيبه = نعم كل القبايل فالغبا والبياني
واطلب الله يحفظ مملكتنا الحبيبه = من هل البوق والغدرات والامتحاني
تحت راية ملوك رايهم نقتدي به = زاحوا الظلم عنها حيد والنور باني
طوع الشعب لين اصبح حريبه صحيبه = لين راحوا سوا يمشون مثل الخواني
وعقب جينا بحفلن كلنا نعتزي به = محفل عتيبه الهيلا للابل الزياني
فيه حقن علي من الحقوق المصيبه = ماقفي مااتخلى عنه والعمر فاني

قصيده جميله

بيض الله وجهك
وصح السان الشاعر
فهدالسواجي
تقبل مروري

بن حزيم


الجميل مرورك لاهنت

فهد


صح بدنك بالنيابه