عقل بلا تفكير عساه للطمس .. الشاعر / عباس بن صالح الغبيوي .

بسم الله الرحمن الرحيم



قصيده للشاعر الكبير / عباس بن صالح الغشيْا الغبيوي




عقلٍ بلا تفكير عساه للطمس = يسرح ويمسي في مكانه عماوي

وقلبي كما البلور ما يقبل اللمس = حساس مثل الشاش يلقط بلاوي

يصدي من اللوعات ويحرق من الحمس = وادارجه مع كل درب متساوي

يزعل من اللكزات وياجع من الرمس = واعالجه بالصبر طب المداوي

ومقعادنا بالرجم في حارق الشمس = اخير من قصرٍ سكنته فداوي

اتابع الصدات ودروبها عمس = واجري على منهاج قلبي شقاوي

واحاول المصماد وحبالنا مرس = من قدرة المولى شديد العراوي

واضلع من الرجلين والشوف بالكبس = لحق الكبر بالجسم ماعاد ياوي

كم مرة عديت رجمٍ مع الطعس = امشي على الرجلين بعزم ورهاوي

واليوم ياربعي عشري بقت خمس = تخالفت دعواي والليل ضاوي

صح لسانك واعتلا شانك