قصيدة تكفى ترى تكفى تهز الرجاجيل .!!! ( كامله ) .

للشاعر محمد الدحيمي الشهري ( اخو تكفى )


علم العفا وعفاك .. يا وافي الكيـل = ببساطه أبشّرك .. في خيـر وعفـا


نكفي بعضنا ,, وانتكافا على الشيل = واللي تعب من الحطّ والشيل يكفـا


من ذاق حرّ القايله يعشـق الليـل = ومن شبّ ضّوه ليلة البرد .. يدفـا


لاعاد ليلٍٍ نمت به في حرى سهيـل = وخايلت نوضٍٍ يخطف العين خطفـا


امسيت من جيل ٍ ولاهوب ذا جيل = واصبحت ... والاّ ديرتي شبه منفـا


كنّا على فال الشحـم والمعاميـل = ونفوسنا انقى من نقى العدّ .. واصفا


وانا ولو راحت بقولـة : تساهيـل = صلف وصروف الوقت تحتاج صلفا


ياترج جدّاني .. زحول الرجاجيـل = يحرم فلا لي عنك ياتـرج .. مقفـا


إمّا لطمنا العيل .. والاّ الطم العيـل = مادام شبّ النار مندوب الأطفـاء


خل ابرهه الأشرم على ذمّة الفيـل = وانظر لشيٍ .... مايوصفّه وصفـا


ياذيـل والله ماتجـي راس ياذيـل = علمٍ ماهو يغبـى ولاهـوب يخفـا


واللي حمـا بيتـه بطيـرٍ ابابيـل = ماجيتـك ادوّر لمـن راح واقفـا


ولا جيتك اطلب منك بن ٍ ولا هيل = جيتك وجرح الظلم .. غاديه يشفا


جيتك بكلمة .. كنّها صعقة الويـل = إن قلت تكفا ... لا تهاون بتكفـا


تكفا .. تراها كلمةٍ تقطـم الحيـل = لا بالله الا تنسـف الحيـل نسفـا


تكفا .. ماهي لمعقبيـن الفناجيـل = تكفا لصلف وعادة القـرم صلفـا


تكفا .. ترى تكفا لها هدرة السيـل = في صدر حرّ .. ينتف الطيب نتفـا


تكفا .. ترى تكفا لها تسرج الخيـل = إن كان لك باالخيل سرج ٍ و عسفا


تكفا .. تبيّن كـلّ لاشٍ وحلحيـل = تسمع لها بالصـدر هبـدٍ ورجفـا


تكفا .. وتكفا ماتسـاق لمهابيـل = تكفا .. تخلي القـرم لاشٍ وهطفـا


تكفا .. تجنّبني هل القـال والقيـل = مانيب من ينكف على كـل ملفـا


تكفا .. تراني من قروم ٍ مشاكيـل = حمّاية الساقـه .. بسيـفٍ وشلفـا


تكفى ترا تكفـى تهـز الرجاجيـل = ولولا صروف الوقت ما قلت تكفى


تكفى يا مزيد ما يبا العلم تفصيـلالمشكله كبرت على عماش تكفـى


ما قلت تكفى غير من فترة الحيـل = وانته ولد من يفعل الطيب تكفـى


انخاك من كثـر العنـا والبهاذيـل = الفقر حطمني .. وانا ازريت تكفـى


غديت مثل اللي برك ضامه الشيـل = تضحك بي ضعوف الرجاجيل تكفى


يومٍ لك وقفه .. وجاه .. ومداخيل = ما غنتني عن مثل شـرواك تكفـى


افزع ترا وقتي غدى كنـه الليـل = والعلم ما يخفـاك يالقـرم تكفـى


ما عاد بي شده ولا عاد بـي حيـل = ضدتني الايام ... والقـلّ تكفـى


اروح وارجع ما حصلي محاصيـل = والرجل بادت .. يا فتى الجود تكفى


واليوم عندك يا رفيـق المشاكيـل = العذر ما ينفع وانـا قـول تكفـى


حيثك من اهل الطيب واهل المفاعيل = يا زبن من جاله ومن قـال تكفـى


الجيب فاضي .. واليالـي مقابيـل = عجزت اعيش مع الرجاجيل تكفى


والراتب المحدود .. يـروح تحويـل = من الاداره .. لاهل الديـن تكفـى


حتى عيالي ما قدرت الهـم الكيـل = والازمه لا جات .. صديت تكفـى


ارجى الفرج والله يجيب التساهيـل = واعيش في راحه مع الناس تكفـى


والله كريم .. يبدل الحـال تبديـل = وما قلّ دلّ .. وصامل الهرج تكفى



تحياتي للجميع ،،،

مشكوووووووووووووووووووووور
وصح لسان قايلها ولا عدمنا ناقلها

لكن اخي بدون نك الا تعرف السبب ان كنت تعرف فلا تبخل علينا
اخوك الرتوعي

الف شكر اخوي بدون نك وصح لسان قايلها

بيض الله وجهك على هذه القصيدة الطيبه

صح لسانك ...

ولاهنت على النقل ...

بس لو كان في الشعر الشعبي ... لكان افضل ...

لانه غير عتيبي ....

* المشكله انا ما نطالع قوانين الاقسام

على العموم لاهنت على النقل

لا هنت على نقل هذه القصيده الجزله ..

وعجل علينا بسبب القصيده لأنها فعلا مؤثره جداا ، علشان لا جينا نسولفها فليهي قصيده بسالفتها .

تحياتي لك..

لاهنت طال عمرك على النقل

وصح لسان صاحبها صراحة قصيدة مليئة بالحكم والامثال ونخوة الرجال

الحلاحيل .

بدون نك بيض الله وجهك وقصيده لها وزنها ومشكور على النقل ان لم تكن انت الشاعر وصح لسانك الشاعر


مع تحياتي

اشكر كل من مرّ من هنا

أما سبب أو سالفة هذه القصيدة فلا أعرفه


واعذروني على القصور



تحياتي للجميع ،،،

اخوي بدون نك صح لسانك و صح لسان شاعرها

و مشكور على طرحها

مشكوووووووووووووووووووووووووووور وماقصرت

صح لساااااااااااااااانه