ســلام اللــه وأنــا فالنــاس ألــي غــاية وألــي مقصــود / عيــــد مــرضــي

سلام الله وأنا فالناس ألي غاية ولي مقصود = على وضح النقا وبعد من الخفجي عن الديره

ليامن المزون الغر ساقتها هبوب النود = أنا ماودي أحرج عيد مرضي مع جماهيره

ليامن المزون الغر ساقتهـا هبـوب النـود
أنا ماودي أحرج عيد مرضي مع جماهيـره




هههههه


صح لسانك يا طلال وصح ولسان عيد بن مرضي سلفاً



واحسبوني فالصف

هههههه


صح بدنكــ يالعـــمده


والصَف يزهابكـ بس أيآآآآت ,,,

الله حيّه ابن ناشي :)



هلا يامرحبا ترحيب يجهر فـ / الليال السود=ابن ناشي يشوفه لا سرى و يقود في بعيره
ليامن المزون تهل تبشر بـ / الكرم و الجود=ونعطيك البشوت الضافيه يا طيب السيره

هلا والله بالعمده :)



والصف اكيد عندي مير حياك

الله يبقيك ياعيد



يدوم ألك البقا وما روينا من حليب الذود = ترنا يابن مرضي ماسهرنا نشرب البيره

أنا مدري لاكن أن كان حك العود راس العود = يبا يعطونك العتبان عقبي ختم تسفيره

الله الله

صح لسااااااااااااانك يابو ناشي



و=


صح لساااااااااااااااااان ابن مرضي

ترى مثلك نعزه مير ليش يثور البارود=وانا قرر على الموضوع واعرف كيف تقريره
ترى ماهمنّي غير العصيمي والعصيمي سعود=وبعض الخلق لو يزعل تبى ترضيه تعميره

هلا والله بالعود :)



وصح لسان ومرورك تشريف لاهنت

أنا ماني بظارن بالردى والنقص والمنقود = أسوق القاف سوق وصاحبي ماقل تقديره

تمر سعود وتغني معه والفود مامن فود = وغيره كنهم من دونهم لفه وتدويره

صح بدنكــ

يابو فــــــهد شــــرفت

صحة الالسن والقلوب يامبدعين


وبصف عيد ولايهون طلال

صح بدنكـ ياعقــاب


وهلا وغلا


شرفتنا

والصَف يزهابكــ

تقوله و اثر انا خابرك وافي و العباد شهود=وبعض اوقات من زود الغضب تجتاحك الغيره
يا ابن ناشي ترى عمك يعرف الحاشي المفرود=لكنّك لا تفك الباب إلاّ يا زين تسكيره

هلا والله ياعقاب الله حيّه :)




وصح بدنك والصف يزهابك والآبداع مرورك ,,,,

ألا ياربعنا الروسان منا ... ماعلاكم زود = لاكن اذهيبكم لاراح ماجوبه مداويره

ابن مرضي لونه من يميني يروح البارود = يبا يصبح مع العتبان من حفره لدحديره



الختاااام عندك ياعيد

ولاهنت شرفتني

تبح على خير

ههههههههه الله الله


لا وإنّك يا ابن ناشي حاضرٍ فالماقف المشهود=نرد القوم ونكمل حقوق الضيف والجيره
ولا يا راعي البندق نشبّ في وسطها العبرود=ولا انته اللي يشبّ الضوء لامن قرب النيره

صح بدنك يا ابن ناشي



واشكرك على الدعوه الطيبه



وانت شاعر جزل نستفيد من مجاراته لاهنت



وتصبح على خير يالقرم



تقديري

هذا من طيبك طال عمرك


والفايده لي أنا ... شاعر بحجم عيد بن مرضي مستحيل أن يستفيد


من طلال ناشي ... شكراً على تلبية الدعوه


ولك جل التحايا ياعيد

محاورة وطاروق متميز لاهنتوا ياطلال وابن مرضي




تقبلوا مروري تحياتي

مرحبا عاشق

مروركـ المميز طال عمركـ

شرفتنا ...