قصيده ..مدح في الشيخ ناصر بن شليويح سبق نشرها

سلام ياتركت شيوخ القبيله=يالشيخ ناصر ياجبلنا المتيني
سلام حلو الكيف مزيود هيله=بمجلساً للشيخ في كل حيني
في مجلساًمزلاج بابه مزيله =امشرعاً دايم على درفتيـــني
وغير القبال الزين نفخر نجيله =شاع العطاوي منومس الطيبيني
هذا وقدمه محتمين الدبيله=فعل العطاوي فالمعارك يبيني
شليويح نطاح الغدار المهيله=وياما تغزز كل وضحاًسميني
بدع الشداد وماتونا يشيله=دون القبيله صامداًمايليني
وعقبه طلع ندالرجال الجزيله=الشيخ فاجر راعت المعتديني
وسط الجزيره قد تروس بحيله=بالسيف والعوده وشد العنيني
ياماكسبنا في ذراه الكحيله=وياما خذينا مقرعات الحنيني
زعيم فريس الرجال الشكيله=شهدوابها في نجد ذيك السنيني
وانت العطاوي والعطاوي تجيله=في مدحكم طرق القوافي تزيني
الطيب وادي وحضرتك راس سيله=لاقمت في قومتك ترضي الحزيني
والطيب بشت وشيختك في مديله=تفخر صنانيعه بتعب اليديني
يوماًبعض الناس بشته كميله=انته كميلك ذات بعقلاًرزيني
وياشيخنا غيث السنين المحيله=ياسعد من جاله يبا الفزعتيني
بالمال دونه يدفع المستحيله=والجاه جاهله وحقه ثميني
وحنا جبراكم في السنين المليله = لاجاة بضرب الشلف وعود العريني
ياماحدينا الضد بصفرن اصيله =وياكم كسرنا من عقيداًمكيني
وسلام ياتركت شيوخ القبيله = ياشيخ ناصر ياجبلنا المتيني

,’

قصيدة رائعه في مدح من يستحقها فعلاً

لاهنت يالغالي

,’

لاهنت يامحمد وشهادتك...تكفي ....

متعب الند صح لسانك
على هذه القصيدة الرائعة
المــمــدوح يستــاهــل المـــدح

المـــوج\أبـــوحـــاتــــم

صح الله لسااااااااااانكـ ياسنايدي

صحت ابدانكم ...يابوحاتم ...وعقاب الله لايهينكم

..


صح لسانك يا متعب

ويستاهل ابن شليويح المدح والثناء ،،،

الشاعرالمبدع /متعب الند

صح لسانك قصيده جزله وفي حلها لاهنت

تقبل مروري

الشيخ /ناصر بن مشعان بن فاجر بن شليويح العطاوي

شكراً على المرور ......................يالرجال الله لايهنكم

... الراقي بكل حالاتك ..
الشاعر الجزل : متعب الند ..

للــه درك .. من شاعر متألق بكل المقاااييس ..
كتبت فأتقنت ماأبدعت به ..
مدحت فصدقت فيما أمتدحت بشيخه ...

فنعم برأسك يابعد رأسي ..
ونعم بشيخنا الممدوح
فهو بكل أمانة يستحق إن تصاغ بشموخه جزال البيوت ..

صح لسانك والله إنه يبطي به حي .. وعلى العز والمعزه ..


أحترااامي

لاهنت يالمسعودي............شكراً على المرور

الكم ....القصيده الرديفه قريب جداُ ...بماحصل من الشيخ