أرفع جبينك يوم عد القبايل

قصيدة كانت بمناسبة زواج:فايز ين طايل الزراقي للشاعر:فلاح راضي الزراقي وردودكم مهمه جدااا
يامرحبا إعداد وبل المخاييل
مالاح برق وهل بيض الهماليل
بضيوفنا اللي يكسبون الجماييل
اكرر الترحيب بالحيل بالحيل
وفي طايل وأبناء واحفاد طايل
يامرحبا ترحبية البرق بالسيل
نسوقها للضيف نصو ومثايل
وشعرن بلاترحيب بنن بلاهيل
تكفي من الحره ليا أجا وحايل
وتقهوي الطائي ببيض الفناجيل
ومبروك يافايز والاسما دلايل
ولابنك وأخوك اسيوفك اللي مساليل
ابوك طايل وانت لاشك طايل
وبالعون أعدك من زحول الرياجيل
وربعك ذوي زراق علم الصمايل
عند اللزوم يجون قبل المراسيل
يشهد قرى الحره جبال ومسايل
كم ليلتن يروون حد المصاقيل
سلايل متسلسله من سلايل
ومتوارثين الطيب جيل بعد جيل
من روس ربعي كاملين الخصايل
روقي وزراقي وحنتوشي أصيل
وارفع جبينك يوم عد القبايل
لانك من الهيلا هل السيف والخيل
لطامة العايل ليا صارعايل
وللضيف والجيران ذباحة الحيل
ماهو كلام لسان قول وفعايل
خوال أبوالقاسم مثل وحي جبريل
ادخيلهم يلقى لربعه بدايل
وعدوهم يقول مطولك ياليل
ومدحي لربعي حق والشك زايل
ربعي ومن يبخل على ربعه بخيل
ورجلن بلاربعه كما الجدر مايل
ولامالت الأيام لابده يميل
من لامني فيهم يذوق الغلايل
ويدخل على ربعي من الذلة دخيل
من لاخدم ربعه بشتى الوسايل
شومن عنه يالابسات الخلاخيل
وقدحت زند الفكر شعر وفتايل
وأشعلت ناره لجو ربعي قناديل
ماسقتــــها نفــــاق ولاتحـــايل
ولاجيت ادور من وراها محاصيل
الاشهادة كاسبين النفايل
تاج على الراس وعلى الصدر إكليل
وطوعتها لك في دقايق قلايل
وللمدح في مثلك مقام مداهيل
من دون قاصر في عيال الحمايل
في كل دار رجال وسيوف وصهيل
ويامرحبا إعداد وبل المخاييل
يامرحبا ترحيبة البدو بالسيل
وصلاة ربي عد ماقال قايل
على نبي الغار تلميذ جبريل

الله الله

صح لسان الزراقي قصيده وافيه من شاعر وافي

لاهنت ياغالي على النقل

تحيتي لك
..

مرورك يشرفني ياابن العم
وسلمت على الرد الطيب

وارفع جبينك يوم عد القبايل
لانك من الهيلا هل السيف والخيل


كفوووووو ونعم وصح لسااانك
يابعدي

وارفع جبينك يوم عد القبايل
لانك من الهيلا هل السيف والخيل


كفوووووو ونعم وصح لسااانك
يابعدي

أسعدني مرورك يالغالي
تحياتي