المغترة 29 ،،،وانت نافذة عليك احكامنا الشرعيه ،، الشاعرين محمد السناني والزلامي

السلام عليكم ورحمة الله وبركاته



من اجمل محاورات المغترة 29







رشيد الزلامي :



بسم فيصل سيدي من منبر المغتره==للوطن منا سلام وللمليك تحيه


اخويانا اليوم اشوف كبودهم محتره = = كن فيهم شي بين الراس والطاقيه






محمد السناني:



بسم فيصل سيدي تنعاد مية مره==الله إنه يحفظ الرعيان والرَعيه



الزلامي ياجماعه مايوقف شره==في يمينه سم داب وفي يساره حيه






رشيد:




خيرة الله يالسناني وش معك فالصره==يانظيف القلب مدري ياسليم النيه


العرب شافوك مابين السهل والحره==معك عشره من هذيل وكلكم رجليه







محمد:




الزلامي في يدينا ننفعه ونضرّه==مار مانقدر نبيح علومنا السريه


شفتنا بالعين ولا مستلم لك جره==انت وش دخلك بين اوضاعنا الشخصيه





رشيد:


مشكله لو صار فالجهنان عالم ذره==ياالله استر لاتحوص الكوره الأرضيه



ندفع الدنيا قدم وهي تجي مفتره==خل رجل معقله والثانيه مثنيه




محمد:


آخذين العلم رغم عيونك المحمره==أنت لاهالحين مانته كامل الحريه



قوم ذوق اللقمه الحلوه وذوق المره==لاتقول إنك عطيت اللمسه السحريه




رشيد:


الغريب انك على بعض العرب تتشره==ماتعرف انك زعيم الكتله البحريه


الحظير اللي بدربك من زمات تجره==شب فيه النار ولا علم الدوريه




محمد:


الغريب انك تحسب انك تجيب الدره==وانت نافذة عليك احكامنا الشرعيه


وانت شيخ من القبيله والعرب مضطره==في عيون الناس تعطيك اربعه فالميه







دمتم بود

م ن ق و ل .

الشاعر محمد السناني ند في الملعبة خصم عنيد ويعجبني لعبة كثير وأعتبر الأثنان هؤلاء الشعراء الأثنين المفضلين

عندي وهم الشاعر محمد المسعودي والشاعر محمد السناني .

شكراً لك على نقل هذه المحاورة الجميلة .

تحياااااتي .

ابوجميل ابوجميل صنفرة الشعراء ماله مثيل ولاله ند


لاهنت على النقل

الله عليك ياابو جميل يا استاذ الجميع

اعتقد محاورة السناني مع الشاعر الكبير الزلامي هي بحد ذاته مفخره للشاعر السناني


لاني بصراحه اعتقد ان اي شاعر يلعب مع الزلامي هي اضافه كبيره له لما يمتلكه ابو جميل


من شاعريه عظيمه لا يمكن ياتي مثيلها باي حاااال من الاحوال




والله يعطيك العافيه على المحاوره قمه

محاورة جميلة.

الف شكر يالجهني.

تحياتي.

@

لا هنت ع ـالنقل فعلاً كانت رائعة وطواريق رشيد الزلامي دائماً في الصميم ..

يعطيكم العافيه على التعقيب . وارجو ان لايعقب على المحاوره الا من يعرف الفتل والنقض . ويحكم جيدا لان صيطرت السناني واضحه دون القصور بابو جميل الذي لم يكن موفق بالمحاوره هذه بالذات . او اكثر محاوراته مع السناني مدري السبب منه ولا من جنيه الذهب



محمدالسناني :



الغريب انك تحسب انك تجيب الدره == وانت نافذة عليك احكامنا الشرعيه



ودمتم

ذيـب الجهنـي يعنــي لازم الأخـوان يـوافقـونك بالرأي ولا تحكم عليهم بالجهل في المحاوره !!!!!!!!!

يا سبحـان الله


مع أنـي من معجبيـن الشاعـر محمـد السنـانـي بـس أي سيطـره تتكلـم عنهـا أو عجبك آخـر شطـر من المحاورة
وأنت نافـذه عليـك أحكـامـنـا الشـرعيــه !!!! وصـدقـت

كلنـا نعـرف الزلامــي أبيـاتـه لا يتوقعـهـا أي شـاعـر

بالعـربــي الشـاعــر اللـي يلعـب مـع الزلامــي أذا طلـع برأس مـالــه كسبــان علـى قـولــة سلطـان الهـاجـــري


دمــت صديقـــآ لمنتـدى الهيـــــلا

يعطيكم العافيه على التعقيب . وارجو ان لايعقب على المحاوره الا من يعرف الفتل والنقض . ويحكم جيدا لان صيطرت السناني واضحه دون القصور بابو جميل الذي لم يكن موفق بالمحاوره هذه بالذات . او اكثر محاوراته مع السناني مدري السبب منه ولا من جنيه الذهب



محمدالسناني :



الغريب انك تحسب انك تجيب الدره == وانت نافذة عليك احكامنا الشرعيه



ودمتم











طيب وإذا قال (انت نافذة عليك احكامنا الشرعية) انتهى الموضوع وخير ياطير....

يارجل انت دقق بالمحاورة زين فيه ابيات للسناني ان كان تعرف الشعر اقوى من هذا البيت

اما عن سيطرة وما سيطرة فإنا لست هنا لأبين لك عدم صحة ما تقول فلك ان ترجع للمحاورة وتحكم


وتعرف من هو المسيطر حتى لو لم تبيح بسرك...مع العلم انني متأكد ان ما في قرارت نفسك غير ما تقول


لكن أبي أقول لك ان معنى الشاعرين في ديرة واللي انت تفكر فيه في ديرة ثانية




كلمة أخيرة: انت متأكد انك جهني.... انت داخل واضح من كلامك فيك شيء

الجهني مع احترامي لك وإلي شاعر المتألق محمد السناني .. رشيد الزلامي صعب صعب صعب

وستذكر بيت لرشيد الزلامي يقول فيها :

يسبك اللي عاجزن عن دروبك .. لا فاعلن فعلك ولا هو مجنبك .

مشكور وماقصرت على المحاوره الرائعه يا الجهني ..

دمت بود

ياخوان كلا له وجهت نظر يجب احترامها .من دون تجريح والخروج عن التعقيب الهادف . ويبقي الزلامي والسناني من اساتذت ورموز المحاوره المحافظين عليها ويشهد الله انهم افضل شاعرين عندي لانهم يقدمون الدروس الشعريه الراقيه ولهم نهج سليم .





ودمتم في حفظ الله ...

ابوجميل والسناني اساتذة وشعار كبار
...
ولا مجال هنا لتغليب طرف على آخر بالذات في هذي المحاورة بيوتهم كلها سمان وجزله المعاني.
ولو سألتم الشاعرين لرايتم العجب من اعجاب كل طرف بالاخر فلا تجنحون اقرأوا واسمتتعوا..
..
تحياتي للجميع

رشيد:




خيرة الله يالسناني وش معك فالصره==يانظيف القلب مدري ياسليم النيه


العرب شافوك مابين السهل والحره==معك عشره من هذيل وكلكم رجليه







محمد:




الزلامي في يدينا ننفعه ونضرّه==مار مانقدر نبيح علومنا السريه


شفتنا بالعين ولا مستلم لك جره==انت وش دخلك بين اوضاعنا الشخصيه




ذيـب الجهني


،،،


بيـض اللـه وجهـك على النقـل الاكثـر من رائـع



:)

اخوي فهد ومرقاب مشكورين على المرور

ودمتم ...