24-Jan-2010, 07:52 PM
على عجالة وبدون مقدمات،،،،،
أتمنى أن ترقى لذائقتكم
مالي ورى طرد المقفي شفاقة=ولاني مخيل بروق مسيوقةٍ شرق
أحفظ حقوق الله وأعز الرفاقة=وأطب سوق الناس وأميز الفرق
والدين راس المال عروة وثاقه=وطريق جنات العلا يقطعه طرق
إما تثبت من شروط السياقة=وألا غدى دربه وعرق ضرب عرق
يحسب مع أهل الخير فاز بسباقه=وألا جهنم نارها تحرقه حرق
والمرجلة ما تنكسب بالحماقة=ولاهي ملاعى مثل ما تلعي الورق
تصعب على راعي العلوم الدقاقة=لاهاش بندق زيد والرمح له زرق
المرجلة حيد صعيب نطاقه=وإليا عزمت اتكل على خالقك وارق
تشيل مع زود الحمول الوساقة =مانالها من يحسب المرجلة سرق
والطيّبة مثل الغشين وحقاقه=تغسل قلوب طوّلت بالحسد زرق
واللازمة ما غلّقت بالشلاقة=وقف لها واحذر تخرق العهد خرق
جمعتها لك من سلوك اللباقة=ولاني كما صيفيةٍ برقها برق
ماني وأنا محسن بقطاع ساقة=أشوم عن سكة هل الغدر والدرق
وسلامتكم
مودتي
الحلحلي عبدالمحسن
أتمنى أن ترقى لذائقتكم
مالي ورى طرد المقفي شفاقة=ولاني مخيل بروق مسيوقةٍ شرق
أحفظ حقوق الله وأعز الرفاقة=وأطب سوق الناس وأميز الفرق
والدين راس المال عروة وثاقه=وطريق جنات العلا يقطعه طرق
إما تثبت من شروط السياقة=وألا غدى دربه وعرق ضرب عرق
يحسب مع أهل الخير فاز بسباقه=وألا جهنم نارها تحرقه حرق
والمرجلة ما تنكسب بالحماقة=ولاهي ملاعى مثل ما تلعي الورق
تصعب على راعي العلوم الدقاقة=لاهاش بندق زيد والرمح له زرق
المرجلة حيد صعيب نطاقه=وإليا عزمت اتكل على خالقك وارق
تشيل مع زود الحمول الوساقة =مانالها من يحسب المرجلة سرق
والطيّبة مثل الغشين وحقاقه=تغسل قلوب طوّلت بالحسد زرق
واللازمة ما غلّقت بالشلاقة=وقف لها واحذر تخرق العهد خرق
جمعتها لك من سلوك اللباقة=ولاني كما صيفيةٍ برقها برق
ماني وأنا محسن بقطاع ساقة=أشوم عن سكة هل الغدر والدرق
وسلامتكم
مودتي
الحلحلي عبدالمحسن
