هناديب

انا ماقول اني ياعتيبه آخر الشعار

انا شاعر كما شك الإبر شكه بقصديره

الامني ندبت الحظ ماياقف على الدوار

تيمم للطريق اللي مابه لفه وتدويره

اهندب واتهندب والطريق يمين والّا يسار

مدام العبد يتقلب بجنب الخير والخيره

ولاجيت اتقدى قدوة مسمت جحور الفار

ويامسمت جحور الفار جاب الفار فريره

يموت الآدمي ماركبوله قرني استشعار

وهي نعمه تحت رجله على هامة صراصيره

ويموت الآدمي ولايطيح من العقار عقار

عقرها اللي طيوره ماتعشى الا على جيره

يعدون المراجل والمراجل مثل رجم الغار

ويبدى الذيب في راسه ويبدى الذيب لغويره

يخيلون المزون وكل مزنه حملها قنطار

ومزنه من على ديره ومزنه من تحت ديره

ومن يضرب بحر يطير ماه ولايطير غبار

ومن يجمع علب ماحاصل له غير توفيره

الا مني شغلت فحال نفسي فالجميع بخار

وانا وش لي بجاري لاقفل بابه مساييره

فلاني محمد الهادي ولا من صحبه الاخيار

عليه الصلاة والسلام

انا عبد لرب ماعبدنا واحد غيره