خليفة مطلق اقرب لاهنت
سعود العصيمي11-Jul-2008, 09:18 PM
خليفة مطلق مسيك بالخير
ودنا نستفيد منك
اذا وقتك يسمح
استلم
سلام تسليمة وفاء يصبح بها الاعمى يشوف = لاجل الخليفه قلتها والمقبلات ابفالها
انته خليفة مطلق ومطلق من اصحاب السيوف = واللي سعى للطيبه ياصاحبي يشتالها
نايف ابن حديد11-Jul-2008, 09:29 PM
صح لسانك ياسعود
وننتظر خليفة مطلق ولاهان سلطان المنصوري
سعود العصيمي11-Jul-2008, 09:31 PM
هلا وغلا
يانايف
صح بدنك
ولاتهون
يالغالي
عبدالله حبيٌب الزراقي11-Jul-2008, 09:31 PM
الله الله مبدا جزل واكيد محاوره بتكون في قمة المتعه والفايده
صح لسانك ياسعود العصيمي
وصح لسانك ياخليفة مطلق مقدماا
متابعين للنهاية ,,
سعود العصيمي11-Jul-2008, 09:34 PM
عبدالله الزراقي
مرحبا وهلا
مليوووون
وصح بدنك
خليفة مطلق11-Jul-2008, 09:43 PM
الله يمسيك بالنور والرضا
وانا والله جاي من مشوار 400 كيلو وتعبان
لكن معك يضيع التعب
يامرحبا لو جيتني في حلتي وانت معروف=من ربعنا اللي فالها عند اللزوم عقالها
مطلق عسى الله يرحمه لو مات عقب له هنوف=وانا عطيته مهرها واخذت منه حبالها
الزئبق الأحمر11-Jul-2008, 09:49 PM
سعود العصيمي وخليفة مطلق
صحت الألسن ياشعار
شعراء قمه وطاروق مميز
واصلو
سعود العصيمي11-Jul-2008, 10:02 PM
اذا انت تعبان نخليها بكره ماعندك مشكل يابن العم
وانا شفتك ابطيت وقلت انك غير موجود بس ماسجلت خروج وطلعت وتو رجعت
استلم
لاتنقص الوزنه على الميزان واتميل الكفوف = بلاد نا وحده وحنا فاللزوم رجالها
لو جيت اطوفها وخليها تروّح ماتطوف = قدمك رياجيل لياقامت تبين افعالها
سعود العصيمي11-Jul-2008, 10:03 PM
الزئبق الاحمر
صح بدنك
يالغالي
خليفة مطلق11-Jul-2008, 10:24 PM
انته تبى بن اليمن والا تبى طبع الحروف=خمسة حروفٍ مايكلف طبعها وارسالها
قدمي رجالٍ فعلهم في حفلتي قرع الدفوف=وانا عليه مالها وهيه تجيب عيالها
السويبع11-Jul-2008, 10:36 PM
قدمي رجالٍ فعلهم في حفلتي قرع الدفوف#وانا عليه مالها وهيـه تجيـب عيالهـا
هههههه
كفو يا الخليفة
سعود العصيمي11-Jul-2008, 10:38 PM
حنا نبي فعل النشاما فالجلوس وفالوقوف = واللي تجينا مخطية عنا تروح لحالها
ترا الاشده شكلها لاحوّلت فوق الردوف = ماينقبل والناقصه ترجع على من قالها
ابو سواري11-Jul-2008, 10:40 PM
الله الله الله
لله درــكم
هذي المحاورات الي الواحد يتاابعهــا
فعلـا اتيتو بمعانـي لايفهمـها الا قليـــل
خليـفه مطـلق باذن الله انك اسم على مسـمى
سعود ماقول االا عزالله ان امك جابت شـأعر
سعود العصيمي11-Jul-2008, 10:43 PM
ابو سواري
حييت
وماعليك زود
مودتي
خليفة مطلق11-Jul-2008, 10:49 PM
ياسعود ياسعود العصيمي ما انت ضيف من الضيوف=جاك الجواب اللي يكرّم لحيتك وسبالها
انته تحاول تستميل بهرجتك كل الصفوف=وانا علي اصدق واجاز الناس حسب اعمالها
خليفة مطلق11-Jul-2008, 10:51 PM
نايف مرحبا حياك
_____________
بن حبيب مرحبا ومسهلا
____________________
الزئبق ارحب ارحب
___________________
السويبع:) ماعلاك زود
_________________________
ابو سواري لاهنت على الاطراء
وشهادتك ان شاء الله في محلها
سعود العصيمي11-Jul-2008, 11:02 PM
انكان ماصار التعب ياصاحبي معك مخلوف = انا مكرم لحيتي بالدله وفنجالها
انكان عندك مشكله والمشكله من إيف نوف = لاتخلط الحلوة مع المره وانا حلالها
ناصر الجلاه11-Jul-2008, 11:02 PM
..
سعود العصيمي
..
خليفة مطلق
..
صحت أللسن والقلوب .. شعراء من الطراز النادر متابعتنا لهم للأستفاده واصلووووا ونحن نستمتع
مودتي
..
سعود العصيمي11-Jul-2008, 11:07 PM
ناصر الجلاه
مرحبا ومسهلا
حضورك ومتابعتك تعني لنا الشي
الكثير
وصح بدنك يالغالي
خليفة مطلق11-Jul-2008, 11:17 PM
تساهل الدله وتستاهل مع الدله خروف=لاجلك نقرب للمناره ياسعود دلالها
ما للجهل غير الجهل حسب المذاهب والظروف= واليا جهلت المشكله عندك علوم ابطالها
خليفة مطلق11-Jul-2008, 11:18 PM
الجلاه
ارحب حياك الله
وشهادتك محل تقديرنا واحترامنا
خليفة مطلق11-Jul-2008, 11:20 PM
اعذرني ياسعود والله اني اشوف الجهاز جهازين من النوم
مير بكره نكمل
الزئبق الأحمر11-Jul-2008, 11:23 PM
تساهل الدله وتستاهل مع الدله خروف=لاجلك نقرب للمناره ياسعود دلالها
ما للجهل غير الجهل حسب المذاهب والظروف= واليا جهلت المشكله عندك علوم ابطالها
ياسلام عليك ياخليفه فعلا تستحق الاسم الكبير
بيوت لايمكن ان يأتي بها الا مطلق وخليفته
واصلوااااااااااااااااااااااااا ااااااااااااااااااااااااااااااااا
مرجح الميزان11-Jul-2008, 11:24 PM
خليفة مطلق وسعود
صحت الألسن والقلوب بلا شك صحاح
..
على القوه
سعود العصيمي11-Jul-2008, 11:28 PM
بعض الرسايل خلها ياصاحبي وسط الزروف = هات العلوم الاوله بجنيهها وريالها
دام العوافي ضافيه فوق العرب مافيه خوف = يسدنا قصر العلوم الطيبه في طوالها
سعود العصيمي11-Jul-2008, 11:30 PM
خليفة مطلق
بيض الله وجهك
وصح لساااانك مليوووون
والختام عندك
وتصبح على خير
سعود العصيمي11-Jul-2008, 11:39 PM
سعود العصيمي=
سلام تسليمة وفاء يصبح بها الاعمى يشوف=لاجـل الخليفـه قلتهـا والمقبـلات ابفالهـا
انته خليفة مطلق ومطلق من اصحاب السيوف=واللـي سعـى للطيبـه ياصاحبـي يشتالهـا
خليفة مطلق =
يامرحبا لو جيتني في حلتـي وانـت معـروف=من ربعنا اللي فالهـا عنـد اللـزوم عقالهـا
مطلق عسى الله يرحمه لو مات عقب له هنوف=وانا عطيتـه مهرهـا واخـذت منـه حبالهـا
سعود العصيمي=
لاتنقص الوزنه على الميزان واتميل الكفوف=بلاد نـا وحـده وحنـا فاللـزوم رجالهـا
لو جيت اطوفها وخليهـا تـروّح ماتطـوف=قدمـك رياجيـل لياقامـت تبيـن افعالهـا
خليفة مطلق=
انته تبى بن اليمن والا تبى طبع الحروف=خمسة حروفٍ مايكلف طبعها وارسالهـا
قدمي رجالٍ فعلهم في حفلتي قرع الدفوف=وانا عليه مالها وهيـه تجيـب عيالهـا
سعود العصيمي=
حنا نبي فعل النشاما فالجلوس وفالوقوف=واللي تجينا مخطية عنا تـروح لحالهـا
ترا الاشده شكلها لاحوّلت فوق الردوف=ماينقبل والناقصه ترجع على من قالهـا
خليفة مطلق =
ياسعود ياسعود العصيمي ما انت ضيف من الضيوف=جـاك الجـواب اللـي يكـرّم لحيتـك وسبالـهـا
انتـه تحـاول تستميـل بهرجتـك كـل الصفـوف=وانا علي اصدق واجـاز النـاس حسـب اعمالهـا
سعود العصيمي=
انكان ماصار التعب ياصاحبي معك مخلوف=انـا مكـرم لحيتـي بالدلـه وفنجالـهـا
انكان عندك مشكله والمشكله من إيف نوف=لاتخلط الحلوة مـع المـره وانـا حلالهـا
خليفة مطلق=
تساهل الدله وتستاهل مـع الدلـه خـروف=لاجلـك نقـرب للمنـاره ياسعـود دلالـهـا
ما للجهل غير الجهل حسب المذاهب والظروف=واليا جهلت المشكله عنـدك علـوم ابطالهـا
سعود العصيمي=
بعض الرسايل خلها ياصاحبي وسط الزروف=هـات العلـوم الاولـه بجنيههـا وريالهـا
دام العوافي ضافيه فوق العرب مافيه خوف=يسدنا قصر العلـوم الطيبـه فـي طوالهـا
سعود العصيمي11-Jul-2008, 11:41 PM
مرجح الميزاااان
صح بدنك
والقلووووب
من شكرالله بلا شك
صحاح 1000%
مودتي
خليفة مطلق13-Jul-2008, 07:17 PM
ختامك هو مسك الختام يابو طايل
وصح بدنك ووجهك ابيض
دمت بخير
خليفة مطلق13-Jul-2008, 07:18 PM
الزئبق
سعدنابمرورك وشهادتك تواضع منك
خليفة مطلق13-Jul-2008, 07:19 PM
مرجح الميزان
صح بدنك والقلوب بلاشك صحاح
ولاحصل شايب يشوبها والحمدلله
أســ القاع ــد15-Jul-2008, 08:32 PM
سعود العصيمي
خليفة مطلق
صحت السنتكم ياشعار
ومشكوين على الطاروق الجميل
للجميع تحياتي
راع العلطا17-Jul-2008, 08:44 PM
سعود العصيمي ×خليفة مطلق
صحت السنتكم طاروق عالمي وليته ماوقف للمتعه والاستفاده
بيض الله وجيهكم..
