مايقنع الخبل لين انّه يلامجها ... لاهنت رطّب مسمعك هنا

اطلق عليها الشاعر : غازي بن عون العتيبي ...(الدرّه)


سمعتلي هرجةٍمـدري وش اقصاهـا=حزة بصـدري وانامانـي بهارجهـا
لو كل كلمه ليا جتنـا طـر د ناهـا=بعنا الثمينـه بسعـرٍ مـا يخارجهـا
لو مـرة السمـع ماكنـا سمعناهـا=ونقفـل الـراس عنهـا لايبرمجهـا
ومن يـم هـذا لهـذا مـا نقلناهـا=الناس واجد وتلقـا مـن يروجهـا
ومن جابها بيـن خلـق الله وداهـا=لوبه مراجل ترى نفسـه يسمجهـا
ومن عاملا الناس في سابق خطايها=يقعـد بـدارٍ خـلا مـاداج دايجهـا
في كنةٍ تشوي الجربـوع رمضاهـا=تابس غصون الشجر من حر واهجها
والناس بلحق حكم الشيخ مرضاهـا=ماترضي الناس لو انـك اتحججهـا
يلي تبى الطيبـه خذهـا وعطناهـا=وخـل الطريفـه طريـة لا تثلجهـا
واقظب طريق الاوادم وامش ممشاها=اتبع ادروب العرب وانهج مناهجهـا
وارسـم للنفسـك حـدودٍ لاتعداهـا=من حط نفسه بدرب الضيق يحرجها
وان كان نفسك هواها قـام ينحاهـا=حط الأعنه بروس الخيل واسرجهـا
وفكـر ابمنكافهـا قـدام مغـزاهـا=واضرب حساباتها واتشوف ناتجهـا
كلٍ بعضده يمـوح الدلـو برشاهـا=وتلقا اكبود الضوامي من يبرهجهـا
انكان توك علـى صـدرك تهجاهـا=حنا ترانـا انـدرس فـي مناهجهـا
من يـم مسراحهـا نبعـد معشاهـا=الياقعـد راعـي الضّلـع يدرجـهـا
لو هي صعيبه اليا انعاجـة عدلناهـا=والي تجـي مستقيمـه مانعروجهـا
نهتم فـي وزنهـا وابـرام معناهـا=ومن الكرستـال واللوللـو انتوجهـا
مثـل الجواهـر اليامنـا نضمناهـا=واسلوكها من جديد الزري ننسجهـا
مخايلن ترتـدم والصـدر منشاهـا=لادك بالـبـال داكــوكٍ يهيجـهـا
واليامطرت ضاقت الوديان من ماهـا=تاخذ اليا الحول ما يبست مدارجهـا
ان صدت الناس عنـا ماعترضناهـا=ماتقفي النـاس عنـا وان تولجهـا
وانجاتنا الطيبـه بالطيـب زدناهـا=الطيبه بالعسـل والسمـن نمزجهـا
وان جاتنا الثانيه نصبـر ونرفاهـا=يمكن اليـا فـاق راعيهـا يعالجهـا
وان عادها عـودةٍ ماعـاد ينساهـا=من حربةٍ في صميم الصدر نولجهـا
مسمومةٍ يبلـش الدكتـور بدواهـا=مايقنـع الخبـل ليننـه يلامجـهـا
وسلامتكم

والشاعر : عبد الله بن زويبن الحربي

ومن عاملا الناس في سابق^^^ خطايهايقعـد بـدارٍ خـلا مـاداج دايجهـا

صح السان الحربي ..
وسلمت يمينك يالغالي عالنقل الطيب

لاهنت يالسبيعي .

على المرور .. وشاكر لك


يالغالي .. دمتم في حفظ الرحمن

صح لسانه واشكرك على ذوقك يالذيب ..

الله..الله..الله

قصيده فعلا تستحق لقب الدره

من أروع ماقرأت

الف شكر لك يالغالي

محبك
,’

وافي الخماش
..

عبد الله الجذع


شاكر لكم على المرور .. والاروع مروركم الغالــــــــي.

دمتم باذن الله في حفظه ورعايته

الله..


فعلا درة.


صح لسان اشاعر الكبير/ عبدالله بن زوبين.

والف شكر على النقل الموفق.

ياسلام عزالله انها دره

صح لسان الشاعر ولاهنت ياهلال على النقل

تحياتي

عبد العزيز الجذع .

ابن هضلا .


شاكر لكم المرور .

فعلا تستحق اللقب .

عزالله جزلة ووافية

صح لسان ابن زويبن على هذه الشامخة

وشكراً لك ياهلال على هذا النقل المميز

تحياتي

الله الله الله الله الله


ياهلال لاهنت وصح لسان العلم / عبد الله بن زويبن

ولاهي غريبه عليه

..
.
العلم عبد الله بن زويبن الحربي
صح لسانه اشهد بالله انها دره ...ولله دره ...
لاهنت على حسن ذائقتك ياهلال .

لو مـرة السمـع ماكنـا سمعناهـا**ونقفـل الـراس عنهـا لايبرمجهـا
ومن يـم هـذا لهـذا مـا نقلناهـا**الناس واجد وتلقـا مـن يروجهـا




صح لساااااااااانه الناس واجد وتلقى من يروجهااااااا...............

الله يعطيكم العافيه ان شاء الله ..

على المرور ..

شاكر لكم كل الشكر..

دمتم في حفظ الرحمن .