25-Dec-2008, 10:30 PM
الشعر له وقفات في بعض الاحيان=لولا مواقيف الشعر ويش ابيبه
ان جا لزومه مايقدر بالاثمان=يسرني لاجاء اللزوم اعتزيبه
ويطيب لي بدع القصايد والالحان=خصٍ الى جاء في مزايا عتيبه
عتيبه الهيلا طويلين الايمان=المرجله ترضخ لربعي غصيبه
قبيلةٍ بين القبايل لها شان=ياسعد من عزوة عتيبه قريبه
للضيف والجيران وردٍ وبستان=يلقى الذرى والظل من يلتجيبه
وان جاهم الطرقي من البعد جيعان=يلقى العشا وسط البيوت الرحيبه
من زارهم يقلط على روس خرفان=وحشوٍ تبرك في صحونٍ غريبه
ودلال فوق النار شامي ورسلان=وبن اليمن نتعب عليه ونجيبه
ربعي هل الناموس من ماضي الازمان=اللي لهم في الناس عِزه وهيبه
كسابة الناموس من عصر بدران=مجد توارثناه كل ٍدريبه
المرجله لو هي ورا الجدي لابان=نسعى لها ماهي علينا صعيبه
ناصل لها لو دونها كان ماكان=ولا نقبل الهين ولا نرتضيبه
جدانا يوم المغازي والاكوان =خصيمهم دايم عليه الغليبه
لا حولوا من دون حلوات الابان=ياعزتي للي سهمهم يصيبه
يروون حد الشلف والسيف شامان =في ماقف ٍ يجمع حريب وحريبه
شجعان وان ركبوا الخيل فرسان=فالحرب وأحدهم يجندل كتيبه
في مدح ربعي لاتقولون غلطان=المدح يالعتبان مابه معيبه
من دون قاصر بالقبايل ونقصان=الناس كلٍ في حقه وطيبه
واللي يسب الناس ظالم وخسران=وفي الاخره يلقى جزاه وحسيبه
واليوم كل اهل الوطن ربع وأخوان=الدين واحد ما يجي فيه ريبه
في ظل عبدالله وفي ظل سلطان=أهل العداله وأهل الاري الصليبه
حكامنا اللي خيرهم عم الاوطان=للشعب غيثٍ مايوقف صبيبه
مليكنا راعي المكارم والاحسان=الله على فعل المكارم ويثيبه
نعيش وسط المملكة بأمن وامان=الله يحفظ مملكتنا الحبيبه
وصلاة ربي عد همال الامزان=على الرسول اختامها وانتهيبه
ان جا لزومه مايقدر بالاثمان=يسرني لاجاء اللزوم اعتزيبه
ويطيب لي بدع القصايد والالحان=خصٍ الى جاء في مزايا عتيبه
عتيبه الهيلا طويلين الايمان=المرجله ترضخ لربعي غصيبه
قبيلةٍ بين القبايل لها شان=ياسعد من عزوة عتيبه قريبه
للضيف والجيران وردٍ وبستان=يلقى الذرى والظل من يلتجيبه
وان جاهم الطرقي من البعد جيعان=يلقى العشا وسط البيوت الرحيبه
من زارهم يقلط على روس خرفان=وحشوٍ تبرك في صحونٍ غريبه
ودلال فوق النار شامي ورسلان=وبن اليمن نتعب عليه ونجيبه
ربعي هل الناموس من ماضي الازمان=اللي لهم في الناس عِزه وهيبه
كسابة الناموس من عصر بدران=مجد توارثناه كل ٍدريبه
المرجله لو هي ورا الجدي لابان=نسعى لها ماهي علينا صعيبه
ناصل لها لو دونها كان ماكان=ولا نقبل الهين ولا نرتضيبه
جدانا يوم المغازي والاكوان =خصيمهم دايم عليه الغليبه
لا حولوا من دون حلوات الابان=ياعزتي للي سهمهم يصيبه
يروون حد الشلف والسيف شامان =في ماقف ٍ يجمع حريب وحريبه
شجعان وان ركبوا الخيل فرسان=فالحرب وأحدهم يجندل كتيبه
في مدح ربعي لاتقولون غلطان=المدح يالعتبان مابه معيبه
من دون قاصر بالقبايل ونقصان=الناس كلٍ في حقه وطيبه
واللي يسب الناس ظالم وخسران=وفي الاخره يلقى جزاه وحسيبه
واليوم كل اهل الوطن ربع وأخوان=الدين واحد ما يجي فيه ريبه
في ظل عبدالله وفي ظل سلطان=أهل العداله وأهل الاري الصليبه
حكامنا اللي خيرهم عم الاوطان=للشعب غيثٍ مايوقف صبيبه
مليكنا راعي المكارم والاحسان=الله على فعل المكارم ويثيبه
نعيش وسط المملكة بأمن وامان=الله يحفظ مملكتنا الحبيبه
وصلاة ربي عد همال الامزان=على الرسول اختامها وانتهيبه
