يا حسن مبروك ما جاك من عمّك حسين .. الدجيماء اقرب !!!
علي الشهراني05-Apr-2010, 12:08 PM
مساء الخير للجميع
يا سلام الله سلامٍ على دنيا و دين=و الوعد يبن الدجيماء حدود الملعبه
يا حسن مبروك ما جاك من عمّك حسين=بعْد ما حطك وزيره و قايد موكبه
سعود البرقاوي05-Apr-2010, 12:11 PM
الله يمسيك بالنور ياعلي ويطيّب فالك
وصح الله لسانك على ذا البدعة الجزلة ياشاعرنا الجزل
في انتظار الدجيماء اللي مايقل عنك ابداع
قواكم الله
علي الشهراني05-Apr-2010, 12:15 PM
ارحب ارحب يا النفيعي
و عااش من شاافك
مشكوووووور وصح بدنك يا مشرفنا الغالي
ماجد العصيمي05-Apr-2010, 12:36 PM
صح لسانك ياعلي ولسان الدجيما مقدما
والصف صفك وازهله خل الدجيما ههههه
علي الشهراني05-Apr-2010, 12:38 PM
ارحب ارحب يا بو جزا
مرحبا مليوووووون
و الصف و راعيه يتشرفون فيك
حسن إبراهيم الدجيماء05-Apr-2010, 12:39 PM
اسف يالذيب ,, والله اني ماشفت البدعه الا الحين :
مرحبا باسم الرجال الكرام الغانمين = رحب وافي مانزل عن سلامك مرتبه
بارك الله فيك يابن الرجال الطيبين = والنعم فالصاحب اللي يقدّر صاحبه
حسن إبراهيم الدجيماء05-Apr-2010, 12:43 PM
الله يمسيك بالنور ياعلي ويطيّب فالك
وصح الله لسانك على ذا البدعة الجزلة ياشاعرنا الجزل
في انتظار الدجيماء اللي مايقل عنك ابداع
قواكم الله
الابدااع والله انت ياالبرقاااوي ,, الله يقويك ,, ولاعاد تبطي ,, تراااك فقيدة والعالم الله ..!!!
صح لسانك ياعلي ولسان الدجيما مقدما
والصف صفك وازهله خل الدجيما ههههه
صح بدنك ,, والصف وااحد ,,, حيااك الله ..!!
علي فلاح العضياني05-Apr-2010, 12:48 PM
الله الله
صح لسانك يالشهراني
صح لسانك يالدجيماء
طارووووق على كيف كيفك
متااااابع
علي الشهراني05-Apr-2010, 12:49 PM
حيااك حيااك
االبقا كان الثلاثه كلو حقّ الثنين= في زمانٍ يجعل الرجل يفتل بشنبه
قلت لك مبروك مبروك و افهم يا فطين=( كان مالك نفس ) قفّلت باب المكتبه
علي الشهراني05-Apr-2010, 12:50 PM
ارحب ارحب يا المستشاااااااااااار
و الابدااع تشريفك
حسن إبراهيم الدجيماء05-Apr-2010, 12:58 PM
اليهود اليا اعزموا ينكبون المسلمين = مايخلّي ربك العبد دامه يطلبه
فاهمك والله على العز والمنصب يعين = (( زورني في مكتبي )) كان تبغالك هبه
حسن إبراهيم الدجيماء05-Apr-2010, 12:59 PM
المستشاااار ,, حياااك الله ,,
صح بدنك ,, شرفتنا بمرورك ,,
اللي على كيف كيفك ,,
لاهنت ..!!!
علي الشهراني05-Apr-2010, 01:06 PM
اليهود الغدر من طبعهم عبر السنين=غير حط ايديك من فوق راسك و انتبه
الاسد يبن الدجيماء له الغابه عرين=ما يهمه لو تزايد نباح الثعلبه
سعود العصيمي05-Apr-2010, 01:07 PM
يا سلام الله سلامٍ علـى دنيـا و ديـن
و الوعد يبن الدجيماء حـدود الملعبـه
يا حسن مبروك ما جاك من عمّك حسين
بعْد ما حطـك وزيـره و قايـد موكبـه
الله الله
صح لساااانك يالشهراااني
مليووون
مرحبا باسم الرجال الكرام الغانميـن
رحب وافي مانزل عن سلامك مرتبه
بارك الله فيك يابن الرجال الطيبيـن
والنعم فالصاحب اللي يقدّر صاحبـه
ياسلام سلم
الدجيماء صح لساااانك مليووون
علي الشهراني05-Apr-2010, 01:09 PM
يا هلا و غلا يا بو طااايل
صح بدنك تريليوووون
حسن إبراهيم الدجيماء05-Apr-2010, 01:17 PM
زال في يدّي ( مثيبه ) ولي قلبٍ وعين = ماعلي خلاف زال اليمين مدربه
الاسد وده لكن الدهر وضعه يشين = انقراض افريقيا خلف جهده وتعبه
حسن إبراهيم الدجيماء05-Apr-2010, 01:19 PM
أبو طاااايل : صح بدنك مليااار ,, لاهنت على المروور ..!!!
علي الشهراني05-Apr-2010, 01:22 PM
أذن فيها طين و الثانيه فيها عجين=امسح اللي تمسحه و اكتب اللي تكتبه
كان عبد الرازق اغتاض من عبد المعين=فالحياه دروس و الكفو باخذ مطلبه
حسن إبراهيم الدجيماء05-Apr-2010, 01:36 PM
شان طبعك بعد ماكنت فنان ورزين = دور ابووجهين بين الثنينه تلعبه
خلهم زال انهم سمن من فوق السمين = دين منته قادر اللي بنوه تخربه
حسن إبراهيم الدجيماء05-Apr-2010, 01:37 PM
عن اذنك ,, خروج اضطراااري للصلاة ورااجع لك ..!!!
سلطان بن دحيم05-Apr-2010, 01:39 PM
صحة السنتكم
طاروق عال العال
متابع
علي الشهراني05-Apr-2010, 01:46 PM
شان طبعي بعد شفت العرب مستهترين=في حصار القدس ظهر الجهاد و منكبه
دين ما هو دينك ( اقبلت و المدْحم متين )=يا نصلّح بيت بو زيد و الّا نشطبه
علي الشهراني05-Apr-2010, 01:47 PM
ارحب ارحب يا سلطاااان
يشرفني متاااابعتك
حسن إبراهيم الدجيماء05-Apr-2010, 01:55 PM
عدنا والعود احمد :
الله اكبر يامسويين مدري مخربين = تقلبون اللي عجز عنه هتلر يقلبه
انت تبغا من يصلّحك لين انك تزين = يانسويك اوتقفي بعيرك تشعبه
حسن إبراهيم الدجيماء05-Apr-2010, 01:56 PM
سلطاان بن دحيم : صح بدنك ومرورك عال العال ,, لاعدمنااك ..!!!
علي الشهراني05-Apr-2010, 02:13 PM
هلابك هلابك
خادمين القصر مستقبلين مودّعين=يشربون الذل يوم البطل ما يشربه
يا ذهين اسمع كلامي و ميّز يا ذهين= ( كيف تامن قرصة الداب بعد العقربه )
حسن إبراهيم الدجيماء05-Apr-2010, 02:35 PM
خادمين قصورهم محتمينه وامرين = ماهم بخدام للي نصب في منصبه
لاتحسبن الاسد غافل اعن ام القرين = يحتريها لينها في عرينه تقربه
علي الشهراني05-Apr-2010, 02:50 PM
ما خبرنا مسجدٍ يا حسن به قبلتين=فالبلاد المشرقه و البلاد المغربه
سم بسم الله لا تتبع ابليس اللعين=اترك الذيب يعَوَي منت واصل مرقبه
سعد حميد الثبيتي05-Apr-2010, 03:02 PM
مبدع يالشهراني ومبدع يالدجيماء عساكم على القوه والعز والطاعه
سهم الليل05-Apr-2010, 03:07 PM
الله الله
ابداع ابداع
صح لسانك يالشهراني
وصح لسانك يالدجيما
تصدي عنيف لا يستغرب
سلو حضوري ومتابعتي
تقديري
علي الشهراني05-Apr-2010, 03:09 PM
ارحب ارحب يا بو حميد
و الله يقويك و الابداااع تشريفك
مشكوووووووووووور
علي الشهراني05-Apr-2010, 03:10 PM
سهم الليل صح بدنك
و الله يحييك
مشكوووووووور
حسن إبراهيم الدجيماء05-Apr-2010, 03:15 PM
الشهرااني ,, صح لساانك ياالذيب ,, أستأذنك في مشوار ,, الى لقااء اخر باذن الله ..:
ماخبر غير الحرم وجهةٍ للمومنين = صبغة الله لاتحرف كلامه وكتبه
لاتطوفون الحرم غير وانتم طاهرين = الطهارة واجبه للفريضة موجبه
علي الشهراني05-Apr-2010, 03:18 PM
صح بدنك و الله يستر عليك
مشكووور على قبول الدعوه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
