ياناس دمعي قربة شوشلية

هذه القصيد هي للشاعر ضاوي الصفياني ولاكن اعيد كتابتها بالشكل الصحيح المنمق كما ان هناك ابيات منسية لم تكتب رحم الله قائلها وغفر لكل المسلمين ، لذلك على كل من يكتب قصيدة ان يتحرى الدقة في كتابتها وان يراجعها اكثر من مرة قبل بثها وارسالها للمنتدى وشكرا للجميــــــــع ,


ياصالح انت كيف ترقد من الهم=وانا هواجيسي يجن جموع
مالاعك الي لاعني في ضميري=وقلبي تراه من الحشا مقطوع
ماكن غاد لك من القلب غادي=ويالله ترحم قلبي المفجوع
مفجوع قلبي ياعرب والله اعلم=والحزن فيه مسجل ومطبوع
وقلبي كما واد تقافت محوله=عشرين عام من المطر ممنوع
من بعد ماتنبت نواميه ممحل=ومنه النوامي عرقها مشلوع
وياناس دمعي قربة شوشلية=على قعود والقعود جزوع
يطوي من الظلفى من السير والسرا=مع درب بدو الفريق انجوع
على الذي خلوه يغدي اخوانه=ذبحه الظما مدري ذبحه الجوع
مدري كلاه الذيب بارض خليه=والذيب ياكل الضايع المطموع
من نجد ضاع ولاعرف وين دربه=اصغر اخواني وراسي المرفوع
مدري غدت به الابل مع ديار خلية=مع درب شول والديار اقطوع
يارب قل للارض ان كان ميت=اتدلني قبره وانا لك طوع
واقعد على قبره واهل العباير=وعيني على قبره تهل ادموع
وانا كما يعقوب واشد حزني=يعقوب ابو يوسف طويل البوع
الي بكى حتى خلص كل شوفه=وعميت عيونه من هذا الموضوع
ويعقوب صابه حب يوسف بقلبة=والحزن في قلبه يصوعه صوع
ويعقوب كل خابر وش جراله=وأنا سواته في هذا الموضوع
ويعقوب ماصابه ذكر في كتابه=مذكور في قول الله المشروع
الي منه يوسف غدا وادرفوبه=وقالوا كلاه الذيب بارض قطوع
وصبر على ماقدر الله بامره=وفرج الله له في آخر الموضوع
ويوسف لقوه اهل القوافل=مرمي ببير حبلها مربوع
وودوه لمصر وبيع بخمسة دراهم=وعدت اسنين بمصر مبيوع
ورجع ليعقوب من بعد غربه=بامر الإله الواحد المسموع

صح لسانك تسلم ع القصيده