الله يلعن دولـــة اسرائيل الهاجري ومستور

سلطان الهاجري


الليل يا مستور سر الليل
لا انت بوراي ولا انت قدامي
لا راح جيل يجي بداله جيل
دورك قضاء مع دور صدامي


مستور العصيمي


الليل يا سلطان شد الحيل
ماردك عد ٍ يروي الضامي
والدرب ما بين القمر وسهيل
ليلك سرا يالمحمل الشامي




سلطان الهاجري




اسبرك بالمنظار والدربيل
وانت تنادي يا بن وسامي
الله يلعن دولة اسرائيل
اللي تعادي دين الاسلامي



مستور




طولتها يالهاجري بالحيل
واظنها رميه بلا رامي
الميل والله مانحب الميل
ما جيت الك من دون عزامي




سلطان



مديت زقمك مثل زقم الفيل
لكن جاه الميسم الحامي
ابرك يا ابو تركي وحط وشيل
ترا الجمل بشداد وخطامي



مستور





يالهاجري حنا حمول الخيل
متى تداوي جرحك الدامي
نبى نسوقك مع جمال عقيل
ما انته مخاوي طير حوامي




سلطان




وحنا قرشناكم سوات السيل
العام واللي من ورا العامي
ميعادكم في مكتب الترحيل
لو تلبسون شماغ بسامي




مستور




انته ليا جات اللزوم حليل
يقنعك منا قرص ويدامي
لا تكثر التكبير والتهليل
وابوك لا صلا ولا صامي

الله الله ..


صح لسان ابو محمد وابو تركي ..


لآهنت ع النقل ..


,,,

يا سللام يا سلام


مشكووور يالمثالي


محاوره طيبه


وواضح تفوق الهاجري على مستور في هذه المحاوره جلي


اشكرك

والله ان الهاجري مع احترامي له ماهو حول مستور يالكيرعاني




ابيات مستور اعمق واقوى وهذا الشيء واضح للي يفهم

مجرد وجهة نظر يالباسل


والربع يحكمون !!

هههههههههههه


لا حول ولا قوة إلا بالله


لاهنت يالمثالي

الله يطول عمرك يابو تركي عزالله انك تعطي كلاً على قده وانك تحبك العلم حبك

قسم بالله تمنيت الطاروق هذا يطول لو بس بيتين بيتين ..



الف شكر يالمثالي :)

سلطان الهاجري //

لا راح جيل يجي بداله جيل
دورك قضاء مع دور صدامي



مستوور //


والدرب ما بين القمر وسهيل
ليلك سرا يالمحمل الشامي




لاهنت يالمثاااالي الف شكر لك ..

المشكله يالكيرعاني انك شاعر وهذي وجهة نظرك وش خليت للي ماهم شعار :)

الهاااااااااااااجري تفوق على مستور

والي يحكم في ذلك فيصل بن خاااااااااااااااالد

انته ليا جات اللزوم حليل *** يقنعك منا قرص ويدامي


مستور مستواه يفرق كثير عن سلطان الهاجري


الهاجري مبدع في النظم اما المحاورة مستواه جيدجدا لكن مايصل الا مستوى ابو تركي


لاهنت على النقل

المحاوره لها معنا لاكن شوهوها قوم تفوق وتغلب وهكذااا نمونه