تعال ياسعود البرقاوي
السيف البريع01-Nov-2009, 08:22 PM
لاهنت ياسعود ::
سلام والبارق بعرض النوء والوجهه جنوب=والخير مقبل والبدو دايم تسوق ضعونها
ياسعود هبت من جهة برقا ذعاذيع الهبوب=وأظن عساس الخباري ماتجي من دونها
سلطان ابن حامد01-Nov-2009, 08:30 PM
طيب طيب
ومتابع من البدايه
والصف صف صديقي سعود : )
الليل
السيف البريع01-Nov-2009, 08:33 PM
سعود البرقاوي01-Nov-2009, 08:35 PM
ولا انت ياحبيب قلبي
يامرحبا ترحيبةٍ منها يطيبن القلوب = آقولها في ساعة مايختلف قانونها
الخير واجد والوعد قدام والوقت محسوب = يالغامدي وشلونك انت وعزوتك وشلونها
عيد بن مرضي01-Nov-2009, 08:38 PM
الله الله
السيف x سعوود
صح الله اااااااااااااالسنتكم
متااااااااااااابعين لكم
سعود البرقاوي01-Nov-2009, 08:40 PM
سلطان بن حامد
هذا العشم يامال الشحم
وشف شغلك
سعود البرقاوي01-Nov-2009, 08:41 PM
عيد بن مرضي
ارحب ارحب وحياك الله مليون
نوآف الغنامي01-Nov-2009, 08:43 PM
يا سلام
صحت السنتكم
مبدعين ..
سعووود ما اقول غار الله يعينكـ
من يد نشيط في يد نشيط :) :)
لكن انا في صفكـــ دايم :)
سعود البرقاوي01-Nov-2009, 08:44 PM
هههههههههههههه ياخيال الصفراء
هذا شغل المدرس الخصوصي
والصف يزهابك يالذيب
مطلق الفليت01-Nov-2009, 08:51 PM
يسلام يسلام
سعود =والسيف
قمة وبداع
مرداس01-Nov-2009, 08:54 PM
سعود البرقاوي01-Nov-2009, 08:55 PM
اسد النير صح بدنك ولاعدمناك على هالتواجد المشرّف
السيف البريع01-Nov-2009, 09:02 PM
دام البقى ياللي ترحب عد همال النصوب= والقوم من سبع الدير لدت عليك عيونها
أخبرك وأخبر كل رجل ٍ ينتشد من كل صوب=عن ربعي الهيلا واظن عتيبة يعرفونها
السيف البريع01-Nov-2009, 09:10 PM
جميع من مر من هنا لاهنتوا
سعود البرقاوي01-Nov-2009, 09:18 PM
المسلم الماشي على السنة صري من الذنوب=والا النصارى في نهار القارعة يلقونها
غامد قبيلة وانت عن غامد صغيّر ماتنوب = منته بذايق تمرة العرجون من عرجونها
سعود البرقاوي01-Nov-2009, 09:22 PM
مرداس شرفتنا يالذيب وحياك الله ملايين
مطلق الفليت01-Nov-2009, 09:22 PM
المسلم الماشي على السنة صري من الذنوب
والا النصارى في نهار القارعة يلقونها
يسلام ياسعود ابداع
سعود البرقاوي01-Nov-2009, 09:30 PM
الابداع تواجدك وانا اخوك يا اسد النير
مرحبا ومسهلا
السيف البريع01-Nov-2009, 09:33 PM
أنته ذنوبك كبر ضلع النير لكن ماتتوب=لكن جنوبك ياولد برقا بوسع كونها
حنا صحابة خير من سارت معه كل الشعوب=والا انت فيك أهل الوفا دايم تخيب ظنونها
عيد العازمي01-Nov-2009, 09:38 PM
السيف
سعود
صحت السنتكم
غامد قبيلة وانت عن غامد صغيّر ماتنوب
منته بذايق تمرة العرجون من عرجونها
ههههههههه ياسلام يابو فهد قيصر ابداع
معجب العتيبي01-Nov-2009, 09:44 PM
السيف وسعود
مبدعين
صحة السنتكم
سعود البرقاوي01-Nov-2009, 09:46 PM
ان قلت لك كلك نظر وان قلت لك كلك عيوب = اثمّن القالة واجيب طروقها ولحونها
مع كثرة الالسن ترانا نعرف لسان الكذوب = ياهل الخيول اللي تطول اذانها وسنونها
سعود البرقاوي01-Nov-2009, 09:51 PM
ابو طلال قليل من كثير عندك
صح بدنك ولانستغني
السيف البريع01-Nov-2009, 09:55 PM
إن جت لتثبيت الحجج ياقرب شمسك للغروب=أنا زبون الاولة وأقدر على مضمونها
دام إن سيف المجد يقطع كل مخلاب ٍ نهوب=عان الامانة يالعتيبي في يدا مامونها
سعود البرقاوي01-Nov-2009, 10:08 PM
ان جت لتثبيت الحجج يمكن تضيق بك الدروب = روح العب العرضة مع المجنون يامجنونها
العام شفناكم جماعة في رجاء ديس الحلوب = الغامدي عنده قدح والربع في ماعونها
السيف البريع01-Nov-2009, 10:23 PM
عرضة رجال وهي عوايدنا من ايام الحروب=ولا انت صفق للهزيمة لاسحبت ردونها
الله وكبر صاير ٍ تدحم متينين الجنوب=وانته بضاعه جت بها الامواج في كرتونها
سعود البرقاوي01-Nov-2009, 11:11 PM
اعرض على الطبلة وحنا نلبسك غترة ثوب = هذاه فن وكل ناسٍ تعترف بفنونها
ادحمك بالجنب القوي وان كانها شبت شبوب = نبا نعوّد للسيوف اللي وسيع طعونها
السيف البريع01-Nov-2009, 11:24 PM
نعرض وتعرفنا زحول القوم في قرع الخطوب= ولا انت مثل اللي تحاول في الجبل بقرونها
تبغى وتبغى يالعتببي وانت مجلوب محطوب=ترى العميرة ماتعرف الا تلم شنونها
السيف البريع01-Nov-2009, 11:28 PM
لاهنت ياسعود وتصبح على خير انت والحاضرين
مــــحــــمــــد01-Nov-2009, 11:34 PM
ادحمك بالجنب القوي وان كانها شبت شبوب
نبا نعوّد للسيوف اللي وسيع طعونها
الله الله يابو فهد صح لسانك حتى ترضى
ولايهون الغامدي
سعود البرقاوي01-Nov-2009, 11:46 PM
آقول انا ماني على بعض السواليف مغصوب = اهرج مع اهل المعرفة واسمع واراعي شونها
جر الحظير وروح في فالك مثل فال السحوب = مدام لونك ياصبي غامد يشابه لونها
سعود البرقاوي01-Nov-2009, 11:47 PM
صح لسانك يالسيف البريع وتقبل تحياتي واعجابي
وتصبح على خير
سعود البرقاوي01-Nov-2009, 11:48 PM
محمد
ارحب ملالالالالاين ياطويل العمر وشرفتنا
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
