تهنئة لسمو الامير سلمان

هذه القصيدة كانت بمناسبة السلام والتهنئة لسمو امير منطقة الرياض

الأمير/ سلمان بن عبدالعزيز حفظه الله

في أول ايــــام عيـــد الاضحى المبـارك .



نهار العيد والفرحة كبيرة والليال اسهود = على اهل العاصمه مني سلام اسلام ماله حد
يفوح الفل والياسمين والنرجس ودهن العود = من أطرافه وينبض بالمحبه والوفا والود
عسى عيد الضحيه بالسعاده كل عام ايعود = على دار الحرار اللي ينومس طيرهم لاهد
واقول الله يعيد العيد للغالي مقر الجود = سليل الاصل والمجد التليد الخالد الممتد
على: سلمان بن عبدالعزيز الفيصل آل سعود = رفيع الشان والمجنى من اول جد لآخر جد
ذرى نجد العذية درعها واحزامها المشدود = على ايام الرخاء والعسر واوقات الهزل والجد
ورث زين الطبايع والمزايا من حياة العود = وطلع طلعة سعد ماحدٍ طلع مثله ولا له قد
ملى حبه قلوب اهل الرياض وفاض عنهم زود = على اهل المملكه من طيب راسه لين عدّ وبد
طليق الوجه محمود السجايا الواعد الموعود = فريد اعداد ماله ندّ ، قرم اولاد ماله ضد
عظيم المنجزات بكل معنى والعباد اشهود = على وضح النقا ، ترفع له الرايات بيض إجدد
يجير المستجير وينصر المظلوم والمضهود = ويمسح دمعة الورع اليتيم وينقذ المحتدّ
ويقضي حاجة المسكين والملهوف والمجحود = يمدّ ولايردّ ، ولاتهون ايدين راع المدّ
وفيه وفيه .. خير وشرّ .. ثابت ماعنه منشود = على اهل الشر قطعة شرّ لايرحم ولاينردّ
عمى عين الحسود ، ونكبة المحتال والمقرود = خصيم الظلم والعدوان ، سقم الخاين المرتدّ
جعل عمره يطول ودام عزّه بيننا موجود = وعينٍ ماتحب اتشوف سلمان السعد تنسدّ

وسلامتكم

صح لسانك




يابن طلال





قصيده جزله




وابيض وجه

صح لسااانك صح لسااانك

استمتعت بقرائتها ,,

بيض الله وجهك
...

الله الله


كـــــــــــــــلام فاخــــــــــــر


وانامل فاخـــــــــــــــره

ابدااااااااع

صح لســـــــــــــــــــــانكـــ

صح لسانك حتى ترضى

هكذا المدح ولا فلا


الف شكر لك على الدره


ننتظر جديدك

محبك
.,

على: سلمان بن عبدالعزيز الفيصل آل سعود
رفيع الشان والمجنى من اول جد لآخـر جـد
ذرى نجد العذية درعها واحزامهـا المشـدود
على ايام الرخاء والعسر واوقات الهزل والجد




عبدالله بن طلال



صح لسانك على هالدرر لاهنت


ننتظر كل ماتكتب