كبتن عتيبه

سلام الله سلامٍ ماتهزه عاتيات الريح=بنيته بالرضا والغصب لين اعليت بنيانه
ولا ياكبتن عتيبه تعاااال وكثر التسبيح=عليك امن العتب كبر الحجاز وكبر ضلعانه

صح لساااااااانك ياشوباش
رائع رائع ..

وبانتظار الكبتن ..

سلام ياسلام

اكثر من رائع والله

صح لسانك

صح لسانك رائع

بانتظار المبدع كبتن عتيبه

يالكبتن وينك؟

الله الله

واسف على التاخير...مير استلم


هلا يامرحبا رحبً معطّر من خزام وشيح=وانا ماني براعي كلمةٍ ماهي بمليانه!!
وصلتك يالرفيق اللي تنادي من عصر وتصيح=وسبحان الله المعبود رب البيت سبحانه!!

انا سلمتك الرايه ومعها الدعم والتسليح=ووصيتك (وصاة كليب بعد الغدر)لاخوانه
لكنك يالمهلهل فالمعارك تحتزم وتطيح=لعب جساس في حسبتك ياسالم بفرسانه

الله الله


توصّيني بعد شالوك فالبابور يازحزيح=وعدّّوك الحدود وكلمتك ماجالها خانه!!
وش يدخلك ياشوباش بين بخيت وشليويح=يابو مشهاب مشهابك مازايد غير دخانه

سقى الله ربعنا اللي يكرهون الهمز والتجريح=رجالٍ عدلو ميلات حزب الشر واعوانه
لكٌن ياكبتن عتيبه يجيك العلم والتصريح= مادام انك تخاف الموت خل الشعر والحانه

الله الله


على ماقالوا أهل الشام (ياشوباش مانت منيح)=وعلى قول البدو( خربان والأخلاق خربانه)!!
تدوّر للكرم وأنته ليا جوك الضيوف شحيح=يابو بيتٍ على طول السنه مقفول بيبانه!!

اشوف الناس ياكبتن على قرصانها تبريح=عسى قرصٍ يذل الادمي ينشب بلحيانه
تعبنا ياعتيبه بين جهر القول والتلميح= احد يفهم واحد يركب على علباه شيطانه

الله اكبر الله اكبر
حان الان موعد صلاة الفجر حسب التوقيت المحلي لمدينه الطائف


كبتن عتيبه تشرفت باللعب معك
ولنا لقاء في وقت اخر

الـلـهـ الـلـهـ علـيـكـم

افضلـ ماسـمـعتـ وشـفـت في المنتدى

صح السانكـ ياشوباشـ وبيضـ اللهـ وجهكـ

وصح السانكـ ياكبتنـ عتيبهـ وبيضـ اللهـ وجهكـ

اخوكمـ

فالح الكرنافـ

..
.
جزاله وابداع من الاثنين
بيض الله وجيهكم وعساكم على القوّه ..
...