27-May-2008, 07:03 PM
بسم الله الرحمن الرحيم
هذه القصيدة مهداة إلى الاخ / محمد بن عايض دخيل الله ابوخشبة النخيش النفيعي العتيبي
متمنياً أن تنال إعجابه واستحسانه
سلام يا للي ما تعدد عطاياك = سلام أحلى من حليب المصاغير
وأقول يا ذخر المطاليق لو لاك = لو لاك ما جن البيوت الأباكير
الطيب ساسك يا محمد ومجناك = مجناك يا ذخر الرجال المناعير
يشهد على ما أقول فعلك بيمناك = يمناً مضريها بفعلك على الخير
يا قل والله من يسوي سواياك = خصاً ليا جـن الليال المعاسير
عطاء يمينك ما درت عنه يسراك = تعطي عطاياً كبر أبانات والنير
والشعر يعجز ما يعدد مزاياك = وتعجز عن أفعالك جميع التعابير
يفرح بك اللي جاك فالضيق ينخاك = ليا حداه الوقت وأفلس من الغير
ينسى همومه كلها حين ينصاك = ما كنه إلا وارداً جمت البير
ياللي مثل هداج وصفك وحلياك = عليه خلق ا لله ورود ومصادير
عد الروى مروي هذولا وذولاك = تحتار في وصفك جميع التفاكير
يبشر بخير إللي تعنى ليا جاك = بعد العناء ومواصلة للمشاوير
يلقى القبول اللي يجمل ويلقاك = في مجلساً فيه الدلال المباهير
مجلس شيوخاً ما دخل فيه تنباك = طيبه من الكنبود بأغلى المساعير
يفداك من ضيف ضيوفه بالأسماك = يا مضيف ضيوفك عيال المعاشير
ما تذبح إلا الابل عريضات الأوراك = وحيل النعاج مكسرات الشناكير
يابوسليمان الفخر ما تعداك = مطوقك مثل الكبك والأزارير
وأطيب حميا في الحمايا حمياك = يا مكرم الجيران هم والمسايير
الرأي عندك والسنع لا عدمناك = يا منور عقول الرياجيل تنوير
وإن عمست الأرياء يعودون لرياك = عوارف عتيبة وقحطان ومطير
عرفت قدر المال يوم الله أعطاك = وارخصت لأجل الطيب غال الدنانير
يفداك عباد الدنانير يفداك = لو كثرة أمواله ونادوه يا مير
ماهوب لا حولك ولا هوب وياك = الفرق واضح والفعول المعايير
هذاك تقصر خطوته دون ممشاك = لو ثروته كبير الجبال المزابير
وإلا أنت زينك التواضع وعلاك = متواضع لله وزاد لك تقدير
ممشاك صح ومطغي الخلق ما أطغاك = مصخره في كسب الأمجاد تسخير
وإما بعضهم لاغتنى يشرك إشراك = وغدى مع اللي يأكلون الخنازير
ما بعت دينك مثل غيرك بدنياك = والله يجيرك من صدوف المقادير
الجود دائم صورة في محياك = في وجهك الطاهر له ألفين تعبير
سجيتٍ معروفة من سجاياك = صورتها بالفعل يالشهم تصوير
خلدت لك تاريخ يفخر بذكراك = سيرة بطل ماهيب سيرة معيثير
الله يديمك يالسنافي ويرعاك = يا الوافي اللي ما يجي منك تقصير
فعلك ينومسنا ليحل طرياك = يا بن الكرام أهل الوجيه المسافير
هذي فعولاً لك ولاهيب لسواك = قولاً صحيح بلا زيادة وتزوير
الله يبيح اللي على الطيب رباك = عايض ليا عدوا كبار المشاهير
أوصاك يا محمد وكان يترجاك = وطلعت فوق الظن يا سالم الزير
ما خاب يوم انه على الطيب وصاك = يوم الوصية واجبة وأنت صغير
وأبوك يوم الخلق جوعاً وهلاك = أغنى العباد المعسرين الفقاقير
من عند أخو نورة سعى وأدرك إدراك = كسباً يسطر له على المجد تسطير
وحول على الهمجه وصارت له أملاك = ولربعه اللي يكرمون الخطاطير
عقب المجاعه والتشتت والأضناك = وبعد تنقلهم سنوداً محادير
أسس لهم ديره ولو شك شكاك = قلنا اقر في التاريخ تلقاء التقارير
ويا قاري التاريخ ما ظن يخفاك = أبوخشبه وسلالته من هل الخير
وأبوك ذكره طيب والطيب ذكراك = متوارثين الطيب من غير تغيير
وجدك دخيل الله غزى القوم ذولاك = وجاب الخيول معسكرات المسامير
أبوخشبه ودرين في فعلهم ذاك = زادوا على فعل الرجال المغاوير
يوم المكاسب دونها ورد الإدراك = ما يكسبون إلا خيار الخواوير
يا ابن الزحول مطوعت كل فتاك = أهل المهار السرد وأهل المغاتير
حماية البل يوم دورات الأفلاك = يوم أنها ما بين حواف ومغير
يوم أنها بسيوف وارماح واعراك = جدودك اللي ينطحون الطوابير
ودخيلهم يا من لو أعداه الأتراك = ما يصلونه بالسيوف الشواطير
يالله ترحمهم بعطفك ورحماك = واجعل لهم يالله رحمة وتيسير
وأنا افتخر بك يا ابن عمي ولا أنساك = في لازمك ما أقابلك بالمعاذير
ليا بدالك لازمٍ عندي أفداك = باعز ما نملك لو يصير ويصير
والمدح لا قلناه في غير شرواك = غدا خسارة من كبار المخاسير
وربعك هل الطولات ما ظن يخفاك = أذكارهم وصلت لعرعر وخرخير
والله يحقق لك طموحك ورجواك = فالمقبلات من الليال المناحير
هذا الكلام اللي يليق الك واعفاك = والمعذرة لو صار في القول تقصير
الشاعر / زيد بن محمد العضياني العتيبي
لسماع القصيدة او تحميلها
http://file9.9q9q.net/Download/67849189/ziad.mp3.html
http://www.tntup.com/file.php?file=0...edf96548d162fa[/align]
هذه القصيدة مهداة إلى الاخ / محمد بن عايض دخيل الله ابوخشبة النخيش النفيعي العتيبي
متمنياً أن تنال إعجابه واستحسانه
سلام يا للي ما تعدد عطاياك = سلام أحلى من حليب المصاغير
وأقول يا ذخر المطاليق لو لاك = لو لاك ما جن البيوت الأباكير
الطيب ساسك يا محمد ومجناك = مجناك يا ذخر الرجال المناعير
يشهد على ما أقول فعلك بيمناك = يمناً مضريها بفعلك على الخير
يا قل والله من يسوي سواياك = خصاً ليا جـن الليال المعاسير
عطاء يمينك ما درت عنه يسراك = تعطي عطاياً كبر أبانات والنير
والشعر يعجز ما يعدد مزاياك = وتعجز عن أفعالك جميع التعابير
يفرح بك اللي جاك فالضيق ينخاك = ليا حداه الوقت وأفلس من الغير
ينسى همومه كلها حين ينصاك = ما كنه إلا وارداً جمت البير
ياللي مثل هداج وصفك وحلياك = عليه خلق ا لله ورود ومصادير
عد الروى مروي هذولا وذولاك = تحتار في وصفك جميع التفاكير
يبشر بخير إللي تعنى ليا جاك = بعد العناء ومواصلة للمشاوير
يلقى القبول اللي يجمل ويلقاك = في مجلساً فيه الدلال المباهير
مجلس شيوخاً ما دخل فيه تنباك = طيبه من الكنبود بأغلى المساعير
يفداك من ضيف ضيوفه بالأسماك = يا مضيف ضيوفك عيال المعاشير
ما تذبح إلا الابل عريضات الأوراك = وحيل النعاج مكسرات الشناكير
يابوسليمان الفخر ما تعداك = مطوقك مثل الكبك والأزارير
وأطيب حميا في الحمايا حمياك = يا مكرم الجيران هم والمسايير
الرأي عندك والسنع لا عدمناك = يا منور عقول الرياجيل تنوير
وإن عمست الأرياء يعودون لرياك = عوارف عتيبة وقحطان ومطير
عرفت قدر المال يوم الله أعطاك = وارخصت لأجل الطيب غال الدنانير
يفداك عباد الدنانير يفداك = لو كثرة أمواله ونادوه يا مير
ماهوب لا حولك ولا هوب وياك = الفرق واضح والفعول المعايير
هذاك تقصر خطوته دون ممشاك = لو ثروته كبير الجبال المزابير
وإلا أنت زينك التواضع وعلاك = متواضع لله وزاد لك تقدير
ممشاك صح ومطغي الخلق ما أطغاك = مصخره في كسب الأمجاد تسخير
وإما بعضهم لاغتنى يشرك إشراك = وغدى مع اللي يأكلون الخنازير
ما بعت دينك مثل غيرك بدنياك = والله يجيرك من صدوف المقادير
الجود دائم صورة في محياك = في وجهك الطاهر له ألفين تعبير
سجيتٍ معروفة من سجاياك = صورتها بالفعل يالشهم تصوير
خلدت لك تاريخ يفخر بذكراك = سيرة بطل ماهيب سيرة معيثير
الله يديمك يالسنافي ويرعاك = يا الوافي اللي ما يجي منك تقصير
فعلك ينومسنا ليحل طرياك = يا بن الكرام أهل الوجيه المسافير
هذي فعولاً لك ولاهيب لسواك = قولاً صحيح بلا زيادة وتزوير
الله يبيح اللي على الطيب رباك = عايض ليا عدوا كبار المشاهير
أوصاك يا محمد وكان يترجاك = وطلعت فوق الظن يا سالم الزير
ما خاب يوم انه على الطيب وصاك = يوم الوصية واجبة وأنت صغير
وأبوك يوم الخلق جوعاً وهلاك = أغنى العباد المعسرين الفقاقير
من عند أخو نورة سعى وأدرك إدراك = كسباً يسطر له على المجد تسطير
وحول على الهمجه وصارت له أملاك = ولربعه اللي يكرمون الخطاطير
عقب المجاعه والتشتت والأضناك = وبعد تنقلهم سنوداً محادير
أسس لهم ديره ولو شك شكاك = قلنا اقر في التاريخ تلقاء التقارير
ويا قاري التاريخ ما ظن يخفاك = أبوخشبه وسلالته من هل الخير
وأبوك ذكره طيب والطيب ذكراك = متوارثين الطيب من غير تغيير
وجدك دخيل الله غزى القوم ذولاك = وجاب الخيول معسكرات المسامير
أبوخشبه ودرين في فعلهم ذاك = زادوا على فعل الرجال المغاوير
يوم المكاسب دونها ورد الإدراك = ما يكسبون إلا خيار الخواوير
يا ابن الزحول مطوعت كل فتاك = أهل المهار السرد وأهل المغاتير
حماية البل يوم دورات الأفلاك = يوم أنها ما بين حواف ومغير
يوم أنها بسيوف وارماح واعراك = جدودك اللي ينطحون الطوابير
ودخيلهم يا من لو أعداه الأتراك = ما يصلونه بالسيوف الشواطير
يالله ترحمهم بعطفك ورحماك = واجعل لهم يالله رحمة وتيسير
وأنا افتخر بك يا ابن عمي ولا أنساك = في لازمك ما أقابلك بالمعاذير
ليا بدالك لازمٍ عندي أفداك = باعز ما نملك لو يصير ويصير
والمدح لا قلناه في غير شرواك = غدا خسارة من كبار المخاسير
وربعك هل الطولات ما ظن يخفاك = أذكارهم وصلت لعرعر وخرخير
والله يحقق لك طموحك ورجواك = فالمقبلات من الليال المناحير
هذا الكلام اللي يليق الك واعفاك = والمعذرة لو صار في القول تقصير
الشاعر / زيد بن محمد العضياني العتيبي
لسماع القصيدة او تحميلها
http://file9.9q9q.net/Download/67849189/ziad.mp3.html
http://www.tntup.com/file.php?file=0...edf96548d162fa[/align]
