طاروق ياهل الشعر
سنجار المري20-Sep-2011, 03:30 PM
ياســـلامي على الحضار من كل ديره ** من هجوسا على الشعار موتا متاحي
جيت اسلم وداري ممبع اهل الجزيره ** شاعر والحقايق مثل نور الصــــباحي
محمد ناصر الأكلبي20-Sep-2011, 03:38 PM
مرحبا واطلب الله دايم في الستيرة&&&عان كم فارس من فوق الأفراس طاحي
استلم الأوله واحسب حساب الأخيرة&&&وأنت من روس قوم ينطحون الصياحي
ذعير العالي20-Sep-2011, 03:48 PM
الله الله
صح السااااااااااانك أخوى سنجار وصح السان أخوى محمد لاكلبي ومتابعييييييين
ماجد العصيمي20-Sep-2011, 03:48 PM
الله الله واصلوا
صحت الالسن
محمد ناصر الأكلبي20-Sep-2011, 03:56 PM
الله الله
صح السااااااااااانك أخوى سنجار وصح السان أخوى محمد لاكلبي ومتابعييييييين
صح بدنك
ومتابعتك شرف لنا
محمد ناصر الأكلبي20-Sep-2011, 03:57 PM
الله الله واصلوا
صحت الالسن
صح بدنك
ومتابعتك شرف لنا
....
سنجار المري20-Sep-2011, 03:58 PM
لا يهمك وسيفي من سيوفا شطيره ** محتزم بذخيره من جميع النـــــــواحي
ســـــــــــرها والمهم يازميلي كبيره ** وانت قومك على العدوان سما ذحاحي
سنجار المري20-Sep-2011, 04:00 PM
مرحبا بجميع
والله لايهنكم على المرور الي اكثر من رائع
ذعير العالي20-Sep-2011, 04:01 PM
طيب
طيب
ومتابعيييييييييييييييييييين
محمد ناصر الأكلبي20-Sep-2011, 04:04 PM
عان كم طاح في نار الفتن من عشيرة&&&&عقب كانو يعيشون السعد والسماحي
كان مابه مع العربان عقل وبصيرة&&&&جاهم الذيب يفرسهم بوسط المراحي
سنجار المري20-Sep-2011, 04:29 PM
من بغى العز يتعب يالوجيه السفيره ** والعمر ياولد واحد من راح راحي
وضعهم مايبشـــــرماعرفنا مصيره ** واليدين الكريمه ماتمد الشحاحي
محمد ناصر الأكلبي20-Sep-2011, 04:40 PM
انتبه كل طير كان غير مطيره&&&جاه رمي السهوم وجاه زرق الرماحي
كان عتدك سلاح وكان عندك ذخيره&&&انطح القوم مالك في حروبي صلاحي
والختام عندك
وتشرفت بمجاراتك
...
سنجار المري20-Sep-2011, 04:53 PM
الحيققه تراها واضحه ياســـــــفيره ** شبوا النار تحت القدر والقدر فاحي
ماني مثلك وسيفك ماتعدى جفيره ** استلمها هديه من رفيقا (مّساحي)
سنجار المري21-Sep-2011, 01:08 AM
الله لايهينك طال عمرك
وانا تشرف باللعب مع ياكابتن الشعر
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
