سلطان الجذع شب النار
نايف بن ملحق الثعلي04-Nov-2007, 09:11 PM
مرحبا بالشاعر اللي يوم جانا ازرا يغني=والسبب مانعلمه والله يعلم بالسبايب
انت ياسلطان احسبنك على فكري وظني=مالقيت اللي نقوله فيك لله العجايب
خاطر04-Nov-2007, 09:15 PM
صح لسانك يا نايف
وصح لسانك سلطان مقدما
سلطان الجـذع04-Nov-2007, 09:25 PM
البقا بالشاعر اللي بعد جيت أله متعنى =لايحسب كل همي فالقصيد وفالطلايب
اليدين اللي عطنك يابن ثعلي قد عطني =بس عقلك عقل ورع صغير لو الراس شايب
نايف بن ملحق الثعلي04-Nov-2007, 09:32 PM
الصحيح يصح مني والغلط ماهو بمني=وانت ياسلطان من كلفك تنشب فالنشايب
يالجذع سلطان خابر فالعرب شيعي وسني=العن الشيطان واحرص لاتطير مع الهبايب
ناصر المرشدي04-Nov-2007, 09:45 PM
نايف و سلطان
صحت السنتكم
واصلوا وانا متابع
سلطان الجـذع04-Nov-2007, 09:45 PM
ماعالك خلاف يانايف لو العرف متدني =مار سلم لي على قوم يسدون النوايب
الله اكبر كم حمستك يابن ثعلي حمس بني =كل ليل اأسٌوقك سوق العسيف من الركايب
نايف بن ملحق الثعلي04-Nov-2007, 09:54 PM
كلمتك ماهي بصح ولو تمناها تمني=ابشر اني فاللزوم اللازمه مانيب غايب
ماعلي اخلاف طول الوقت عايش ومتهني=وانته اللي كل ليله من مصايب في مصايب
علي فلاح العضياني04-Nov-2007, 10:13 PM
الله الله
صحت السنتكم و العلووووم هواين
تحياتي
سلطان الجـذع04-Nov-2007, 10:15 PM
ان عطيتك علم يابن روق رد العلم عني =الحقايق ماتغير والخطاء ماهو بصايب
لاتقوله وانت ليلياً من أصحابك توني =والله انك فالشعر لن قلت وان ماقلت خايب
نايف بن ملحق الثعلي04-Nov-2007, 10:25 PM
انت ماعندك علوم ٍ صايبه لاتمتحني=انشد العراف والعقال جعلك للعقايب
الحقيقه واضحه مايتفق فنك وفني=مار لايلعبك الشيطان ملعون الصلايب
خالد العصيمي04-Nov-2007, 10:32 PM
سلطان الجذع & نايف الروقي محاوره رائعه
صحت السنتكم
متابعين ...,,
سلطان الجـذع04-Nov-2007, 10:34 PM
الذباب اللي على راسي من البارح يزني =مايكلفنا نخليها على شانه شبايب
السلامه ياابيض الشارب تجيك مع التأني =والله اني كنت احسبك من فعولي فيك تايب
سلطان الجـذع04-Nov-2007, 10:39 PM
خاطر ..ناصر المرشدي
الفالح ..خالد العصيمي
حياكم الله ولاهنتوا على التواجد
نايف بن ملحق الثعلي04-Nov-2007, 10:47 PM
تعرف اني ذيب ياسلطان وانت اعرفك جني= والذيابه والمجنن من يسميهم حبايب
الليالي علمن الطيبين وعلمني=لاتضيع سالفتنا والبحر ماهو برايب
نايف بن ملحق الثعلي04-Nov-2007, 10:56 PM
خاطر,,ناصر المرشدي
الفالـح ...خالد العصيمي
مروركم يسعدناويشرفنا
سلطان الجذع ليلك طويل
سلطان الجـذع04-Nov-2007, 11:09 PM
لو تدري فالضماير وش نخفي وش نكني =كان عفت حزامك اللي محتزم به فالحرايب
ان بغيت تروح تكفى روح جعلك ماتثني =لاتفشلنا مع العتبان عطبين الظرايب
نايف بن ملحق الثعلي04-Nov-2007, 11:25 PM
الليالي طاوعني والمعاني طاوعني=وانت مدري عنك تبغاها رضاء ولاغصايب
والله انا مانفكك وانت بالقيد امتثني=ياعساه ايطيبلك ولاعسا ماهوب طايب
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
