لو الجبل رجال لاشافنا ذاب..

قصيدة تشرفت بإلقاها في إحتفالية زواج أبناء الشيخ/منصور بن عبود الثبيتي

الشاب /راضي بن منصور والشاب سفر بن منصور

يوم الاربعاء الموافق25/12/1430هـ







مافيه عن دعوة هل الطيب مجناب=بالخص لا جت من رفيق ٍ موالي

نرمي مشاغلنا الكثيرة ورى الباب=ونلغي مواعيد ٍ عراضٍ طوالي

تقدير/وإجلال لبني عمّ وأصحاب=أحضر واشارك مع كرام السبالي

وأن دق هاجوسي من الشعر هنداب=أنظم بيوت الشعر ممّا طرالي

واليا طلبتوني من الشعر ما طاب=ما أطيب من الشعر بزحول الرجالي

ومدحة هل الطآله عريبين الأنساب=أهل الكرم والجود في كل حالي

جيران وأخوان وبني عم وأقراب=كسّابة الناموس فأول وتالي

الآد راضي موفية كل طلاّب=أتشيل ما شالت ظهور الجمالي

أهل هلا ومقدّمة كل ترحاب=والضيف يقلط عندهم فالعلالي

فوق الشحم والطيب والجمر شبّاب=والكيف الأشقر من حلوق الدلالي

أهل وفاء وسلوم وعلوم وآداب=وأعد مايملي علي المجالي

عقب السنه شهرين قانون وحساب=سنّوه للعتبان هاك الليالي

ومشوا على ماقالوا الناس الأجناب=حيث الطلب غالي وراعيه غالي

دخيلهم لو هي على قطع الأرقاب=مايشتكي حتى الصبا والعوالي

واليا حصل فزعه وميقاف غصّاب=صفوفهم ترسي سواة الجبالي

من عزوة ٍ لاقيل منهم ؟للأعراب=أتقول (حرف الثاء) تحل السؤالي!!

الاد ثابت قبل عتبه وعتّاب=مرجع عتيبه محتمين التوالي

قادة عرب وقضاه حلاّلة أنشاب=وأهل النسب والشجره أم الظلالي

و وقت الفعول أن كشّر الناب للناب=قولوا لمن هو رامهم هملالي

لو الجبل رجّال لا شافنا ذاب!!=ولو البحر يدري بنا صار حالي!!

عدونا نسقيه سمً من الداب=وخوينا يشرب قراحً زلالي

أمدح بني عمّي واللي حق الأعجاب=ومن لامدح ربعه عسى مايلالي

وأكبر فخر لثبيت حاضر وغياب=أنه ربى معهم حميد الخصالي

وصلّى الله وسلّم على زاك الانساب=معّرب الجدّ وعريب الخوالي







م

ح

ب

ك

م

عيضه الثبيتي

صح والله لسااااااااانكـــ


وسبعييين نعـــم بثبيت كاافه



وبيض الله وجهكــــ



ابدعت و لآ هو غريب عليك


ونننظر جديدكــــــــ

صح لسانك يابوفيصل

ونعم فيك وفي عيال منصور

والله يوفقهم

تقبل اطيب تحيه

صح لسانك أ\ عيضة الثبيتي


كفو و بييض الله وجهك

أكبر فخر للقبيلة وجودك .............طال عمرك

ابو فيصل

أبدعت

صح لسانك وبيض الله وجهك

وربعنا يستاهلون

تحياتي

صح الساااااانك

وكفو والله

لاهنت

اللهم صلي على محمد

واقول ياعيضه ابدعت بما تعنيه كلمة الابداع وبيض الله وجهك

الغالي عيضه الثبيتي

صح لسانك و قصيدة تستحق الأعجاب

مدحت فأجدت .

ابدعت ياشاعر ثبيت وخليفة مطلق لله درك على هذه القصيده تقبل تقديري واعجابي

اللهم صلي وسلم على نبينا محمد

وصح لسااانك وبيض الله وجهك

لاهنت

الاد ثابـت قبـل عتبـه وعتّـاب
مرجع عتيبـه محتميـن التوالـي
قادة عرب وقضاه حلاّلـة أنشـاب
وأهل النسب والشجره أم الظلالـي


الله الله الله "

لله درك يابو فيصل "


وافي وربعنا يستاهلون "


قصيدة تتجاوز حدود المدح والثناء "

نواف الغنامي


حضورك أسعدني



تحياااااااااتي

فهيد الرويس



حضورك شرفنا



شرف الله مقامك

نواف الغنامي


حضورك انار المتصفح

الله الله الله



لله درك يابو فيصل على هذه الرائعه ..


ونعم بثبيت فخر عتيبه ..


تحيتي
..