عبد الله الاصعر
نايف بن ملحق الثعلي28-Apr-2009, 07:29 PM
يامرحبا ترحيب وعز ترحيب=بالشاعر الي مايغر المعاني
ياالاصعر الدنيا تراها تجاريب=والجدي يفرق عن سهيل اليماني
محمد العتيبي28-Apr-2009, 07:35 PM
الله الله يابن ثعلي
صح الله لساااانك .. وننتظر المبدع الاصعر
...
نايف بن ملحق الثعلي28-Apr-2009, 07:41 PM
محمد العتيبي
مرورك يسعدنا
عبدالله الاصعر28-Apr-2009, 07:42 PM
دام البقا في منتدى العز والطيب=في منتدى الهيلا طوال اليماني
عليك للهيلا حقوق ومواجيب=ليا قطعت الوصل جاء علم ثاني
عبدالله الاصعر28-Apr-2009, 07:46 PM
محمد العتيبي
شرفتنا بمرورك
وحياك الله
لك تحياتي
نايف بن ملحق الثعلي28-Apr-2009, 07:49 PM
ياصاحبي فيك العجب والتعاجيب=تضحك بسنك وعرفك ماتباني
ياذيب يالي تعرف العلم ياذيب=في لازمي والي بغاني لقاني
محمد بن ثعلي28-Apr-2009, 07:58 PM
صج لسانك الاصعر
صح لسانك يانايف
ونا مع الاصعر ولايهون نايف
محمد بن ثعلي28-Apr-2009, 08:06 PM
صج لسانك الاصعر
صح لسانك يانايف
ونا مع الاصعر ولايهون نايف
عبدالله الاصعر28-Apr-2009, 08:14 PM
يالصاحب اللي من خيار الاصاحيب=اشوف فيك اخلاف من هالزماني
يارجل تبدي فالسنه يوم وتغيب=تزعل وشكلك ياولد ماتداني
نايف بن ملحق الثعلي28-Apr-2009, 08:25 PM
يالاجودي ندهلك الجرح ويطيب=واجيك في مكه ويم المحاني
ازعل من الي يخلفون الهناديب= ولي انت اعدك واحدن من خواني
عبدالله الاصعر28-Apr-2009, 08:39 PM
داو الجروح اللي بصدرك معاطيب=قدام عشرك لا تعود ثماني
مانته بلا فاجر ولا انته تراحيب=عشان ترضا يافلان الفلاني
نايف بن ملحق الثعلي28-Apr-2009, 08:43 PM
ياربعنا اللي تفتلون الاشانيب=اطلق شنب ماهوب واقف وزاني
تبا الحقيقه حولك الشك والريب =والله يعلم ويش فالمودماني
نايف بن ملحق الثعلي28-Apr-2009, 08:44 PM
يامحمد بن ثعلي
صح بدنك وحتى لو انك مع الاصعر حول بعضكم
محمد العتيبي28-Apr-2009, 08:56 PM
يا سلااااااااااااااااااااام
ابدااااع .. وووواصلوووووا .. لنستمتع
صح لساااانكم
...
عبدالله الاصعر28-Apr-2009, 09:02 PM
اعرفك يانايف حصان الاطاليب=لكن قدامي ما تاخذ ثواني
في علتك والله تضيع الاطابيب=اللي لجت بين الضلوع الحواني
نايف بن ملحق الثعلي28-Apr-2009, 09:08 PM
انا ادري انك طير وبلا مخاليب=طاح الربيع وفان وقت السماني
اصبر علي دنياك هاذي مكاتيب=والصبر طيب والله المستعاني
عبدالله الاصعر28-Apr-2009, 09:27 PM
ترمي من الليله ولا رايح اتصيب=وانا مكاني ماختلف عن مكاني
ياربعنا اللي من كبار المناصيب=ابعية العضيان حضي رماني
نايف بن ملحق الثعلي28-Apr-2009, 09:37 PM
ياصاحبي ماعنك ذالليل تجنيب=انته علي بعض الامور اتحداني
في ذمتي لودب اصعير تاديب=وش رايكم بالي بنفسه بلاني
نايف بن ملحق الثعلي28-Apr-2009, 09:41 PM
عبدالله الاصعر28-Apr-2009, 10:20 PM
انته ماتونس ضرب خضر المشاعيب=اللي توقع تحت قوع الاذاني
حطيتها بين النحر والتلابيب=وسريت تضلع يالبعير العماني
عبدالمجيد الثعلي28-Apr-2009, 10:49 PM
نايف ملحق
الاصعر
صحت ألسنتكم وبيّض الله وجيهكم
الليل لايروح
عبدالله الاصعر28-Apr-2009, 10:51 PM
صح بدنك ياعبدالمجيدالثعلي
والله يحييك
ومشكور على المرور
لك خالص تحياتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
