قـــصــيـــدة الــشــلــه .....ابــي رايـكـم يـابـنـي عـمـي

السلام عليكم ورحمة الله وبركاتة

كيف حالكم يابني عمي |189|

اليوم كتبت لي قصيده وقلت مالي غير بني عمي يعطوني رايهم

القصيده هذي لها قصه

القصه هي:
انعزمت عند واحد من الشباب للعشاء ولقيت عنده ثلاث شباب سكارى
واعتذرت من مجلسهم وطلعت وانا شيل عليهم بزعل كبير
ومسكني راعي المجلس اللي عزمني وقال حنى دخيلك من لسانك
جاوبته قلت اللي انا شفته لاتدخل علي منه

وكتبت القصيده


يالله يالمعبود ياجالي الهم=بطلبك يالمعبود تجلي همومي
وسود الليالي ياعرب ماترحم=ويالله يالمعبود انت الرحومي
واللي بعدها اعد نقدي معزم=وانا على الفرجه حصاني عزومي
لقيت انا شله تشربلها سم=لعل جسمه ينتفض بالسمومي
حرم على المسلم ترى هو محرم=والطيب اللي يتركون الحرومي
يبعدك من الجنه وبعدين تندم=وتعيش باقي العمر وانت ندومي
لاقلت جنب قال جوي مغيم=هذا مضبط جونا بالغيومي
جنب عن المسكر وان كان تفهم=وان كان عقلك ياصحيبي فهومي
خلك رجالا صميدع وتسلم=واتبع طواريق العرب والسلومي
وان كان في سكرتك دايم ملزم=انا على طرقتك مالي لزومي
اقسم برب البيت سبحانه اقسم=لاجنب دروبك وانا اقسم قسومي
ودرب المراجل أبخصه دوم واعلم=زاحب درب المرجلة والعلومي
ماني مثلك لردى دوم ماردم=هذاك مثلك يالرداوي ردومي
واحد سكر والثاني مقضم=وانتم تسمونه رجلا قضومي
ان شفته وجه لين وجه مشرم=يافكرتي في الوجه كله شرومي
واشلون تبغى العز ووجهك مظلم=ظالم ومظلم كل وجهك ظلومي
جنب دروب الشله اقدم تقدم=على دروب العز تقدم قدومي
واختامها صلو عدد جمت الجم=على نبي الله عد الجمومي



هذي هي القصه والقصيده وابي رايكم ياربعي
وترى توني رجعت للشعر بعد ماتركته وان شاء الله اواصل فيه

وبالتوفيق

اخوكم تركي الشيباني

صح لسانك

يالغالي قصيدة حزينة ومعبرة والله يبعدنا من رفقة السوء

من ابداع الى ابداع

دام عطــائك

اخوي تركي
صح لسانك قصيده معبره وجزله

لكن الوزن فيه مشكله بسيطه ويمكن اخطا مطبعيه

وكل شاعر مع الممارسه يفلح ويتحسن
واصل الابداع يالغالي

..
.
جنب عن المسكر وان كان تفهم *** وان كان عقلك ياصحيبي فهومي

صح لسانك يا بن مشيب

وراينا أنك تواصل

صح الساانك

قصيده جزله من جزل


ولاهنت على نقلها لنا


ننتظر منك المزيد



تقديري

مشكورين اخواني على ردودكم

اخوي نبض المشاعر شاكر لك ردك يالغالي ومنور
__________

اخوي خالد اوصاهب الخطا مطبعي يالغالي

ودرب المراجل أبخصه دوم واعلم
زاحب درب المرجلة والعلومـي

التصحيح واحب بدال زاحب
_________

اخوي النايع باذن الله اتابع واواصل
__________
اخوي أبو نجر النفيعي مشكور على ردك وحظورك يالغالي

وانتظرونا بقصائد جديده

وبالتوفيق

وعليكم السلام ورحمة الله وبركاته

هلابك أخوي تركي وياأبن العم.


أخوي تركي صح لسانك قبل كل شي

وانت طلبة راينا وبشر بعزك وماأزود على كلام أخواني


أوال شي العزومه شرف والجيه من الخاطر أو ألآكتفى باالستر


والرجال عون لبعض ماهم هون


وأتمنا منك ياتركي كتابة الشعر بستمرار وراح يتغير تفكيرك


وإذا وصفة أحد او موقف حصل بمحبه مو بذم


اخوك سعود

صح لسانك اخي تركي
وواصل ابداعك

الاخ سعود حكم
أشكرك على مشاعرك الطيبه ونقدك الطيب
ولكن ياخوي سعود أنا مابينت في القصيده
منهي فيه والمواقف عديده وعندي المزيد
من المواقف الطريفه وانا اعاتب من يسوي
مثل هذا وكل شاعر له مشاعره والحمد لله اني
مذكرة احد في قصيدتي ولكن معاتبتي واضحه جداً جداً
وانا اعيد وكرر شاكراً لك يالغالي
_________________________

الاخ يوسف عبيد شكراً لك
ولك فائق تحياتي واحترامي
وبالتوفيق

صح لسانك يابن مشيب
وبيض الله وجهك يوم انك نزهت نفسك عن الشلة الفاسدة

الله يهيدهم
واصل الشعر ،، مفرداتك زينه وتسلسل الحادثة جميله
والظاهر انك شاعر مواقف

موفق

الاخ حافي نت
ماعليك زود والله يسلمك

شكرر ولاهنت