للشاعر/ نمرالعتيبي . رحمه الله .

قصيدة للشاعر / نمر بن صنت العتيبي << رحمه الله >>

يانجمة الصبح كبدي منك مرهوقه
لاشع نورك علينا لاتغيبيني
ستاير القلب من فرقاك مشقوقه
اصبر من العام لين انك ذبحتيني
الود لو نتركه عنا وطاروقه
أظني ارتاح وانتي تستريحيني
لبيك ياللي تجر القلب بعروقه
كله على شان يوم انك تلبيني
تلحني لح ركب عجلوا سوقه
او جل ذود مسرينه شيابيني
عديت عن مبسم المجمول لاذوقه
انا بلاي الحيا وادرا على ديني
وا قلبي ياللي من الجازي دنا عوقه
بالله شيروا عليها لاتقاصيني
وان كان قلبي تلبش عنه صندوقه
شدوه لين آتجود فيه بيديني
قالوا معاليق قلبك منه مسروقه
قلنا خذته الضحى والناس واعيني
ياليت ربي ومر (خالد) على شوقه
يفك حبله ولو يعطي ملاييني
الأوله ليت ابو خلي من الروقه
والثانيه ليت ابوي من القحاطيني
يالله ياخالق الدنيا لمخلوقه
تقدر على الموت تذبحني وتحييني
تلم شملي لابد الروح مرفوقه
باربع هناديس في قبري تخاويني

..

بيّض الله وجهك ،، وصح لسان الشاعر/ نمر بن صنت الحافي ....

والله يرحمه ،، ويتغمّده بواسع رحمته ......


وتقبّل تحياتي ،،،،،،،

مشكور يابو شموخ

ومشكور يالغالي على المرور