طاروق الهذلي وابن رسا (اليابغيت الصدق ماشال الحمول الا البعير)

السلام عليكم ورحمة الله وبركاته


اليوم جايب لك محاوره بين الشاعر /مسلط بن رسا البقمي والشاعر /عبيدالله الهذلي

واتمنى ان تحوز على رضاكم ....





مسلط بن رسا


يامرحبا في مرحبا والله يمسيكم بخير ...... باسم الرجال اهل الوفا والنار من شبابها


قم ياعبيدالله وانا شايفك في سودة عسير ..... والله يبارك في الرجال اللي تزور اصحابها



عبيدالله الهذلي



دام البقا والله يبارك فيك والساير يسير ..... والشاذليه ماتدور الا على شرابها


رحت اتمشى واتشرف بالسلام على الامير .... والعن ثوا شهب الذياب اللي تحد انيابها



مسلط بن رسا



كانك على نهج الرجال تسير وتحث المسير .... عساحضور هذيل لاقامت تسد غيابها


السيف في دولة قطر وامر الاداره للمدير .... حنا ترانا مارضينا وانت لاترضابها


عبيدالله الهذلي



اليا وردنا العد مانارده بالحبل القصير .... والنار من شبابها والخيل من ركابها


اهل الحسد واهل النمايم مالهم منا خشير .... لابارك الله في جليبتها ولا جلابها


مسلط بن رسا


اما نزلنا في بحر والا نزلنا في غدير ..... الله واعلم وش ورا بعض اللحى واشنابها


حنابوقتن فيه معروف الغناوي والفقير .... والسلعه اللي ماتثمن خسرت جلابها


عبيدالله الهذلي


اطلع مع الايام وانزل والبشاير للبشير ..... واحسب حسابك لليالي لاشتعل مشهابها


بيني وبين الفقر حاجب لو رحاته تستدير .... لكن ربك يستر العالم بستر اثيابها


مسلط بن رسا


اليابغيت الصدق ماشال الحمول الا البعير .... لوربعنا الهذلان في مكه تحث اركابها


شوري يكفيني عن الاشوار والله مستشير .... والهينه ياخي شرهتها على من جابها


عبيدالله الهذلي


حنا وصلنا الباب الاول وانت فالباب الاخير .... والله يبيض وجه من قفل بوجهك بابها


الميت عكس الحي مدام الرغى عكس الهدير .... واللي مايعرف قبلة الاسلام ماصلابها


مسلط بن رسا


الله واعلم هل يطير الطير والا مايطير ..... سريت لك في لليلتن ياطير مايسرابها


تراني اكبر منك وانت ياعبيدالله صغير .... والله ان تستسلم هذيل وخنجري في جرابها


عبيدالله الهذلي


منته مضوي من حياتك لاقليل ولاكثير ... متى تفصل لك ثيابن زاهيه تزهابهاا




..

المشاهدات حول ستين والردود !!!!!

محاورة جزله بيض الله وجيه الشعار ووجهك على النقل

مشكوووور يالغااالي ما قصرت ..

لاهنت يالرحال


عبيدالله
رحت اتمشى واتشرف بالسلام على الامير .... والعن ثوا شهب الذياب اللي تحد انيابها


( بيت فيه لكنه شوي (خصوصا في ادغام حرف على مع كلمة الامير ) ولم أعد هذا من لهجة هذيل أعرف عند أهل الجنوب )



عبيدالله
اليا وردنا العد مانارده بالحبل القصير .... والنار من شبابها والخيل من ركابها


(بيت فيه خلل كبير لا أعلم هل هو خطا مطبعي من الكاتب أم هكذا قاله الشاعر )


مسلط
تراني اكبر منك وانت ياعبيدالله صغير .... والله ان تستسلم هذيل وخنجري في جرابها


(وهنا حرف زايد في عجز البيت والأقرب أنه مطبعي (ان تستسلم ) والأقرب (لتستسلم ))

ذيب الطايف نورت الموضوع ولاهنت يالغالي

محمد العتيبي اسعدني مرورك وتقبل تحياتي

لاهنت يالرحال


عبيدالله
رحت اتمشى واتشرف بالسلام على الامير .... والعن ثوا شهب الذياب اللي تحد انيابها


( بيت فيه لكنه شوي (خصوصا في ادغام حرف على مع كلمة الامير ) ولم أعد هذا من لهجة هذيل أعرف عند أهل الجنوب )



عبيدالله
اليا وردنا العد مانارده بالحبل القصير .... والنار من شبابها والخيل من ركابها


(بيت فيه خلل كبير لا أعلم هل هو خطا مطبعي من الكاتب أم هكذا قاله الشاعر )


مسلط
تراني اكبر منك وانت ياعبيدالله صغير .... والله ان تستسلم هذيل وخنجري في جرابها


(وهنا حرف زايد في عجز البيت والأقرب أنه مطبعي (ان تستسلم ) والأقرب (لتستسلم ))



ابووفايح نورت الموضوع ونقدك هادف وبناء


امابخصوص بيت عبيدالله فهوصحيح وهكذا قاله الشاعر

امابيت الثاني فيه خطا مطبعي وهوو


عبيدالله

لامن وردنا العد مانارده بالحبل القصير .... والنار من شبابها والخيل من ركابها



وامابيت مسلط فهوو كالتالي/


مسلط

تراني اكبر منك وانت ياعبيدالله صغير .... والله لتستسلم هذيل وخنجري في جرابها...





شكراا لك يابوفايح على الايضاح واعتذر عن الخطا المطبعي لكم وللشعار


وتقبلوو تحياتي..





,,

بيض الله وجهك محاوره رائعه واختيار جميل

خالد بن مورق اسعدني مرورك وتقبل تحياتي