النفاعي درس حتى طلع دبــــــوس
رعد الروقي13-Jan-2010, 11:20 PM
مساء الورد يا سعود البرقاوي
استلم لاهنت
النفاعي درس حتى طلع دبــــــوس=يجمـع من الصحف ويحط في جيبه
ودنا في مهمة نبعثه جاســـــوس=لا يدبس هـــــــنا في ديرة عتيبه
عيد بن مرضي13-Jan-2010, 11:23 PM
الله الله
وعليك به يا عمده
وصحت الألسن جميع
متااااااااااابعين لكم
رعد الروقي13-Jan-2010, 11:37 PM
الله الله
وعليك به يا عمده
وصحت الألسن جميع
متااااااااااابعين لكم
هلا ومرحبا يابن مرضي
ولا توصيني على سعود
كان ينعس جبت لك خبره وكان صاحي ما معه مدخال
شرفتناااااا
صح بدنك ولاهنت
رعد الروقي13-Jan-2010, 11:38 PM
مدري عن ظروفك يا سعود .... لكن بإمكانك تأجيل الطاروق اذا ودك
سعود البرقاوي13-Jan-2010, 11:40 PM
مساء الجوري يارعد الروقي
واسلم لاهنت
جعل يدبسك رجالٍ بدون ضروس = في فمه مابقى الا سن تركيبه
أثر فيك اللعانة عرقها مغروس = يارعد خل عنك الشك والريبه
سعود العصيمي13-Jan-2010, 11:50 PM
النفاعي درس حتى طلع دبـوس
يجمع من الصحف ويحط في جيبه
ودنا في مهمة نبعثـه جاسـوس
لا يدبس هنا فـي ديـرة عتيبـه
هههههههه
العمدة
صح لسااااانك
صح لساااااانك
سعود العصيمي13-Jan-2010, 11:51 PM
جعل يدبسك رجالٍ بدون ضروس
في فمه مابقى الا سـن تركيبـه
أثر فيك اللعانة عرقها مغـروس
يارعد خل عنك الشك والريبـه
هههههههههه
الله الله
صح لساااانك
صح لساااانك
يابوفهد
رعد الروقي13-Jan-2010, 11:52 PM
يا تحري من الشيشـــان والا الروس=تستمد الرصيد اللي تمــــاريبه
سد مأرب ترى خلفه خبر مدسوس=طير حتى تحقق منه وتجيبه
رعد الروقي13-Jan-2010, 11:57 PM
النفاعي درس حتى طلع دبـوس
يجمع من الصحف ويحط في جيبه
ودنا في مهمة نبعثـه جاسـوس
لا يدبس هنا فـي ديـرة عتيبـه
هههههههه
العمدة
صح لسااااانك
صح لساااااانك
اهلا وسهلا يا سعود العصيمي
حضورك الكريم يشرفنا وينور المكان
صح بدنك وضحكة دايمة ان شاء الله
الــوآفــي14-Jan-2010, 12:01 AM
العمـــــده وابو فهد
اكيـــــــــــــــد الطاروق غير
صحت السنتكم
متابع
تحيااااااتي
سعود البرقاوي14-Jan-2010, 12:08 AM
طيب طيب طيب
واقعة واضحة فالواقع الملموس= والجمل مانبا نقطع عراقيبه
سد مارب علومه مع قبايل دوس= انت تدري ودوس اليوم تدري به
سعود البرقاوي14-Jan-2010, 12:08 AM
عيد بن مرضي
هههههه ماهيب هي ياولد
لكن مرحبا بك مليون
سعود البرقاوي14-Jan-2010, 12:08 AM
سعود العصيمي
صح بدنك وعساها ضحكةٍ دايمه
تحياتي
سعود البرقاوي14-Jan-2010, 12:11 AM
ذيبان
راح يكون بحضورك يالامير
شرفتنا لاعدمتك
رعد الروقي14-Jan-2010, 12:16 AM
الله الله الله
من طراله يدرر جــــــــدة الجاموس=تقدر تقول لي كم هي مكاسيبه
مهنة اللي درسها واشتغل بفلوس=يجتهد جعلها تصدق هناديبه
رعد الروقي14-Jan-2010, 12:18 AM
العمـــــده وابو فهد
اكيـــــــــــــــد الطاروق غير
صحت السنتكم
متابع
تحيااااااتي
حياك الله يا ذيبـــــــان
نورت وشرفت بحضورك الكريم ومتابعتك
صح بدنك ولاهنت
سعود البرقاوي14-Jan-2010, 12:32 AM
الله الله
ياسلام ياسلام يارعد
يالله استر على اللي يلعب المنكوس= كل ماذعذع الغربي يغني به
يارعد لا تعاتب حظك المنحوس =عاتب اللي سرق من تمرة العيبة
رعد الروقي14-Jan-2010, 12:48 AM
جالب القوس معطيعها لباري قوس=يستلمـــــــها قبل تلزم تلابيبه
اقدر ارفع تلفوني على قابوس=مار ابا الطير يستعمل مخاليبه
سعود البرقاوي14-Jan-2010, 01:08 AM
ضارب الطبل مدري نافخ الناقوس = ولع النار بين الورع والشيبة
التغطرس ترى من عادة الطاووس = لانفض لي جناحة ويش اسوي به ؟
صاهود14-Jan-2010, 01:16 AM
صبحكم الله بالخير ياعتيبه
واشلونكم عساكم طيبين
يارعد ارفع التيلفون وش تحتري
صحت الالسن والقلوب والصف حكومي معه شوية ميول للشعب هههههه
سعود البرقاوي14-Jan-2010, 01:18 AM
ارحب ياصاهود والله يصبحك بالخير وياهلا بك
وصف الحكومة والشعب واحد
حياك الله
رعد الروقي14-Jan-2010, 01:21 AM
قبل شهرين يلفي بالعلوم عسوس=نوحـــي القول لا جو به مناديبه
واخر الوقت ما ندري كم المدعوس=والمراسل عن الهقوة قصر طيبه
الــوآفــي14-Jan-2010, 01:25 AM
ضـارب الطبـل مـدري نـافـخ النـاقـوس
ولــــع الــنــار بــيــن الــــورع والـشـيـبــة
واخر الوقت ما ندري كم المدعوس
والمراسـل عـن الهقـوة قـصـر طيـبـه
الله الله
:)
متابعين
رعد الروقي14-Jan-2010, 01:26 AM
صبحكم الله بالخير ياعتيبه
واشلونكم عساكم طيبين
يارعد ارفع التيلفون وش تحتري
صحت الالسن والقلوب والصف حكومي معه شوية ميول للشعب هههههه
صبح الله مطير بالرضا
بخير وفضل من ربي
هههههه
رافع التليفون من العشاء لكن الرجال معه خط ثاني ومعلق المكالمة
وسعود فيه الخير والبركة
حياك الله يا صاهود
شرفتنا بتواجدك الكريم
صح بدنك ولاهنت
رعد الروقي14-Jan-2010, 01:31 AM
ضـارب الطبـل مـدري نـافـخ النـاقـوس
ولــــع الــنــار بــيــن الــــورع والـشـيـبــة
واخر الوقت ما ندري كم المدعوس
والمراسـل عـن الهقـوة قـصـر طيـبـه
الله الله
:)
متابعين
تابعك السعد يا ذيبان
حضورك ومتابعتك مكسب لنا
ارحب ارحب
سعود البرقاوي14-Jan-2010, 01:33 AM
قبل شهرين في سد الذرى محروس = مامعك غير مسباحك تومي به
وآخر الوقت سايق وارد الطرطوس = مانبا الموس ياكل روس اشانيبة
سعود البرقاوي14-Jan-2010, 01:35 AM
ذيبان
متابعتك امر مهم بالنسبة لنا كلنا
رعد الروقي14-Jan-2010, 01:38 AM
وآخر الوقت سايق وارد الطرطوس = مانبا الموس ياكل روس اشانيبة
ههههههههه
وارد الطرطوس
صح لسانك مليار ولا تكفي يا سعود
امتعت وافدت وشرفت .... اقولها صادق
تصبح على خير
تقديري لك
سعود البرقاوي14-Jan-2010, 01:43 AM
العمدة
صح بدنك
الشرف لي والفايدة لي والمتعة لي
والاجر منصوف بيني وبينك
لاهنت
لاهنت
لاهنت
خيال الأصيله14-Jan-2010, 07:12 AM
صحت السنتكم ولاهنتواااااااااا
سعود العصيمي14-Jan-2010, 09:22 PM
العمدة =
النفاعي درس حتى طلع دبـوس=يجمع من الصحف ويحط في جيبه
ودنا في مهمة نبعثـه جاسـوس=لا يدبس هنا فـي ديـرة عتيبـه
سعود البرقاوي =
جعل يدبسك رجالٍ بدون ضروس=في فمه مابقى الا سـن تركيبـه
أثر فيك اللعانة عرقها مغـروس=يارعد خل عنك الشك والريبـه
العمدة =
يا تحري من الشيشان والا الروس=تستمـد الرصيـد اللـي تماريبـه
سد مأرب ترى خلفه خبر مدسوس=طير حتى تحقـق منـه وتجيبـه
سعود البرقاوي =
واقعة واضحة فالواقع الملمـوس=والجمل مانبـا نقطـع عراقيبـه
سد مارب علومه مع قبايل دوس=انت تدري ودوس اليوم تدري به
العمدة =
من طراله يدرر جدة الجامـوس=تقدر تقول لي كم هي مكاسيبـه
مهنة اللي درسها واشتغل بفلوس=يجتهد جعلهـا تصـدق هناديبـه
سعود البرقاوي =
يالله استر على اللي يلعب المنكوس=كل ماذعـذع الغربـي يغنـي بـه
يارعد لا تعاتب حظـك المنحـوس=عاتب اللي سرق من تمرة العيبـة
العمدة =
جالب القوس معطيعها لباري قوس=يستلمهـا قبـل تلـزم تلابيـبـه
اقدر ارفع تلفوني علـى قابـوس=مار ابا الطير يستعمـل مخاليبـه
سعود البرقاوي =
ضارب الطبل مدري نافخ الناقوس=ولع النار بيـن الـورع والشيبـة
التغطرس ترى من عادة الطاووس=لانفض لي جناحة ويش اسوي به ؟
العمدة =
قبل شهرين يلفي بالعلوم عسوس=نوحي القول لا جو بـه مناديبـه
واخر الوقت ما ندري كم المدعوس=والمراسل عن الهقوة قصر طيبـه
سعود البرقاوي =
قبل شهرين في سد الذرى محروس=مامعك غير مسباحـك تومـي بـه
وآخر الوقت سايق وارد الطرطوس=مانبا الموس ياكل روس اشانيبـة
يالله استر على اللي يلعب المنكوس
كل ماذعـذع الغربـي يغنـي بـه
جالب القوس معطيعها لباري قوس
يستلمهـا قبـل تلـزم تلابيـبـه
اقدر ارفع تلفوني علـى قابـوس
مار ابا الطير يستعمـل مخاليبـه
ضارب الطبل مدري نافخ الناقوس
ولع النار بيـن الـورع والشيبـة
التغطرس ترى من عادة الطاووس
لانفض لي جناحة ويش اسوي به ؟
الله الله
واكبر على الابداااااااع
سعود البرقاويx العمدة
العمدة x سعود البرقاوي
صحت السنتكم حتى ترضووون
رعد الروقي14-Jan-2010, 11:47 PM
مرحبااااا يا خيال الاصيلة
حضور مشرف وغالي
صح بدنك ولاهنت
....................
هلا ومسهلا يا سعود العصيمي
وبيض الله وجهك على حضورك اللي نفخر به
وما تقوم به من جهود طيبة
صح قلبك وفكرك ولاهنت
نوآف الغنامي15-Jan-2010, 07:34 PM
يا سلآم عليكم
والله انكم مبدعيـــــــــن
وما شاء الله تبارك الله
لآهنتوووا وصحت السنتكم
مــــحــــمــــد16-Jan-2010, 01:42 PM
الله الله
هذا الكلام الي عليه الكلام
عمدة الشعر x ابو فهد
صحت الألسن والقلوب ياهل الابداع
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
